ជីវិតកម្សាន្ដ

Cha Eun Woo ត្រូវគេប្រទះឃើញណាត់ជួបតារាសម្ដែងអាមេរិក India Eisley នៅក្រៅប្រទេស

បានផុស

១ year មុន

នៅ

ថ្ងៃអាទិត្យ ២៨ មករា ២០២៤

ដោយ

យោងតាមរបាយការណ៍ Allkpop កាលពីថ្ងៃទី ២៧ ខែមករា រូបថតរបស់ Cha Eun Woo នៅទីក្រុង Los Angeles ជាមួយតារាស្រីអាមេរិកត្រូវបានផ្សព្វផ្សាយនៅលើបណ្តាញសង្គមយ៉ាងព្រោងព្រាតទាក់ទងនឹងទំនាក់ទំនងរបស់អ្នកទាំងពីរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងនោះថែមទៀត អ្នកលេងអ៊ីនធឺណេតម្នាក់បានបង្ហោះរូបភាពរួមជាមួយនឹងពាក្យថា “ខ្ញុំបានឃើញ Cha Eun Woo នៅ Los Angeles ខ្ញុំមិនអាចថតបានពេញមុខរបស់គាត់ទេ ប៉ុន្តែអាចថតរូបពីខាងក្រោយបាន ហើយប្រាកដចិត្តច្បាស់ណាស់ថា នោះពិតជាតារាសម្ដែងកូរ៉េ Cha Eun Woo “។

យ៉ាងណាក៏ដោយ តាមរយៈរូបភាពដែលមហាជនចាប់បានបានបង្ហាញឲ្យឃើញពីតារាសម្ដែងស្រី India Eisley និងបុរសម្នាក់ដែលគេសន្មត់ថាជា Cha Eun Woo អង្គុយទល់មុខគ្នានៅហាងកាហ្វេមួយកន្លែង បានបង្កការចាប់អារម្មណ៍យ៉ាងខ្លាំង។ លើសពីនេះ មានរបាយការណ៍មួយបានរាយការណ៍ថា ជាងកាត់សក់ជនជាតិអាមេរិកម្នាក់ បានបង្ហាញម៉ូដសក់របស់ Eisley សម្រាប់វីដេអូចម្រៀងទោលដំបូងរបស់ Cha Eun Woo ប៉ុន្តែការបង្ហោះដែលត្រូវបានចោទប្រកាន់របស់នាង ត្រូវបានលុបចោលចាប់តាំងពីពេលនោះមក។

ទោះបីជាយ៉ាងណាក៏ដោយ វាបានប្រែក្លាយរូបភាពទាំងនោះចេញពីឈុតឆាកនៃការថតវីដេអូចម្រៀង ដែល Cha Eun Woo និង India Eisley កំពុងបង្ហាញពីភាពរ៉ូមែនទិកសម្រាប់គម្រោងនេះតែប៉ុណ្ណោះ។ ដែលនោះ បានធ្វើឲ្យអ្នកគាំទ្រហាក់សប្បាយរីករាយវិញ បន្ទាប់ពីដឹងថា រូបភាពដែលគេបង្ហោះព្រាតលើបណ្ដាញអ៉ិនធើណេតជាការថតចម្រៀងថ្មី។

យោងតាម Fantagio បានចេញរបាយការណ៍លុបនូវពាក្យចចាមអារ៉ាមថា Cha Eun Woo គ្រោងនឹងចេញបទចម្រៀងទោលនៅថ្ងៃទី ១៥ ខែកុម្ភៈ ហើយបច្ចុប្បន្នគាត់កំពុងរៀបចំសម្ភារៈសម្រាប់ការផ្សព្វផ្សាយទោលរបស់គាត់នៅសហរដ្ឋអាមេរិក ខណៈតួសម្ដែងរូបនេះនឹងត្រលប់មកកូរ៉េវិញនៅថ្ងៃទី ៣០ ខែដដែល៕