ជីវិតកម្សាន្ដ

ភ្នាក់ងារ Rain បញ្ចាក់ផ្លូវការ ក្រោយធ្លាយចចាមអារ៉ាមថា លោកត្រូវគេប្តឹងពីបទឆបោកប្រាក់ ៦.៣ លានដុល្លារ

បានផុស

១ year មុន

នៅ

ថ្ងៃចន្ទ ២៩ មករា ២០២៤

ដោយ

ចំពេលមានពាក្យចចាមអារ៉ាមថា Rain (Jung Ji-hoon) ត្រូវបានគេប្តឹងពីបទឆបោកប្រាក់ ៨.៥ ពាន់លានវ៉ុន (ប្រហែល ៦៣ លានដុល្លារ) ក្នុងការលក់អចលនទ្រព្យ ភ្នាក់ងាររបស់តារាចម្រៀងរូបនេះ បានធ្វើសេចក្តីថ្លែងការណ៍ជាផ្លូវការ នេះបើយោងតាមការចុះផ្សាយពីសារពត័ត៌មាន Allkpop។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទាក់ទងនឹងការពិតដែលថា Rain បានលក់ផ្ទះដ៏ប្រណិតនៅ Itaewon របស់គាត់ក្នុងតម្លៃ ៨.៥ ពាន់លានវ៉ុន កាលពីថ្ងៃទី ២០ ខែឧសភា ឆ្នាំ ២០២២ អ្នកបង្កើតមាតិកាបានអះអាងនៅលើប៉ុស្តិ៍របស់គាត់នៅថ្ងៃទី ២៥ ខែកញ្ញាថា “ការលក់គឺជាការបោកប្រាស់ ហើយអ្នកទិញបានដាក់ពាក្យបណ្តឹងទៅប៉ុស្តិ៍ប៉ូលិស Yongsan លើការចោទប្រកាន់ នៃការក្លែងបន្លំនៅក្រោមច្បាប់ជាក់លាក់នៃឧក្រិដ្ឋកម្មសេដ្ឋកិច្ចដែលមានទម្ងន់ធ្ងន់។

ប្រភពពីបុរសដដែលបាននិយាយថា “Rain និងអ្នកផ្តល់ព័ត៌មានបានចុះហត្ថលេខាលើកិច្ចសន្យាទិញ-លក់អគាររបស់គ្នាទៅវិញទៅមកក្នុងតម្លៃ ៨.៥ ពាន់លានវ៉ុន ហើយ Rain ទិញអាគាររបស់គាត់ក្នុងតម្លៃ ២៣.៥ ពាន់លានវ៉ុន” ។

ក្នុងនោះផងដែរ តារាចម្រៀង Rain បាននិយាយថា គាត់មិនអាចឲ្យអ្នកផ្តល់ព័ត៌មានទៅមើលផ្ទះរបស់គាត់បានទេ។ ហេតុផលគឺថាភរិយា Kim Tae-hee នៅផ្ទះ ហើយវាអាចជាការលុកលុយឯកជនភាព។ អ្នកទិញបានសុំឲ្យ Rain ផ្ញើរូបឲ្យគាត់ ប៉ុន្តែគាត់មិនបានទទួល។ ពេលដែលអ្នកផ្តល់ព័ត៌មានបង្ហាញពីចេតនាចង់ផ្តាច់កុងត្រា Rain បានផ្ញើរូបថតនៃផ្ទះ។ អ្នកផ្តល់ព័ត៌មានបានឃើញរូបថតទាំងនោះ ក៏សម្រេចចិត្តបន្តកិច្ចសន្យាព្រោះគាត់ចូលចិត្តផ្ទះ។

