ជីវិតកម្សាន្ដ

ផលិតកម្ម Awesome ចាប់បានជនអនាមិកដែលសរសេរសារគំរាមតារាសម្ដែង Park Seo-joon

បានផុស

១ year មុន

នៅ

ថ្ងៃអង្គារ ១៦ មករា ២០២៤

ដោយ

នៅថ្ងៃទី ១៦ ខែមករាឆ្នាំ២០២៤ ទីភ្នាក់ងារ Awesome Entertainment របស់ Park Seo-joon បានចេញសេចក្តីជូនដំណឹងមួយដោយនិយាយថា សកម្មភាពរំលោភសិទ្ធិមនុស្សរបស់តារាសម្តែង Park Seo-joon ដូចជាការបង្កាច់បង្ខូចព្យាបាទ ការបៀតបៀនផ្លូវភេទ ព័ត៌មានមិនពិត ការប្រមាថគ្រួសារ ការផលិត និងការចែកចាយព័ត៌មានមិនពិត កំពុងបន្តនៅលើ SNS និងនៅក្នុងសហគមន៍អនឡាញយ៉ាងគគ្រឹកគគ្រេង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងនោះទីភ្នាក់ងារដដែលបាននិយាយបន្ថែមថា “ដើម្បីការពារតារាសម្តែង ក្រុមហ៊ុនរបស់យើងបានតាមដានករណីបែបនេះជាច្រើនឆ្នាំមកហើយ ហើយយើងបានតែងតាំងក្រុមហ៊ុនច្បាប់ជាអ្នកតំណាងផ្លូវច្បាប់របស់យើង ដើម្បីដាក់ពាក្យបណ្តឹងព្រហ្មទណ្ឌប្រឆាំងនឹងការរំលោភបែបនេះ”។

យោងទៅតាមការពន្យល់របស់ភ្នាក់ងារ ពួកគេបានប្តឹងអ្នកអត្ថាធិប្បាយអាក្រក់មួយចំនួនដែលបានបង្ហោះតាមអ៊ីនធឺណិតបង្ខូចកេរ្តិ៍ឈ្មោះ Park Seo-joon កាលពីឆ្នាំ ២០២០។ ពួកគេក៏បានដាក់ពាក្យបណ្តឹងទៅកាន់ស្ថានីយ៍ប៉ូលិស Seoul Seongdong ប្រឆាំងនឹងបុគ្គលមិនស្គាល់អត្តសញ្ញាណជាច្រើននាក់ ពីបទបរិហារកេរ្តិ៍។

លើសពីនេះថែមទៀតផលិតកម្ម Awesome Entertainment បានបន្តទៀតថា “ថ្មីៗនេះ ខាងផលិតកម្មមាននៅព័ស្តុតាង ដើម្បីកំណត់អត្តសញ្ញាណបុគ្គលមួយចំនួន ដែលទទួលរងនូវបណ្តឹងព្រហ្មទណ្ឌ។ ជនជាប់ចោទមួយចំនួនត្រូវបានបញ្ជូនទៅអយ្យការ ខណៈខ្លះទៀតកំពុងស្ថិតក្រោមការស៊ើបអង្កេតរបស់ប៉ូលិស ហើយរំពឹងថានឹងត្រូវកាត់ទោសក្នុងពេលឆាប់ៗខាងមុខ។

ផលិតកម្មរបស់ Park Seo-joon បាននិយាយទៀតថា “ពួកយើងបាននិងកំពុងខិតខំប្រឹងប្រែងជាបន្តបន្ទាប់ដើម្បីទទួលបានព័ត៌មានផ្ទាល់ខ្លួនរបស់បុគ្គលដែលធ្វើការបង្ហោះព្យាបាទប្រឆាំងនឹងតារាសម្តែង។ យើងនៅតែប្រមូលទិន្នន័យ និងធ្វើការពិនិត្យផ្លូវច្បាប់ រួមទាំងការតែងតាំងតំណាងផ្លូវច្បាប់ និងកំណត់គោលដៅសម្រាប់កាត់ទោស។

ជាចុងក្រោយ ក្រុមហ៊ុនបានព្រមានយ៉ាងម៉ឺងម៉ាត់ថា នឹងតាមដានយ៉ាងសកម្មនូវអ្នកដែលធ្វើឲ្យខូចកេរ្តិ៍ឈ្មោះ និងលក្ខណៈរបស់តារាសម្តែងរហូតដល់ទីបញ្ចប់ ដើម្បីទប់ស្កាត់ការកើតឡើងម្តងទៀត។ ក្នុងនោះពួកគេហ៊ានសន្យាថានឹងឃុំខ្លួនជនជាប់ចោទឲ្យទទួលខុសត្រូវផ្លូវច្បាប់យ៉ាងរឹងមាំ ដោយគ្មានការអត់ឱនសូម្បីតែបន្តិច ហើយ Awesome Entertainment ក៏ស្នើសុំឲ្យអ្នកបញ្ឈប់ការផ្សព្វផ្សាយការបរិហារកេរ្តិ៍ និងខ្លឹមសារស្អប់ខ្ពើមចំពោះតារាសម្តែងដែលលាក់ខ្លួននៅពីក្រោយការបង្ហោះអនាមិកផងដែរ៕