ហ្វូងអ្នកគាំទ្រសម្រុកទៅសាក់​ប្រជ្រុយ​ត្រង់ ក ដូច Lisa និង YaYa  ដើម្បីចង់បានភាពល្បីល្បាញនិងរកលុយចូលច្រើន

នៅលើបណ្ដាញសង្គមអ៊ីនធឺណិតប្រទេសថៃ បានបង្កឲ្យមានការភ្ញាក់​ផ្អើល​យ៉ាង​ខ្លាំង​ បន្ទាប់​ពីហ្វូងមនុស្សជាច្រើនបាននិងសម្រុកទៅសាក់ប្រជ្រុយនៅត្រង់ ក​ ឲ្យទាក់ទាញដូច Lisa សមាជិកក្រុម Blackpink និង YaYa Urassaya ខណៈដែលតារាស្រីពីររូបនេះ មានកេរ្តិ៍ឈ្មោះល្បីល្បាញនិងរកប្រាក់បានយ៉ាងក្រាស់ក្រែល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយសារតែទិន្នាការនៃមនុស្សរាប់ម៉ឺននាក់ សម្រុកទៅសាក់ប្រជ្រុយតាមតារាស្រីទាំងពីរដួង បានធ្វើឲ្យជំនន់នៃរូបភាពសាយភាយពាសពេញបណ្ដាញសង្គម។ ក្នុងនោះម្នាក់ៗថែមទាំងបញ្ចាក់ទៀតថា ស្នាមប្រជ្រុយដូច Lisa និង YaYa គឺជាប្រជ្រុយនាំលាភសំណាង, ​ទទួល​បាន​ការងារ​ច្រើន និង​រក​បាន​លុយបានរាប់​ពាន់​លានថែំទៀតផង។

ទោះយ៉ាងណានេះក្ដី កាលពីថ្ងៃ ១៦ ខែមករា នេះតែម្ដង បុគ្គលដ៏មានឥទ្ធិពលម្នាក់ Praiwan Wannabut បានចេញមុខបកស្រាយលម្អិតពីនិន្នាការសាក់ប្រជ្រុយឲ្យដូចសមាជិកក្រុម Blackpink និង YaYa Urassaya ។

Influencer ភេទទី៣រូបនេះបានបង្ហោះឃ្លិបដែលមានចំណងជើងថា សាក់​ប្រជ្រុយ​តាម​ Lisa អ្នក​នឹង​អស្ចារ្យ! តាមរយៈទំព័រហ្វេសប៊ុកផ្ទាល់ខ្លួន Praiwan Wannabut គាត់បានឆ្លើយតបនឹងមតិរបស់អ្នកលេងអ៊ីនធឺណែតអំពីជំនឿលើការសាក់រូបប្រជ្រុយនៅលើកញ្ចឹងក ក្នុងទីតាំងដូចគ្នាជាមួយ Lisa និង Yaya ព្រោះគាត់ជឿថា វានឹងពេញនិយម។ Prairie បាន​ឆ្លើយ​ដោយ​ស្មោះ​ត្រង់ថា ប្រជ្រុយតែម្នាក់ឯងមិនធ្វើឲ្យជីវិតកាន់តែប្រសើរឡើងទេ។ ប៉ុន្តែ​អ្នក​ក៏​ត្រូវ​តែ​មាន​សមត្ថភាព និង​រូបរាង​ល្អ​ផង​ដែរ។

លើសពីនេះ អ្នកត្រូវពឹងផ្អែកលើរូបរាង និងសមត្ថភាពពេញទី បើ​អ្នក​មើល​ទៅ​មិន​ស្អាត អ្នក​គួរ​តែ​វះកាត់​កែ​សម្ផស្ស។ មិនមែនដើម្បីទទួលបានប្រជ្រុយហើយអ្នកជោគជ័យនោះទេ។ ប៉ុន្តែប្រសិនបើអ្នកមិនមានលទ្ធភាព ទោះ​អ្នក​ធ្វើ​គ្រប់​យ៉ាង​ក៏​គ្មាន​ផ្លូវ​ដែល​អ្នក​នឹង​ជោគជ័យ​ដែរ។ ​ការ​ក្លាយ​ជា Lisa និង Yaya មិន​ងាយ​ស្រួល​ទេ ពីព្រោះអ្នកទាំងពីរត្រូវខិតខំ និងរស់នៅក្នុងផ្ទះ និងទីក្រុងផ្សេងៗគ្នាផងដែរ។

ពិសេសជាងនេះទៀត ត្រូវតែមើលទម្រង់មុខរបស់ Lisa ថា នាងទាំងឆ្លាត, ស្អាត ទាំងទេពកោសល្យ។ ទោះ​បី​ជា​មនុស្សគ្រប់គ្នាមាន​ប្រជ្រុយដូច ក៏មិនប្រាកដថារកប្រាកបានច្រើននិងមានបានដូចពួកគេដែរ។ ហេតុអ្វីបានជានាងត្រូវបានទទួលស្គាល់ទូទាំងពិភពលោក មានមនុស្ស១០០ លាននាក់តាមដានលើ IG គាត់មិនត្រឹមតែលក់ភាពស្រស់ស្អាតប៉ុណ្ណោះទេ។ គាត់ក៏លក់ទេពកោសល្យ​ពីក្នុងខ្លួន ព្រមទាំងមិនដែលឈប់រៀន និងអភិវឌ្ឍខ្លួនទេ។

មិនត្រឹមប៉ុណ្ណឹងទេ នាងត្រូវតែប្រយុទ្ធប្រឆាំងនឹងឧបសគ្គយ៉ាងខ្លាំងក្លា ហើយមិនមែនមានន័យថា មានប្រជ្រុយនឹងធ្វើឲ្យអ្នកល្បីនោះទេ។ តើ​នឹង​ទទួល​បាន​ជោគជ័យ​កម្រិត​ណា​ ប្រសិន​បើ​អ្នក​សាក់​ប្រជ្រុយ? បើអ្នកចង់ជោគជ័យដូចគាត់ អ្នកត្រូវតែប្រើសមត្ថភាពខ្លួនឯង។ តើអ្នកអាចអភិវឌ្ឍសមត្ថភាពរបស់អ្នក ដើម្បីធ្វើវាដូចគាត់អាចធ្វើបានទេ?

យ៉ាងណាមិញ បន្ទាប់ពី Influencer ភេទទី៣ បានបង្ហោះឃ្លិបបកស្រាយជាសាធារណៈ ​ក្រុមអ្នក​​លេង​អ៊ីនធឺណិត​ជាច្រើនបានចូលទៅបញ្ចេញ​មតិគាំទ្រលើគំនិតរបសគាត់យ៉ាងពេញទំហឹង។​ ម្នាក់ៗចោទជាសំណួរទៅកាន់ហ្វូងអ្នកទៅសាក់ប្រជ្រុយថា​ ធ្វើបែបនេះមានតែខាតពេលខាតវេលាចោលទទេរប៉ុណ្ណោះ ហើយថែមទាំងគ្មានប្រយោជន៍អ្វីឡើយ គ្រប់យ៉ាងបានមកពីការខិតខំជាក់ស្ដែង មិនមែនសាកប្រជ្រុយហើយសំណាងនឹងរត់មកទេ៕

អត្ថបទ៖​​ សាង ​ស្រីល័ក្ខ

ចុចអាន៖ជួបព្យុះជីវិតរាប់លែងអស់ Ice វិលមកអាជីពចាស់ប្រកបដោយកម្លាំងចិត្តធំជាងមុន