ជីវិតកម្សាន្ដ

អ្នកចាត់ការផ្ទាល់ខ្លួន Klao លះបង់មុខមាត់ដើម្បីកែសម្ផស្សឲ្យដូច Mai Davika

បានផុស

១២ ខែ មុន

នៅ

ថ្ងៃសុក្រ ១៩ មករា ២០២៤

ដោយ

សម្រាប់ទស្សនិកជននៅក្នុងប្រទេសថៃប្រាកដជាស្គាល់យ៉ាងច្បាស់ Klao Namprao ជាអ្នកគ្រប់គ្រងផ្ទាល់របស់តារាសម្ដែងស្រីជួរមុខ Mai Davika ជាក់ជាមិនខានឡើយ។ អ្វីដែលកាន់តែចាប់អារម្មណ៍ខ្លាំងពីសំណាក់មហាជនប្រុស-ស្រីអ្នកចាត់ការស្រីរូបនេះ បានលះបង់មុខមាត់ដើម្បីកែសម្ផស្សឲ្យដូច Mai ថែមទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាសែត Sanook បានផ្សាយយ៉ាងព្រោងព្រាតនូវរូបភាពថ្មីស្រឡាងរបស់អ្នកចាត់ការ Klao Namprao ដែលថ្មីៗនេះនាងបានសម្រេចចិត្តធ្វើការវះកាត់លើផ្ទៃមុខជាង ១០មុខ ដូចជា កែមុខ, ទាញក, កែបបូរមាត់, ចង្កា, បំបាត់ខ្លាញ់ថ្ពាល់ វះកាត់ត្របកភ្នែកខាងលើ វះកាត់ត្របកភ្នែកខាងក្រោម កែច្រមុះ ចាក់បង្រួមបឿក ក និងសម្រកក្បាលពោះ។

យ៉ាងណាក៏ដោយ ក្រោយវះកាត់កែសម្ផស្សអស់រយៈពេលជាង៤ខែ និងរំលាយខ្លាញ់ក្បាលពោះ ពេលនេះអ្នកចាត់ការ Klao Namprao ស្រក់ទំងន់ពី ១១០គីឡូក្រាមមកនៅត្រឹម៨២គីឡូក្រាមប៉ុណ្ណោះ។ ក្នុងពេលដែលនាងបានបង្ហើបទៀតថា ទំងន់នេះអាចនឹងស្រកទៅទៀត ព្រោះរូបភាពចុងក្រោយនាងបង្ហាញខ្លួន មានរាងស្ដើងគួរឲ្យកត់សម្គាល់។

លើសពីនេះ ទស្សនិកជនដែលបានឃើញរូបរាងថ្មីរបស់អ្នកចាត់ផ្ទាល់ខ្លួនរបស់តារាសម្ដែង Mai Davika បានបង្ហាញចំណាប់អារម្មណ៍ភ្ញាក់ផ្អើលយ៉ាងខ្លាំង ខណៈដែលអ្នកខ្លះបានសរសើរនាងថា ពិតជាស្រស់ស្អាត មុខមាត់មិនដូចមុនទៀតទេ ហើយរាងក៏ស្លីម ចំណាំមិនស្គាល់ថាជាអ្នកចាត់ការមាឌធំ Klao ឡើយ។

យ៉ាងណាមិញ តាមរយៈរូបភាពចុងក្រោយឯណោះដែលបង្ហោះដោយ Klao ត្រូវអ្នកគាំទ្រលើបណ្ដាញអ៉ិនធើណេតជាច្រើនប្រដូចនាងនឹង Mai Davika ថាជាកូនភ្លោះ។ ព្រោះបើគយគន់ឲ្យយូរអ្នកទាំងពីរមានភាពស្រដៀងគ្នាខ្លាំង រហូតដល់ថ្នាក់ទស្សនិកជនថា អ្នកចាត់ការរូបនេះអាចដើរតួជំនួស Mai បានយ៉ាងធូររលុងថែមទៀតផង៕