ជីវិតកម្សាន្ដ
Pong Nawat ត្រូវទស្សនិកជនថៃដាក់រហស្សនាមថា ប្រុសពូកែផិតក្បត់ភរិយាលេខ១នៅឆ្នាំ២០២៤
ទស្សនិកជនដែលនិយមតាមដាននូវរឿងភាគថៃដែលសម្ដែងដោយតារាប្រុស Pong Nawat ប្រាកដជាស្គាល់យ៉ាងច្បាស់ ពីបុរសសង្ហាកម្ពស់ខ្ពស់ស្រឡះ មិនចេះចាស់តាមវ័យរូបនេះជាក់ជាមិនខានឡើយ។ ថ្វីបើតារាលោកស្ថិតក្នុងវ័យ៤៥ឆ្នាំក៏ពិតមែន ប៉ុន្តែបើនិយាយពីអាជីពសម្ដែងក្នុងវិស័យសិល្បៈថៃនាបច្ចុប្បន្ននេះវិញ Pong តែងតែដើរតួឯកសឹងតែគ្រប់រឿង។ ប៉ុន្តែអ្វីដែលធ្វើគេកាន់តែចាប់អារម្មណ៍ខ្លាំង នោះគឺថាលោកគឺជាប្រុសផិតក្បត់ភរិយាគ្រប់រឿងភាគថៃដែលមហាជនទស្សនាកន្លងមក។
ចាប់តាំងចូលដើមឆ្នាំ២០២៤មក Pong Nawat ត្រូវបានទស្សនិកជនថៃទូទាំងប្រទេសដាក់រហស្សនាមថា លោកជាប្រុសពូកែផិតក្បត់ភរិយាលេខ១គ្រប់រឿងភាគដែលលោកសម្ដែង។ លើសពីនេះថែមទៀតនោះ គ្មានរឿងភាគថៃមួយណាដែលលោកមិនត្រូវបានទស្សនិកជនជេរស្ដី និងខឹងជំនួសតួឯកស្រីនោះទេ។ តារាប្រុសមានទេពកោសល្យរូបនេះ មានជំនាញដ៏ពិសេសនោះគឺការលេងទឹកមុខស្លូតបូត សក្តិសមជាស្វាមីគំរូក្នុងគ្រួសារបំផុត។ តែអ្វីដែលធ្វើឲ្យអ្នកទស្សនាហួសចិត្តខ្លាំង Pong មានមន្តស្នេហ៍ខាងសាវ៉ា ស្របពេលដែលលោកមានឧត្តមភរិយាពោរពេញដោយសន្តានចិត្តយ៉ាងក្រៃលែង។
ជាក់ស្ដែង រឿងភាគថៃចំនួន៦ដែល Pong Nawat ត្រូវមហាជនក្នុងប្រទេសជេរស្ដីនិងឲ្យរហស្សនាមថា ប្រុសពូកែផិតក្បត់ភរិយាលេខ១នៅឆ្នាំ២០២៤។
១ រឿង “Battle of Angels”

ចេញផ្សាយនៅថ្ងៃទី០៨ខែមករា ឆ្នាំ២០០៨ រឿងភាគក្រោមចំណងជើងថា “Battle of Angels” ទទួលបានការគាំទ្រយ៉ាងច្រើនគួរសម ខណៈពេលដែល Pong Nawat ធ្លាប់តែដើរសុភាពៗកន្លងមក។ ក្រោយមក ទើបអ្នកដឹកនាំរឿង តម្រូវឲ្យលោកដូរឈ្មោះជាប្រុសសុភាព មកជាប្រុសសាវ៉ា រហូតដល់ថ្នាក់មហាជនសរសើរពីជំនាញនៃការលេងទឹកមុខនិងអារម្មណ៍ក្នុងរឿងមិនធម្មតានោះទេ។
២ រឿង “E-sa”

មិនខុសពីរឿងភាគខាងលើប៉ុន្មាននោះទេ រឿង “E-sa” ចេញផ្សាយនៅថ្ងៃទី១២ ខែវិច្ឆិកា ឆ្នាំ២០១៣ ក៏ទទួលបានភាពល្បីល្បាញខ្លាំងក្នុងពេលដែលលោកដើរតួជាស្វាមីតារាសម្ដែង Nune Woranuch ប៉ុន្តែបែរលួចលាក់ក្បត់ភរិយាមានស្រីខាងក្រៅ ដែលជាញាតិខាងប្រពន្ធទៅវិញ។
៣ រឿង “Diary”

