អ្នកគ្រប់គ្រង A ទម្លាយថា Aum ប្រើអំណាចលើនាងរាល់ពេលចេញក្រៅម្ដងៗ

នាបច្ចុប្បន្ននេះ ទស្សនិកជនជាច្រើនប្រាកដជាស្គាល់យ៉ាងច្បាស់នូវអ្នកចាត់ការផ្ទាល់ខ្លួនរបស់តារាសម្ដែង Aum Patcharapa គឺ A Supachai ជាក់ជាមិនខានឡើយ។ ក្រោយកែសម្ផស្ស រូបនាងផ្ទាល់ពេលនេះក្លាយជាមនុស្សស្រីពេញសិទ្ធ នៅពេលចេញដើរទៅណាមកណា តែងតែងតុបតែងខ្លួនយ៉ាងស្អាតបាត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាក៏ដោយ A Supachai បានប្ដូរពីអ្នកចាត់ការដ៏ល្បីប្រចាំប្រទេសថៃ មកជាតារាស្រីក្នុងវិស័យសិល្បៈកម្សាន្តដោយមានអ្នកគាំទ្រយ៉ាងភ្លូកទឹកភ្លូកដី ចាំសាទរនាងមិនថាលើបណ្ដាញសង្គមឬជួបនាងនៅខាងក្រៅឡើយ។ ថ្វីបើក្លាយជាមនុស្សរបស់មហាជនហើយក្ដី ប៉ុន្តែអ្នកចាត់ការរូបនេះនៅតែដើរតាមតារាសម្ដែងស្រី Aum Patcharapa ឥតលោះពេល ក្នុងពេលមួយនាងបានត្អូញត្អែរថា Aum ដូចជាប្រើអំណាចគ្រប់គ្រងរាល់ពេលដែលនាងចេញទៅក្រៅម្ដងៗ។

អ្នកចាត់ការរូបនេះ បាននិយាយថា “រាល់ពេលដែលនាងតែងខ្លួនស្រស់ស្អាតទៅចូលរួមកម្មវិធី អ្នក​ដែល​ខ្លាច​បំផុត​គឺ Aum ពេលនេះនាងក្លាយជាអ្នកគ្រប់គ្រង​វ័យ​ក្មេងសម្រាប់ខ្ញុំ ព្រោះ​នាង​មាន​ភាព​ច្បាស់លាស់ និង​ស្អាតគ្រប់​កម្រិតគ្រប់កាលៈទេសៈ នាងដូច​ជា​គ្រូ​មកបង្រៀនពីភាពស្អាតបាតដល់ខ្ញុំ។ បើថ្ងៃមួយគ្មាននាង ខ្ញុំ​ត្រូវ​ខលវីដេអូ​ឲ្យនាង​ពិនិត្យ​សម្រស់​ខ្លួនឯង​គ្រប់​ពេល។​ និយាយឲ្យកំប្លែង​មួយចុះ រាល់ពេលទៅ​កម្មវិធី​ណាមួយ បើខ្វះគ្រឿងតុបតែងខ្លួន ពេលខ្លះខ្ញុំរត់ទៅ​ខ្ចី​គ្រឿង​អលង្ការ​ស្អាត​ៗ​របស់ Aum​​​ ដើម្បី​ឲ្យ​សម​នឹង​តំណែង​ជា​តារា​ថ្មី​ក្នុង​វិស័យ​នេះ”។

បន្ថែមពីនេះ​ A Supachai បាននិយាយទៀតថា នាងនិង Aum ស្គាល់គ្នាមកក៏យូរ ដឹងពីអារម្មណ៍គ្នាថា ត្រូវការអ្វីចង់បានអ្វី។ ទោះបីជានាងមិនបានគ្រប់គ្រង Aum ឲ្យគ្រប់ជ្រុងជ្រោយដូចមុនក៏ពិតមែន ប៉ុន្តែក្នុងចិត្ត Aum បើនាងមានសម្រស់ស្រស់ស្អាតរាល់ពេលចេញដើរជាមួយអ្នកណា ឬជាមួយ Aum ផ្ទាល់ នាងសប្បាយចិត្តពេកហើយ ដែលឃើញអ្នកគ្រប់គ្រងខ្លួនមានហ្វេនចាំគាំត្រនិងតែងខ្លួនសមនឹងតំណែងតារារះថ្មីលើវិថីសិល្បៈ។

យ៉ាងណាមិញ សម្រាប់អ្នកគាំទ្រតារាថៃប្រាកដជាមិនចម្លែកនោះទេ ដែលអ្នកចាត់ការផ្ទាល់របស់តារាជួរមុខ Aum Patcharapa ក្លាយជាស្រីស្អាត និងមានហ្វេនចាំអបអររាល់ពេលនាងចេញក្រៅម្ដងៗ។ ពីមុនមក A Supachai ក៏ធ្លាប់ទម្លាយថា Aum ពេលនេះបានប្ដូរជាតារាស្រីមកជាអ្នកគ្រប់គ្រងនាងផ្ទាល់ នៅពេលចេញកម្មវិធីធំៗ ឬជួបជាមួយអ្នកមានមុខមាត់ក្នុងសង្គមថៃ៕

អត្ថបទ៖ សាង ស្រីល័ក្ខ

ចុចអាន៖ស្ងប់ស្ងាត់រាងយូរក្រែល Taew បង្អួតសម្រស់សិចស៊ីទ្វេមុន ក្នុងន័យបង្អួតភ្នែកញាតិ