Connect with us

ជីវិតកម្សាន្ដ

មហាជនកូរ៉េហួសចិត្តខ្លាំង ក្រោយ Seungri បង្អួតរូបភាពជប់លៀងហៅឈ្មោះ G-Dragon ឲ្យមកកម្ពុជា

បានផុស

នៅ

ការលេចចេញនូវវីដេអូនៃព្រឹត្តិការណ៍មួយក្នុងប្រទេសកម្ពុជានាពេលថ្មីៗនេះ បានធ្វើឲ្យមានការចាប់អារម្មណ៍ ជាពិសេសដោយសារតែវត្តមានរបស់ Seungri ​ខណៈដែលនៅក្នុងវីដេអូមួយគេសង្កេតឃើញអតីតសមាជិក BigBang​ ឈរនៅលើឆាក ហើយនិយាយពាក្យថា “ថ្ងៃណាមួយ ខ្ញុំនឹងនាំ G-Dragon មកទីនេះ” មុនពេលផ្លុំទៀនលើនំខេក អបអរខួបកំណើតរបស់គាត់ក្នុងព្រឹត្តិការណ៍យ៉ាងគគ្រឹកគគ្រេង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លើសពីនេះ តារាចម្រៀងកូរ៉េខាងត្បូងបានចូលរួមថតរូបជាមួយភ្ញៀវជាច្រើន ដោយក្នុងដៃមានកាន់ដំបងពន្លឺ BigBang និងរីករាយក្នុងបរិយាកាសជប់លៀងក្នុងបទចម្រៀង BigBang យ៉ាងឱឡារិក មិនត្រឹមតែប៉ុណ្ណោះ រូបលោកថែមទាំងទទួលការសាទរពីមនុស្សជាច្រើន រហូតធ្វើឲ្យប្រជាជនកូរ៉េមានហួសចិត្តនិងប្រតិកម្មយ៉ាងខ្លាំង។

បន្ទាប់ពីឃើញរូបថតនិងវីដេអូនេះ អ្នកលេងអ៊ីនធឺណិតកូរ៉េបានបញ្ចេញមតិយ៉ាងព្រោងព្រាតក្នុងន័យមិនពេញចិត្តវត្តមាន Seungri នៅក្រៅប្រទេសនោះទេ។ ក្នុងនោះទស្សនិកជនជាច្រើនជាច្រើនបានបញ្ចេញមតិខុសៗគ្នាថា ​”គាត់មិនទាន់បានរៀននូវមេរៀនថ្មីទេមើលទៅ ទើបហ៊ានចេញក្រៅប្រទេស ហើយបង្ហាញរូបភាពសប្បាយឥតក្រែងចិត្តជនរងគ្រោះទាល់តែសោះ”, សឹងមិនជឿថា គាត់ចូលរួមកម្មវិធីនេះនៅប្រទេសកម្ពុជាទាល់តែសោះ” “សូមកុំភ្លេចរឿងក្តី Burning Sun’, “G-Dragon ត្រូវប្តឹងដែល Mention ឈ្មោះគាត់, “ខ្ញុំពិតជារន្ធត់ចិត្តណាស់ គាត់នៅតែមានអ្នកគាំទ្រនៅក្នុងវីដេអូ”។

ទោះយ៉ាងណាក៏ដោយ មិនមែនមានតែទស្សនិកជននៅប្រទេសកូរ៉េនោះទេ ដែលប្រតិកម្មជាមួយ Seungri សូម្បីតែនៅប្រទេសកម្ពុជាឯណេសវិញ​​ ក៏មានមនុស្សមួយចំនួនហាក់មិនពេញចិត្ត និងមានការភ្ញាក់ផ្អើលយ៉ាងខ្លាំង ក្រោយសមាជិក​ BigBang នៅតែសប្បាយរីករាយគ្មានទុកព្រួយ ឬមានអារម្មណ៍ថាខុសឆ្គងសូម្បីតែបន្តិចណាឡើយ។

សូមរម្លឹកដែរថា កាលពីខែមករា ឆ្នាំ ២០២០​ Seungri ​ត្រូវបានតុលាការចោទប្រកាន់ចំនួន៩ករណី រួមទាំងអំពើពេស្យាចារ, ការចែកចាយរូបភាពអាសអាភាស, ការកេងបន្លំ និងការលេងល្បែងខុសច្បាប់ជាអន្តរជាតិ ហើយត្រូវបានសម្រេចជាប់ពន្ធនាគារ ៣ឆ្នាំ។ បន្ទាប់មកលោកបានដាក់ពាក្យបណ្តឹងឧទ្ធរណ៍ ហើយតុលាការយោធាជាន់ខ្ពស់ក៏សម្រាលទោសមកនៅត្រឹម រយៈពេល ១ ឆ្នាំ ៦ ខែ។ ប៉ុន្តែប្រជាជនកូរ៉េខាងត្បូងជាច្រើនបានចេញមុខប្រតិកម្មភ្លាមៗ ដោយ​មើលឃើញថា ការដាក់​ទណ្ឌកម្មដែលលោកទទួល​បាន​គឺ​ស្រាលពេក មិនសមនឹងកំហុសដែលខ្លួនប្រព្រឹត្តឡើយ៕

អត្ថបទ៖ សាង ស្រីល័ក្ខ

ចុចអាន៖អ្នកគាំទ្រក្រុម BigBang ស្រងាកចិត្តខ្លាំង ក្រោយលេចមុខ Seungri មកកម្ពុជាស្ងាត់ៗ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម២ នាទីutes មុន

Breaking News៖ អគ្គិភ័យកំពុងឆេះរោងចក្រនៅស្រុកអង្គស្នួល ខេត្តកណ្ដាល(មានវីដេអូ)

ព័ត៌មានអន្ដរជាតិ២ នាទីutes មុន

​ផ្ទុះ​​ម៉ាស៊ីន​​ក្នុង​អណ្ដូងរ៉ែនៅអេស៉្បាញ ​បណ្តាល​​ឲ្យ​ស្លាប់៥នាក់​​និង​៤​នាក់​

ព័ត៌មានអន្ដរជាតិ១៤ នាទីutes មុន

ជោគវាសនា​​​​​​​​របស់​លោក Yoon ​Suk Yeol នឹង​​ត្រូវ​ដឹង​នៅ​ថ្ងៃសុក្រ​ទី​៤​មេសា​នេះ​​

ចរាចរណ៍១៥ នាទីutes មុន

បុរសម្នាក់ កំពុងជិះកង់សុខៗ ត្រូវរថយន្តដឹកអ្នកដំណើរក្រុមហ៊ុនឬទិ្ឋមុនីបុកស្លាប់

សេចក្ដីជូនដំណឹង១៥ នាទីutes មុន

គណៈប្រតិភូធនាគារជាតិកាណាដា ជួបជាមួយលោកជំទាវបណ្ឌិត ជា សិរី បង្ហាញការបន្តគាំទ្រវិស័យធនាគាររបស់កម្ពុជា

Sokha Hotels

ព័ត៌មានពេញនិយម