ដុន សម្ដែងដោយ Pong ដែលរៀបការជាមួយភរិយាមានឈ្មោះថា លីតា បាន១០ឆ្នាំ ។ ប៉ុន្តែយប់មួយគាត់បានភ្លាត់ស្នៀតគេងជាមួយតួរងស្រីឈ្មោះថា Mai ។ អ្វីដែលគាត់គិតថាគាត់អាចបំភ្លេចបានយ៉ាងងាយ ប្រែក្លាយជាកំហុសដ៏អាក្រក់បំផុតក្នុងជីវិតរបស់គាត់នៅពេល Mai ឈ្លក់វង្វេងនឹងការបំផ្លាញគាត់ និងគ្រួសារ រហូតបែកបាក់គ្នា។ រឿងភាគមួយនេះ ទទួលបានចំណាតខ្ពស់មិនធម្មតានោះទេពីទស្សនិកជន ខណៈដែលតួសម្ដែងម្នាក់ៗលេងសមឥតខ្ចោះពេក ដល់ថ្នាក់អ្នកទស្សនាជេរតួស្ដីប្រុសយ៉ាងសម្បើមដៃ។
៤ រឿង “Plerng Boon” ចំណងជើងភាសាខ្មែរ “ភ្លើងស្នេហ៍ភ្លើងឬស្សា”

កាលពីឆ្នាំ២០១៧ ទស្សនិកជនទាំងថៃនិងខ្មែរចងចាំមិនភ្លេចនោះទេ នូវសាច់រឿងមួយនេះដែលសម្ដែងដោយ Pong Nawat, Bella Ranee និង Janie Tienphosuwan។ ភាពយន្តភាគ “Plerng Boon” ឬ”ភ្លើងស្នេហ៍ភ្លើងឬស្សា”ទទួលបានការសាទរយ៉ាងភ្លូកទឹកភ្លូកដីពីក្រុមអ្នកទស្សនា រហូតគេដាក់ឈ្មោះលោក Pong ជាប្រុសផិតប្រចាំឆ្នាំនោះថែមទៀតផង។ ចំណែក Bella ជាកំពូលឧត្តមភរិយាស្មោះស័គ្រ្មនឹងស្វាមី ខណៈដែល Janie រងការជេរស្ដីពីមហាជនយ៉ាងច្រើន។
៥ រឿង “Mia” ចំណងជើងភាសាខ្មែរ “ភ្លើងស្នេហ៍ភរិយាដើម”

រឿង “Mia” ចំណងជើងភាសាខ្មែរ “ភ្លើងស្នេហ៍ភរិយាដើម” គឺជាចាប់ដៃគូសារជាថ្មីជាមួយតារាសម្ដែងស្រី Namthip ទទួលបានចំណាតថ្នាក់នៃការចូលទស្សនាយ៉ាងច្រើនលើសលុបសឹងមិនគួរឲ្យជឿ។ សាច់រឿងមួយនេះបានសម្ដែងនូវទិដ្ធភាពភរិយាដ៏ល្អប្រពៃ តែបែរជួបស្វាមីលួចលាក់ស្នេហាជាមួយប្អូនស្រីខ្លួនឯងទៅវិញ។ ដូច្នេះហើយ ទើបលោក Pong Nawat បានចារក្នុងចង្កោមសិល្បៈថៃថា សក្តិសមជាបុរសសាវ៉ាបំផុតកាលឆ្នាំ២០១៨។
៦ រឿង VIP

ភាពយន្តចុងក្រោយដែលចេញផ្សាយកាលពីចុងឆ្នាំ២០២៣ មានចំណងជើងថា VIP សម្ដែងជាមួយ Pooklook Fonthip កំពុងទទួលបានសន្ទុះនៃការគាំទ្រយ៉ាងភ្លូកទឹកភ្លូកដី ពីសំណាក់អ្នកគាំទ្រជាច្រើន។ អ្វីកាន់តែចាប់អារម្មណ៍ខ្លាំងនោះគឺថា រឿងភាគចុងក្រោយនេះបានធ្វើកេរ្តិ៍ឈ្មោះរបស់តារាប្រុសសាច់ដុំកង់ៗរូបនេះ កាន់តែមានប្រជាប្រិយភាពខ្លាំងក្លា និងមានគេស្គាល់លោកតាមរយៈតួសម្ដែងជាប្រុសព្រានដែលមានភរិយាស្របច្បាប់ហើយ នៅតែលួចលាក់មានប្រពន្ធចុងក្រៅ។
លើសពីនេះថែមទៀត តួឯកប្រុសសំបូរមន្តស្នេហ៍ នៅតែត្រូវប៉ាន់ផលិតករក្នុងស្រុក ជារឿយៗទាំងភាពយន្តនិងការថតស្បតបង្អួតសាច់ដុំ បើទោះបីជា Pong ឈានដល់វ័យក្បែរ៥០ឆ្នាំទៅហើយក្ដី៕
អត្ថបទ៖ សាង ស្រីល័ក្ខ
ចុចអាន៖Bella រំភើបចង់ហោះ ក្រោយឃើញរូបក្រមួនក្នុងសារមន្ទីរ ដូចបេះដាក់នឹងនាង

-
ព័ត៌មានអន្ដរជាតិ១៣ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២៣ ម៉ោង ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?