ជីវិតកម្សាន្ដ

តារាជើងចាស់ Arnold ត្រូវគេឃុំខ្លួននៅអាកាសយានដ្ឋានអាល្លឺម៉ង់ ព្រោះនាឡិកាមួយគ្រឿង

បានផុស

១ year មុន

នៅ

ថ្ងៃសុក្រ ១៩ មករា ២០២៤

ដោយ

របាយការណ៍ពីកាសែត Bild ប្រទេសអាល្លឺម៉ង់កាលពីថ្ងៃទី ១៨ ខែមករាឆ្នាំ ២០២៤ បានរាយការណ៍ថា តារាសម្តែងជើងចាស់ Arnold Schwarzenegger អតីតអភិបាលរដ្ឋកាលីហ្វ័រញ៉ាវ័យ៧៦ ឆ្នាំ ត្រូវបានឃុំខ្លួនបណ្តោះអាសន្ននៅអាកាសយានដ្ឋាន Munich នៃប្រទេសកំណើតខ្លួន ដោយសារតែមន្ត្រីចង់ផ្ទៀងផ្ទាត់ព័ត៌មានអំពីនាឡិកាប្រណីតតែគាត់មិនព្រមរាយការណ៍ពីការបង់ពន្ធ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងរបាយការណ៍បានបញ្ជាក់ថា Arnold ត្រូវបានបង្ខាំងអស់រយៈពេលជាច្រើនម៉ោង។ ក្នុងពេលដែលក្រុមគយបានហៅទៅពិនិត្យមើលនាឡិកាប្រណីតដែលគាត់បាននាំចូល ខណៈដែលមួយគ្រឿងនេះមានតម្លៃថ្លៃជាងដែនកំណត់គយអាល្លឺម៉ង់កំណត់។

កាសែតដដែលនេះក៏បាននិយាយផងដែរថា នាឡិកាដ៏ប្រណិតនោះត្រូវបានរក្សាទុកក្នុងវ៉ាលី មានតម្លៃដល់ទៅ ២០,០០០ អឺរ៉ូ ហើយនឹងត្រូវដាក់លក់ដេញថ្លៃនៅឯពិធីជប់លៀងអាហារពេលល្ងាច សម្រាប់ការរៃអង្គាសថវិកាដើម្បីជួយដល់គម្រោង Schwarzenegger Climate Initiative។

ទោះជាយ៉ាងណាក៏ដោយ ច្បាប់អាល្លឺម៉ង់ចែងយ៉ាងដូច្នេះថា អ្នកធ្វើដំណើរអាចនាំយកវត្ថុមានតម្លៃ ឬគ្រឿងអលង្ការចូលប្រទេសដោយមិនចាំបាច់ប្រកាសថាពួកគេបង់ពន្ធ។ ប៉ុន្តែវាត្រូវតែជារបស់ដែលមានតម្លៃតិចជាង ៤៣០ អឺរ៉ូ ប៉ុន្តែនៅក្នុងករណីរបស់ Arnold តម្លៃនៃនាឡិកានេះលើសពីដែនកំណត់ច្បាប់។ គយអាឡឺម៉ង់នឹងចាត់វិធានការបន្ថែមទៀតប្រឆាំងនឹងគាត់ដែលហ៊ាននឹងល្មើសនឹងច្បាប់៕