ជីវិតកម្សាន្ដ

Jeep vasu និង Primrata ជម្នះដឹកដៃគ្នារៀបការរួចរាល់លើយន្តហោះ ទោះមានវ័យខុសគ្នា១៦ឆ្នាំ

បានផុស

៤ years មុន

នៅ

ថ្ងៃចន្ទ ១៥ កុម្ភៈ ២០២១

ដោយ

តារាសម្ដែងជើងចាស់ថៃទាំងគូគឺលោក Jeep vasu និងនាង Jaja primrata បានមានទំនាក់ទំនងស្នេហាគ្នាអស់រយៈពេល៧ឆ្នាំមកហើយ។ ទោះជាមានគម្លាតអាយុខុសគ្នាដល់១៦ឆ្នាំ តែអ្នកទាំងពីរពិតជាស្រលាញ់គ្នាស្មោះហើយបានរៀបគម្រោងដឹកដៃគ្នាចូលរោងការជាច្រើនលើកមកហើយ ប៉ុន្តែដោយសារតែវិបត្តិជំងឺកូវីដ១៩ បានធ្វើឲ្យមង្គលការការរបស់តារាខាងលើត្រូវបានផ្អាក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះបីអាចហាមឃាត់មិនឲ្យមានកម្មវិធីគគ្រឹកគគ្រេងកើតឡើង ប៉ុន្តែកូវីដ១៩មិនអាចរារាំងគូស្នេហ៍មួយគូនេះមិនឲ្យក្លាយជាប្ដីប្រពន្ធស្របច្បាប់បានឡើយ។ ជាក់ស្ដែងចំថ្ងៃ១៤កុម្ភៈជាទិវានៃក្ដីស្រលាញ់តែម្ដង Jeep vasu និងនាង Jaja primrata បានធ្វើឲ្យមិត្តភក្តិនិងអ្នកគាំទ្រមានការភ្ញាក់ផ្អើលថែមទាំងបានចូលរួមអបអរសាទយ៉ាងច្រើនកុះករ ពេលឃើញអ្នកទាំងពីរបង្ហោះរូបភាពនៅលើអ៊ីនស្តាក្រាម ដោយបានចុះអេតាស៊ីវិលប្រើឈ្មោះជាប្ដីប្រពន្ធរួចរាល់។

Jeepvasu និងនាង Jaja primrata បានជ្រើសរើសធ្វើរឿងដ៏ពិសេសនេះនៅលើយន្តហោះឯកជនផ្ទាល់តែពីរនាក់យ៉ាងរ៉ូមែនទិច។ អ្នកទាំងពីរពិតជាស្រស់ស្អាតនឹងសង្ហាខ្លាំងដូចគ្នានៅក្នុងឈុតកូនកម្លោះកូនក្រមុំ ហើយនៅលើយន្តហោះក៏មានរូបភាពគូររបស់ពួកគេយ៉ាងស្រស់ស្អាតទាក់ទាញផងដែរ៕