ជីវិតកម្សាន្ដ

អ្នករចនាឈុតឲ្យក្រុម EVERGLOW រងការចោទប្រកាន់ពីយីហោហ្វេសិនចិនថា លួចចម្លងម៉ូដ

បានផុស

១ year មុន

នៅ

ថ្ងៃចន្ទ ២២ មករា ២០២៤

ដោយ

ក្រុមអ្នករចនាម៉ូដរបស់ក្រុមចម្រៀងកូរ៉េខាងត្បូង EVERGLOW របស់ផលិតកម្ម Yuehua Entertainment កំពុងស្ថិតនៅក្រោមភាពចម្រូងចម្រាស ក្រោយម៉ាក់យីហោរបស់ចិនថា ពួកគេបានលួចចម្លងម៉ូដដែលកម្មសិទ្ធផ្ទាល់ខ្លួន ដោយទៅយោងតាមការចុះផ្សាយរបស់សារព័ត៌មាន kbizoom នៅមុននេះបន្តិច។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅថ្ងៃទី២២ ខែមករា ឆ្នាំ២០២៤ WINDOWSEN ដែលជាម៉ាកសំលៀកបំពាក់ដ៏ល្បីល្បាញពីប្រទេសចិន បានអំពាវនាវជាសាធារណៈដល់ក្រុមរចនាម៉ូដរបស់ EVERGLOW ចំពោះការលួចចម្លងការរចនារបស់ពួកគេ។ អ្នកតំណាងម៉ាកនេះបានសរសេរនៅលើការបង្ហោះ Instagram ចុងក្រោយរបស់ពួកគេថា “ខ្ញុំកត់សំគាល់ថាគម្រូឈុត corset ‘WINDOWSEN’ ត្រូវបានបង្ហាញនៅក្នុងវីដេអូតន្ត្រីថ្មីរបស់ EVERGLOW ក្រោមចំណងជើងថា ‘Pirate’ ។ ខ្ញុំមិនដែលសន្មត់ថារឿងនេះនឹងកើតឡើងនោះទេ ដោយសារតែ corset គឺជាបំណែកផ្ទាល់ខ្លួនដែលខ្ញុំបានបង្កើតឡើងសម្រាប់ដំណើរទេសចរណ៍សម្រស់របស់ Jolin Tsai កាលឆ្នាំ ២០២០។ ការលួចចម្លងគឺខុសធម្មតា និងមិនអាចទទួលយកបានឡើយ”។

ស្របពេលជាមួយគ្នានោះដែរ ក្រុម WINDOWSEN ត្រូវបានគាំទ្រ និងអ្នកលេងអ៊ីនធឺណែត កំពុងស្នើសុំឲ្យភាគីរបស់ EVERGLOW បញ្ជាក់ពីបញ្ហាដោយថ្កោលទោសយ៉ាងខ្លាំងចំពោះទង្វើនៃការលួចចម្លង។ ក្នុងពេលតែមួយ មហាជនបានស្នើសុំឲ្យក្រុមហ៊ុនគ្រប់គ្រងរបស់ក្រុមចម្រៀងស្រី លុបចោលនូវរូបភាព និងឈុតឆាកទាំងអស់ដែលមានការឌីហ្សាញក្នុង MV ហើយទន្ទឹមនឹងនោះ ទាមទារឲ្យក្រុមហ៊ុននិងក្រុមស្ទីលរបស់ពួកគេទទួលខុសត្រូវចំពោះលើឧប្បត្តិហេតុដ៏អាក្រក់។

ទោះយ៉ាងណាក៏ដោយ មកដល់បច្ចុប្បន្ននេះភាគីរបស់ Everglow មិនទាន់ចេញការឆ្លើយតបនៅឡើយទេ។ ក្នុងពេលដែលរូបភាពរបស់ក្រុមនេះកំពុងបង្ហោះយ៉ាងព្រោងព្រាតលើបណ្ដាញអ៉ិនធើណេត។ បើទោះបីជា ការលួចចម្លងនៅក្នុងឧស្សាហកម្មកម្សាន្តរបស់ប្រទេសកូរ៉េមិនមែនជាបញ្ហាថ្មីក៏ដោយ ប៉ុន្តែទាំងអ្នករចនាម៉ូដឲ្យពួកគេ គួរចេញមុខបកស្រាយពីបញ្ហាដ៏ចម្រូងចម្រាស់នេះឲ្យទស្សនិកជនបានអស់មន្ទិលផងដែរ៕