ជីវិតកម្សាន្ដ

ដេននី ក្វាន់ ព្រមានកូនបំណុល ២០នាក់ជំពាក់លុយសរុប ៧២ម៉ឺនដុល្លារ

បានផុស

១ year មុន

នៅ

ថ្ងៃព្រហស្បតិ៍ ២៥ មករា ២០២៤

ដោយ

ម្ដាយបវរកញ្ញាវ័យក្មេង ជូរី ល្អហួស អ្នកនាង ដេននី ក្វាន់ អតីតតារាសម្ដែង បានចេញមុខមកប្រកាសជាសាធារណៈដោយឲ្យបុគ្គលដែលជាកូនបំណុលប្រមាណ ២០នាក់ចេញមកដោះស្រាយរឿងបំណុលជំពាក់សរុបទឹកប្រាក់ ៧២ម៉ឺនដុល្លារអាមេរិក ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកាសរបស់អតីតតារាសម្ដែងសាច់ខ្ចី ដេននី ក្វាន់ នេះ ទំនងដោយសារតែអ្នកនាងអស់ការអត់ទ្រាំ និងកូនបំណុលដែលគ្មានឆន្ទៈក្នុងការដោះស្រាយបំណុលជំពាក់តាមការសន្យា។ក្នុងនោះអ្នកនាង ដេននី ក្វាន់ ក៏បានព្រមានផងដែរនូវការបញ្ចេញអត្តសញ្ញាណអ្នកជំពាក់លុយខ្លួនមិនព្រមសង។

អ្នកនាង ដេននី ក្វាន់ បានបញ្ជាក់នៅលើបណ្តាញសង្គមហ្វេសប៊ុករបស់ខ្លួនថា «២០នាក់ សរុបលុយ ៧២ម៉ឺនដុល្លារ លុយអញរកមកហត់ណាស់ បើមិនគិតសងទេ អញលេងតាមនឹងហើយចេញសែកស្អុយឲ្យអញ»។

នាងបានលើកឡើងដែរថា «MN លុយ ខ្ញុំ ៩ម៉ឺនដុល្លារមិចហើយស្ងាត់ឈឹងហាយសូណាស់ជិះឡានទំនើប អួតលុយរហូតបន្តិចទៀតខ្ញុំអួតរូបនាងឲ្យគេស្គាល់ពេញប្រទេស។

ទោះយ៉ាងណា មកទល់ពេលនេះអតីតតារាសម្ដែង ដេននី ក្វាន់ មិនទាន់បញ្ចេញអត្តសញ្ញាណរបស់បុគ្គលដែលជំពាក់លុយនាងនៅឡើយទេ ថ្វីត្បិតមានការព្រមានបែបនេះក្តី។ គេកត់សម្គាល់ឃើញថា ប៉ុន្មានឆ្នាំចុងក្រោយនេះមានតារាប្រុស-ស្រីល្បីៗមួយចំនួនក៏បានផ្ទុះនូវរឿងរ៉ាវដ៏រសើប និងភ្ញាក់ផ្អើលខ្លាំងនៅក្នុងសង្គមខ្មែរប្រហែលគ្នាជុំវិញការផុងខ្លួនអស់លុយរាប់សិបម៉ឺនដុល្លារដោយហេតុផលផ្សេងៗផងដែរ៕

អត្ថបទ៖ ចាន់រ៉ា