ជីវិតកម្សាន្ដ

ក្រោយធ្លាយចចាមអារ៉ាមថា ជំងឺកាន់តែដុនដាប Aom ចេញមុខប្រាប់ទស្សនិកជនដោយខ្លួនឯង

បានផុស

១១ ខែ មុន

នៅ

ថ្ងៃអង្គារ ៣០ មករា ២០២៤

ដោយ

ទស្សនិកជនដែលនិយមតាមនដាននូវរឿងភាគថៃសម្ដែងដោយលោក Aom Akkapan ប្រាកដជាដឹងរួចហើយថា តារាប្រុសរូបនេះ បានឈប់សម្រាកពីការងារក្នុងវិស័យសិល្បៈមួយរយៈធំដើម្បីព្យាបាលជំងឺ បន្ទាប់ពីដឹងថា មានដុំសាច់ក្នុងសាច់ដុំបេះដូងរាលដាលដល់សួត រហូតត្រូវទទួលការវះកាត់ភ្លាមៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះបីជាយ៉ាងណាក៏ដោយ អំឡុងពេលព្យាបាលជំងឺឲ្យឆាប់ជាសះស្បើយ តារាសម្ដែងប្រុស Aom Akkapan តែងតែលេចឮនូវពាក្យចចាមអារ៉ាមថា ជំងឺរបស់លោកកាន់តែធ្ងន់ធ្ងររហូតដល់ព្យាបាលលែងជា។ ក្នងនោះមិត្តជិតស្និតធ្លាប់បានចេញមុខបកស្រាយលម្អិតថា លោកមិនបានធ្ងន់ដល់ថ្នាក់ដើរមិនរួចនោះទេ ហើយពេលនេះក៏ជិតជាសះស្បើយ និងកំពុងថែទាំខ្លួនដើម្បីត្រៀមវិលចូលអាជីពសម្ដែងវិញ។ ក្រោយមក មុនពេលមិត្តរបស់លោកផ្ដល់បទសម្ភាសន៍ទាក់ទងនឹងស្ថានភាពជំងឺ កាលពីពេលថ្មីៗនេះតួឯកប្រុសក្នុងរឿង “កូនក្រមុំឆ្នាស់” ស្រាប់ចេញមុខមកផ្ទាល់ ដោយបង្ហោះនៅលើបណ្ដាញសង្គម Instagram ផ្ទាល់ខ្លួន។

តាមរយៈរូបភាពដែល Aom បង្ហោះវាជារូបដែលលោកអបអរថ្ងៃកំណើតខ្លួនឯង ព្រមទាំងបញ្ចាក់ពីស្ថានភាពរោគសញ្ញាមហារីក នាពេលបច្ចុប្បន្នភាពនេះថា “មួយឆ្នាំទៀតកន្លងផុតទៅ ខ្ញុំនៅតែនឹកអ្នកគ្រប់គ្នា ដោយមានមនុស្សជាច្រើនក្នុងវិស័យសិល្បៈថៃ បានជូនពរថ្ងៃកំណើតខ្ញុំ។ ជាពិសេសពួកគេបានជូនពរឲ្យខ្ញុំឆាប់ជាសះស្បើយ នឹងអាលវិលត្រលប់មកកាន់អាជីពចាស់វិញ។ ខ្ញុំពិតជាសប្បាយរីករាយយ៉ាងខ្លាំង ហើយក៏ទន្ទឹងឆាប់ឲ្យដល់ថ្ងៃនោះដូចគ្នា”។

យ៉ាងណាមិញ ងាកទៅមើលអតីតកាលរបស់ Aom Akkapan លោកគឺជាតារាសម្ដែងដែលសំបូរនូវទេពកោសល្យយ៉ាងប៉ិនប្រសប់ ក្នុងអាជីពជាតួឯកប្រុសល្បីឈ្មោះមួយរូប។ ប៉ុន្តែជាអកុសល ភ្លាមៗទស្សនិកជនស្រាប់តែទទួលដំណឹងថា លោកមានជំងឺមហារីក។ កត្តានេះធ្វើឲ្យលោកត្រូវសម្រាកពីវិស័យមានកម្សាន្តមួយរយៈពេលយូរ និងមានមនុស្សជិតស្និទ្ធក្នុងវិស័យសិល្បៈ តែងតែមកធ្វើបច្ចុប្បន្នភាពពីស្ថានភាពជំងឺប្រាប់ដល់បណ្ដាអ្នកគាំទ្រជានិច្ចកាល៕