ជីវិតកម្សាន្ដ

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស សុំឲ្យគ្រប់គ្នាអហោសិកម្ម

បានផុស

១ year មុន

នៅ

ថ្ងៃចន្ទ ២២ មករា ២០២៤

ដោយ

តារាប្រុសរាងសង្ហា និងជាតួសម្ដែងប្រចាំប៉ុស្តិ៍លេខ ៣ លោក Toey Pongsakorn បានបង្ហោះនូវរូបភាពសាងភ្នួសច្រើនសន្លឹកលើបណ្ដាញអ៉ិនធើណេត បង្កើតការភ្ញាក់ផ្អើលយ៉ាងខ្លាំងពីសំណាក់អ្នកគាំទ្រ។ អ្វីដែលកាន់តែពិសេសនោះគឺ ភ្ញៀវមកចូលរួមក្នុងពិធីនេះសុទ្ធតែជាតារាល្បីៗ នេះបើតាមការចុះផ្សាយរបស់កាសែតថៃ Sanook នាថ្ងៃទី២០ ខែមករា ឆ្នាំ២០២៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈបណ្ដាញសង្គម Instagram ផ្ទាល់ខ្លួនរបស់តួឯកប្រុសរឿង “កងដៃចាំស្នេហ៍” ដែលទស្សនិកជននិយមតាមដានរឿងភាគនេះកន្លងមក លោកបានបង្ហោះរូបភាពខ្លួនឯងក្នុងពេលកំពុងកោរសក់ត្រៀមបួសជាព្រះសង្ឃ។ ក្នុងនោះផងដែរ តារាសម្ដែងប្រុស Toey បានអមពីលើរូបភាពដោយសារសុំការការអហោសិកម្មថា “ខ្ញុំមកសុំការអហោសិកម្មពីអ្នកទាំងអស់គ្នា មិនថាខ្ញុំធ្លាប់សាងកំហុសតាមមធ្យោបាយណាមួយ រួមទាំងអំពើផ្លូវកាយ អំពើពាក្យសំដី អំពើផ្លូវចិត្ត ទោះបីជាចេតនាឬអត់។ មិនថារឿអកាលពីអតីតកាល រហូតដល់ជីវិតបច្ចុប្បន្ននេះ ខ្ញុំសូមឲ្យអ្នកគ្រប់គ្នាលើកលែងទោស និងអភ័យទោសឲ្យខ្ញុំផង”។

យ៉ាងណាក៏ដោយ អ្វីដែលកាន់តែចាប់អារម្មណ៍ពីបណ្ដាញអ៉ិនធើណេតនោះគឺក្នុងពិធីមិនត្រឹមតែក្រុមគ្រួសារ និងមិត្តភ័ក្តិជិតដិតប៉ុណ្តោះទេ ដែលបង្ហាញវត្តមានចូលរួមសាងកុសលផលបុណ្យនេះ។ សូម្បីតែតារាសម្ដែងស្រី Cheer Thikamporn ដែលដៃគូដ៏សក្តិសមក្នុងស៊េរីរឿង “Club Friday Celeb’s Stories” កន្លងមកក៏មានមុខកោរសក់ឲ្យលោកដូចគ្នា។

លើសពីនេះទៀតសោត ក្រៅពី Cheer ក្នុងនោះមាននាយកប្រតិបត្តិរបស់ប៉ុស្តិ៍លេខ ៣ លោក Tu Piyawadee លោក Somrak Narongwichai និងក្រុមផលិតករ ព្រមទាំងមិត្តភ័ក្តិក្នុងអាជីពសិល្បៈថៃដូចជា Khun Nong Arunocha, Mae Nu Suangsuda, Khun Chai Adam Yukol, Colonel Bird Wanchana, Great Warintorn, Mawin, Namtan Pijakkhana, Eye Kamonnet, , DJ Put-Chui Warathaya, DJ Pae Wisava, Nat Sakdatorn , Ron AF, Pok Kosawis និង Gap Chanoksuda ក៏ចូលរួមអបអរយ៉ាងគគ្រឹកគគ្រឹងផងដែរ។

យ៉ាងណាមិញ មនុស្សជាច្រើននៅមិនទាន់បានដឹងថា ការសាងភ្នួសរបស់តារាប្រុសរូបនេះនឹងមានរយៈពេលប៉ុន្មានខែឬឆ្នាំទេ។ ប៉ុន្តែទស្សនិកជនរបស់លោកគិតថា នេះជាការបួសរយៈពេលខ្លីប៉ុណ្ណោះ ហើយសង្ឃឹមថា Toey Pongsakorn នឹងវិលមកកាន់អាជីពសម្ដែងឆាប់ៗ ក្រោយគ្រងស្បង់ជីពរដូចបំណងប្រាថ្នារួចរាល់៕