ជីវិតកម្សាន្ដ

រូបថតសុំទិដ្ឋាការ និងរូបក្រោយផាត់មុខរួចរបស់ Mo ហ្វេនភ្ញាក់ផ្អើលសឹងគ្រប់គ្នា

បានផុស

១ year មុន

នៅ

ថ្ងៃសុក្រ ១២ មករា ២០២៤

ដោយ

ជារឿយៗ តារាសម្ដែងវ័យក្មេង Mo Monchanok តែងតែចែករំលែកពីបទពិសោធន៍ពីមុំផ្សេងៗ ឬនិយាយជាមួយអ្នកគាំទ្រ និងក្រុមមិត្តភក្តិលើបណ្ដាញសង្កមផ្ទាល់ខ្លួនរបស់នាង មិនដែលអាកខានឡើយ។ ជាក់ស្ដែងនៅថ្ងៃ១២ ខែមករានេះ នាងបានបង្ហោះរូបថតសុំទិដ្ឋាការ និងរូបក្រោយផាត់មុខរួច ដល់ថ្នាក់អ្នកគាំទ្រលាន់មាត់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈបណ្ដាញព័ត៌មានរបស់ប្រទេសថៃ Sanook បានបង្ហោះនូវរូបភាពរបស់តារាស្រីរូបនេះ ដែលចែករំលែកលើគណនី IG ផ្ទាល់ខ្លួនរបស់នាង។ ក្នុងនោះផងដែរ កាសែតដដែលបានសរសេរថា Mo Monchanok បានបង្ហាញរូបថតកាលពីពេលនាងទៅសុំទិដ្ឋាការធ្វើដំណើរទៅក្រៅប្រទេស ។ រូបភាពទីមួយ គឺជារូបភាពតុបតែងមុខយ៉ាងស្អាតបាត។ តែពេលអូសទៅដល់រូបទី២ ជារូបភាពពិតនាងថតសម្រាប់ទិដ្ឋាការទៅបរទេស ហើយគេក៏សង្កេតឃើញថា វាខុសប្លែកគ្នាឆ្ងាយខ្លាំង។ ប៉ុន្តែយ៉ាងណា នាងនៅតែស្អាតម្នាក់មួយបែប គ្រាន់តែមួយ Make up និងមួយទៀតគឺជាមុខទទេរស្អាតបែប ស្រស់ថ្លា រលោងស្រិលប៉ុណ្ណោះ។

ដោយឡែក គណនីផ្ទាល់របស់តួឯកស្រីក្នុងរឿង “ជីវិតបងដើម្បីអូន” ក៏បានសរសេរ Caption ថា “ថ្ងៃនេះខ្ញុំបានទៅថតរូបដើម្បីសុំទិដ្ឋាការ។ តើអ្នកគួរនិយាយអ្វីខ្លះ លើមុខមិនផាត់និងមុខក្រោយផាត់រួច?”

យ៉ាងណាក៏ដោយ នៅក្នុងរូបភាព២សន្លឹកនោះ បានធ្វើឲ្យអ្នកគាំទ្រនិងមិត្តរួមអាជីពសិល្បៈ ចូលមកបញ្ចេញមតិមិនខុសពីសព្វមួយដង។ ទស្សនិកជបានបញ្ចេញមតិប្លែកៗគ្នាថា ទោះបីជារូបភាពដែលអ្នកបានគិត និងរូបភាពដែលអ្នកទទួលបាន គឺស្ថិតក្នុងទិសដៅផ្សេងគ្នា។ ប៉ុន្តែហ្វេននៅតែឆ្លើយថា Mo Monchanok ពិតជាស្អាតគ្រប់ទម្រង់។

មិនថានាងអត់ផាត់មុខ ឬផាត់មុខនោះទេ មុខមាត់បែបនេះអាចបង្ហាញថា នាងស្អាតបែបនាង ហើយបើនិយាយឲ្យត្រង់ទៅ គឺនាងស្អាតខ្លាំងទោះមិនផាត់មុខក៏ដោយ។

យ៉ាងណាមិញ សម្រាប់ទស្សនិកជនដែលនិយមតាមដានរឿងភាគថៃប្រាកដជាស្គាល់យ៉ាងច្បាស់តាមរយៈការសម្ដែងរឿងភាគរបស់ Mo Monchanok មិនថាជាតួកាចឬតួឯកស្រីនាងអាចលេងបានយ៉ាងស្ទាត់ជំនាញ។ មកដល់សព្វថ្ងៃនេះ តារាស្រីពហុជំនាញ Mo ត្រូវមហាជនប្រុសស្រីនិយមចូលចិត្តការសម្ដែងរបស់នាងដោយសារតែភាគច្រើននាងដើរតួកាចឆ្នាសប៉ុណ្ណោះ៕