ជីវិតកម្សាន្ដ

ភរិយាលោក ស៊ុក សុភា ប្រកាសចាត់វិធានការតាមផ្លូវច្បាប់លើបុគ្គលម្នាក់ បើមិនសុំទោសជាសាធារណៈ

បានផុស

១ year មុន

នៅ

ថ្ងៃសៅរ៍ ២០ មករា ២០២៤

ដោយ

ភរិយាអតីតតារាសម្តែងលោក ស៊ុក សុភា គឺ អ្នកនាង លុយ រីម៉ា ហៅ សារីនណា ជាអាណិកជនអូស្ត្រាលី បានប្រតិកម្មដោយប្រកាសព្រមានចាត់វិធានការផ្លូវច្បាប់លើបុគ្គលម្នាក់ ប្រសិនបើមិនចេញមុខសុំទោសជាសាធារណៈត្រឹមរយៈពេល ២ ថ្ងៃ នោះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការព្រមានផ្លូវច្បាប់របស់អ្នកនាង លុយ រីម៉ា នេះ ធ្វើឡើងបន្ទាប់ពីមានបុគ្គលម្នាក់បានយក Account Facebook និងសំណេររបស់នាងទៅធ្វើការបង្ហោះកាលពីថ្មីៗនេះ។ អ្នកនាង បានលើកឡើងថា «ជូនចំពោះអ្នកដែលបានយកអាខោន និងសំណេររបស់ខ្ញុំទៅបង្ហោះកាលពីយប់ថ្ងៃទី ១៧ ចូល ១៨»។

ភរិយាលោក ស៊ុក សុភា បានបញ្ជាក់ថា «បន្ទាប់ពីខ្ញុំមានការចង់ប្ដឹងទៅអ្នក ក៏មានការសម្របសម្រួលមិនចង់ឲ្យខ្ញុំប្ដឹង ដូច្នេះ ខ្ញុំ ក៏មានការសុំឲ្យអ្នកចេញមុខមកសុំទោសខ្ញុំជាសាធារណៈនូវទង្វើ ការគិត និងពាក្យសម្ដីរបស់អ្នកមកកាន់រូបខ្ញុំ ខ្ញុំនឹងទុកពេល ២ ថ្ងៃ ឲ្យអ្នក គឺចាប់ពីពេលដែលខ្ញុំបង្ហោះសារនេះទៅ»។

អ្នកនាងបាននិយាយទៀតថា បើបុគ្គលខាងលើមិនធ្វើទេ នាងនឹងចាត់វិធានការទៅតាមផ្លូវច្បាប់ដដែល ហើយប្ដឹងពីបទប្រមាថមាក់ងាយ និងបង្កើតឲ្យមានការញុះញង់រើសអើងមកលើរូបអ្នកនាង។ ចំពោះប្រាក់ដែលខ្លួនប្ដឹងទារឲ្យសងជំងឺចិត្តនោះ នាងនឹងបង្វិលជូនទៅមន្ទីរពេទ្យគន្ធបុប្ផា។