ជីវិតកម្សាន្ដ

ម្តាយ ជូរី ល្អហួស ប្រតិកម្ម ខណៈមានអ្នកសួរនាំរឿងផ្ទះ និងមាសពេជ្រ ជារបស់ពិត ឬក្លែងក្លាយ

បានផុស

១ year មុន

នៅ

ថ្ងៃព្រហស្បតិ៍ ១ កុម្ភៈ ២០២៤

ដោយ

អតីតតារាសម្តែងអ្នកនាង ដេននី ក្វាន់ ដែលជាម្តាយរបស់បវរកញ្ញវ័យក្មេង ជូរី ល្អហួស បានបង្ហាញការហួសចិត្តខ្លាំងបន្ទាប់ពីសុខៗស្រាប់តែមានអ្នកចេញមកសួរនាំជីកកកាយឫសគល់ចង់ដឹងពីជីវិតរស់នៅឯកជនផ្ទាល់ខ្លួន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រឿងដែលកាន់តែធ្វើឲ្យអ្នកនាង ដេននី ក្វាន់ ប្រតិកម្មខឹងឆ្លើយតបយ៉ាងចាស់ដៃទៀតនោះគឺមិនត្រឹមសើបចង់ដឹងការរស់នៅរបស់នាងទេគឺ ថែមទាំងនិយាយសង្ស័យថារីសត ផ្ទះ និងមាសពេជ្ររបស់សុទ្ធ ឬក្លែង ក្លាយ?។ ប្រតិកម្មចំពោះរឿងនេះម្តាយ ល្អហួស បាននិយាយថាចង់តែទៅហែកមាត់ដល់ផ្ទះទេ ទំនេរណាស់មែនបានមកចង់ដឹងរឿងផ្ទាល់ខ្លួនគេ។

អតីតតារាស្រីរូបនេះបន្តថា“តាមសួរដល់អ្នកជិតខាងខ្ញុំថា រីសតនឹងរបស់វាមែនអត់ រាល់ថ្ងៃនៅផ្ទះជួល? ឬវាចេះតែផុសប្រម៉ូតឲ្យគេ? វាពាក់មាស ពេជ្រ ស៊ីនអត់? ឬក្រឡៃ? យី បើចង់ដឹងណាស់មិចមិនមកសួរខ្ញុំមកផ្ទាល់មក អ្នកជិតខាងមាត់ឆ្កែចាំខ្ញុំនាំទៅហាងមាស ពេជ្រដែលទិញហើយមកមើលប្លង់រឹងផងឈ្មោះខ្ញុំឬអត់បើមិនស្គាល់ Denny Kwanទេកុំចេះតែនិយាយ”។

សូមបញ្ជាក់ថាតារាសម្តែងសិចស៊ី ដេននី ក្វាន់ គឺជាតារាស្រីម្នាក់ដែលចូលចិត្តភាពហ៊ឺហារតាមរយៈការចាយរូបសម្ផស្សជាមួយការប្រើប្រាស់សម្ភារ:ថ្លៃៗជាដើម។ភាពហ៊ឺហារមានបានរបស់តារាស្រីមកពីទឹកដីខេត្តព្រះវិហារ ដេននី ក្វាន់ នេះបានមកពីការជោគជ័យលើមុខជំនួញជាច្រើនដែលបច្ចុប្បន្ននាងកំពុងក្តាប់ណែនពេញនៅក្នុងដៃទៀតផង។ ដោយឡែក បើចាប់អារម្មណ៍មកមើលពីរូបសម្រស់នាងក៏ស្រស់ស្អាតមិនចាញ់តារាបរទេសដែរ៕

អត្ថបទ៖ ចាន់រ៉ា