ជីវិតកម្សាន្ដ

ចន ច័ន្ទលក្ខិណា ៖ ករណីស្ត្រីតាំងខ្លួនស្នងរូបព្រះនាងឥន្ទ្រទេវី កំពុងរង់ចាំចំណាត់ការពីក្រសួងវប្បធម៌

បានផុស

១ year មុន

នៅ

ថ្ងៃពុធ ១០ មករា ២០២៤

ដោយ

ប្រធានសមាគមសិល្បករខ្មែរអ្នកនាង ចន ច័ន្ទលក្ខិណា បានចេញមកបញ្ជាក់ជាថ្មីទៀតថា ករណីស្ត្រីតាំងខ្លួនជាអ្នកស្នងរូបព្រះនាងឥន្ទ្រទេវី អ្នកនាងកំពុងរង់ចាំចំណាត់ការពីក្រសួងវប្បធម៌ និងវិចិត្រសិល្ប: ខណៈដែលអ្នកនាង បានដាក់សំណើរួចរាល់ហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការឆ្លើយតបរបស់អ្នកនាង ច័ន្ទលក្ខិណា នេះធ្វើឡើងបន្ទាប់ពី អាចារ្យ ធំ បានចេញមកស្នើដោយការលើកឡើងថា «លោកស្រី ចន ច័ន្ទលក្ខិណា ត្រូវឈរជាដើមបណ្ដឹងប្ដឹងបុគ្គលណាដែលធ្វើសកម្មភាពប៉ះពាល់សិល្បៈវប្បធម៌ ស្របពេលខ្លួនកំពុងអង្គុយកៅអីជាប្រធានសមាគមសិល្បករ (មិនបាច់ឆ្លើយឆ្លងអីទេប្ដឹងយកតែម្ដងទៅ)។

ជុំវិញករណីនេះត្រូវបានអ្នកនាង ចន ច័ន្ទលក្ខិណា លើកឡើងថា “ខ្ញុំរង់ចាំចំណាត់ការពីក្រសួងវប្បធម៌ និងវិចិត្រសិល្បៈសិន ព្រោះខ្ញុំក៏បានផ្តល់ព័ត៌មានហ្នឹង លើកសំណើជូនលោកជំទាវឲ្យបានជ្រាបតាំងពីថ្ងៃទី០៣ ខែមករា មកម្លេះ លោកជំទាវ ក៏បានឆ្លើយតបមកខ្ញុំភ្លាមៗដែរនៅក្នុងកិច្ចការងារនេះគឺលោកជំទាវបានប្រគល់ភារកិច្ចជូនទៅឯកឧត្ដម ចំរើន វណ្ណថា ដើម្បីធ្វើកិច្ចការនេះ“។

ប្រធានសមាគមរូបនេះបានបន្ថែមថា «ខ្ញុំក៏បានទាក់ទងរំលឹកឯកឧត្តមម្តងទៀតតាំងពីថ្ងៃទី០៧ ខែមករា តែឯកឧត្តមបានមានប្រសាសន៌ថា ខាងក្រុមការងារបានទាក់ទងទៅម្ចាស់ផេ កម្ចាស់ផេកលើកទូរស័ព្ទហើយក៏បិទវិញមិនអាចទាក់ទងបាន ក្រសួង គឺជាឪពុកម្តាយ របស់អ្នកសិល្បៈផ្នែករក្សាសិល្បៈវប្បធម៌ជាតិ ខ្ញុំអត់ធ្វើការរំលងក្រសួងទេ»។

កាលពីថ្មីៗនេះ បានផ្ទុះការរិះគន់ទង្វើរបស់ស្រ្តីលក់អនឡាញម្នាក់ដែលបានតាំងខ្លួនជាអ្នកស្នងរូបព្រះនាងឥន្ទ្រទេវីចូលសណ្ឋិតបានបង្កការភ្ញាក់ផ្អើលពេញបណ្ដាញសង្គម ខណៈមានមហាជនមួយចំនួនស្នើដល់ក្រសួងពាក់ព័ន្ធចាត់វិធានការលើបុគ្គលរូបនោះផងដែរ។

ដោយឡែកងាកមកប្រធានសមាគមសិល្បករខ្មែរអ្នកនាង ចន ច័ន្ទលក្ខិណា ភ្លាមៗនោះក៏បានចេញមុខស្នើសុំក្រសួងពីរត្រូវមានចំណាត់ការលើស្ត្រីរូបនេះផងដែរ។ អ្នកនាង ចន ច័ន្ទលក្ខិណា ប្រធានសមាគម សិល្បករខ្មែរក៏បានចាត់ទុកទង្វើស្ត្រីតាំងខ្លួនអ្នកស្នងរូបព្រះនាងឥន្ទ្រទេវី គឺជាការមើលងាយវប្បធម៌ដូនតាដ៏ផូរផង់របស់ដូនតាខ្មែរ៕

អត្ថបទ៖ ចាន់រ៉ា