ជីវិតកម្សាន្ដ

Taew បង្ហោះសារបង្រៀនរបៀបរស់នៅសាមញ្ញ មិនបាច់ខ្វល់អ្នកបំផ្លាញបេះដូង

បានផុស

១២ ខែ មុន

នៅ

ថ្ងៃព្រហស្បតិ៍ ១៨ មករា ២០២៤

ដោយ

ទស្សនិកជនដឹងហើយថាតារាសម្ដែងស្រី Taew Natapohn មិនត្រឹមតែមានសម្រស់ស្រស់ស្អាតនិងមានទេពកោសល្យចំណេះជំនាញក្នុងអាជីពសិល្បៈប៉ុណ្ណោះទេ។ ជារឿយៗអ្នកគាំទ្រជាច្រើនតែងតែឃើញនាងបង្ហោះនូវសម្រង់សម្ដី និងពាក្យពេចន៍ល្អៗ លើបណ្ដាញសង្គមជានិច្ច។

យោងទៅតាមការចុះផ្សាយរបស់ Sanook បានបង្ហោះនូវរូបភាពរបស់ Taew Natapohn ប៉ុន្មានសន្លឹកតាមរយៈបណ្ដាញសង្គម Instagram ផ្ទាល់ខ្លួនរបស់នាង ជាមួយនឹងសារមួយនិយាយថា “កាត់ចេញនូវអ្វីដែលអ្នកមិនត្រូវការ។ រស់នៅក្នុងជីវិតសាមញ្ញគ្មានទីបញ្ចប់ បញ្ចេញការព្រួយបារម្ភដែលមិនចាំបាច់ ដោយមិនត្រូវបានរងឥទ្ធិពលដោយតម្លៃរបស់អ្នកដទៃ”។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងពេលដែលមិនបានប៉ុន្មានម៉ោងផង អ្នកគាំទ្រសំណព្វរបស់របស់នាង បានចូលទៅស៊ែរនិងចុចឡាចពេញចិត្តនូវសំណេររបស់តួឯកសឹ្រក្នុងរឿង “ព្រះម៉ែនាគី” យ៉ាងគគ្រឹកគគ្រេង ស្របពេលដែលមហាជនផ្សេងទៀតបានបញ្ចេញមតិយល់ស្រប នឹងការចែគរំលែករបស់នាងនាពេលនេះខ្លាំងបំផុត។

យ៉ាងណាក៏ដោយ ផ្អែកតាមការលើកឡើងរបស់តារាសម្ដែង Taew Natapohn ស្របនឹងនាពេលថ្មីៗនេះថែមទៀតនាងតែងតែលេចឮនូវពាក្យចចាមអារ៉ាមទាក់ទងនឹងស្នេហាជាមួយសេដ្ធីជំនួញ Hi-So Pranai ពីបណ្ដាញអ៉ិនធើណេត ក្នុងពេលដែលអ្នកទាំងពីរពុំទាន់រៀបការនូវឡើយ។

លើសពីនេះថែមទៀត Taew តែងតែត្រូវបានគេភ្ចាប់ឈ្មោះពាក់ព័ន្ធនឹងរឿងរ៉ាវមិនល្អនានា រហូតធ្វើឲ្យនាងតែងតែចេញមុខបង្ហោះរឿងសប្បាយៗលើគណនីផ្ទាល់ខ្លួន។ សូម្បីតែសម្រង់អត្ថន័យល្អៗទាក់ទងនឹងការអប់រំផ្លូវចិត្ត ក៏តារាស្រីរូបនេះនិយមបង្ហោះជាសារមួយជួយដាស់តឿនខ្លួនឯង កុំឲ្យលង់ជ្រៅនឹងសម្ដីមិនល្អរបស់អ្នកដទៃ៕