អ្នកផ្តល់ព័ត៌មានបានបន្ថែមថា “Rain មិនបានបង្ហាញផ្ទះដល់គាត់រហូតដល់ទីបញ្ចប់នោះទេ ប៉ុន្តែគាត់ជឿជាក់លើ Rain ហើយបន្តកិច្ចសន្យាលក់ ហើយពួកគេបានបញ្ចប់កិច្ចសន្យាដោយការជួញដូរផ្ទះរបស់គ្នាទៅវិញទៅមក។ កិច្ចសន្យានេះត្រូវបានបញ្ចប់នៅថ្ងៃទី ២០ ខែឧសភា ឆ្នាំ ២០២២ ហើយអ្នកទិញបានស្រឡាំងកាំងនៅពេលដែលគាត់បានទៅលេងផ្ទះរបស់ Rain ជាលើកដំបូងនៅថ្ងៃទី ០១ ខែកក្កដា។ ដោយសារតែវាជាផ្ទះខុសពីរូបថតដែល Rain ផ្ញើមក។ រូបថតដែល Rain ផ្ញើមកគាត់ គឺជាអផ្ទះមួយក្នុងរដ្ឋកាលីហ្វ័រញ៉ា។ លើសពីនេះទៀត ផ្ទះនេះស្ថិតក្នុងសភាពវឹកវរដោយសារខ្វះការថែទាំ។

ជាការឆ្លើយតប ភ្នាក់ងាររបស់ Rain បានចេញមុខជួសឲ្យតារាប្រុសរូបនះជាផ្លូវការនៅថ្ងៃដដែល ដោយនិយាយថា “ការទាមទាររបស់អ្នកទិញគឺមិនពិតទាំងស្រុង។ គេថាមិនទាន់ទទួលបានពាក្យបណ្ដឹងទេ”។

ទីភ្នាក់ងារនេះបាននិយាយថា “វាមិនសមហេតុផលទេដែលអ្នកទិញបានទិញផ្ទះតម្លៃរាប់ពាន់លានវ៉ុន ដោយគ្រាន់តែមើលរូបភាព។ វាអាចត្រូវបានបញ្ជាក់ថា ការទាមទាររបស់អ្នកទិញគឺមិនត្រឹមត្រូវដោយគ្រាន់តែមើលការចុះបញ្ជីផ្ទះដែលបានផ្តល់ឲ្យឬបញ្ជាក់នៅពេលទិញនិងលក់អចលនទ្រព្យ។ លើសពីនេះ អ្នកអាចមើលឃើញផ្នែកខាងក្រៅដោយគ្រាន់តែស្វែងរកអាសយដ្ឋាននៅលើអ៊ីនធឺណិត។

ជាចុងក្រោយទីភ្នាក់ងារដដែលបានបង្ហើបទៀតថា មានភ័ស្តុតាងជាច្រើនដែលការអះអាងរបស់អ្នកទិញមិនពិត ប៉ុន្តែប្រសិនបើអ្នកទិញដាក់ពាក្យបណ្តឹងអំពីការពិតមិនពិត យើងនឹងដាក់វាជាភស្តុតាងស្របតាមនីតិវិធីច្បាប់ ហើយសកម្មភាពយឺតយ៉ាវរបស់អ្នកទិញអាចត្រូវបានគេមើលឃើញថាជាអំពើអាក្រក់។ ការពិតគឺច្បាស់ណាស់ ហើយការអះអាងរបស់អ្នកទិញគឺចេញពីសុភវិនិច្ឆ័យ និងការពិតទាំងស្រុង។ យើងនឹងឆ្លើយតបយ៉ាងខ្លាំងចំពោះសកម្មភាពបែបនេះក្នុងនាមជាអ្នកកម្សាន្ត ហើយការញុះញង់មិនពិតក៏នឹងធ្វើជាគំរូដើម្បីការពារករណីបែបនេះមិនឲ្យកើតឡើងម្តងទៀត៕

អត្ថបទ៖ សាង ស្រីល័ក្ខ

ចុចអាន៖Lisa បង្ហោះរូបថតជាមួយ Rihanna ជាលើកដំបូង