ជីវិតកម្សាន្ដ

ពេជ្រ ចរណៃ ចង់ឃើញកូនខ្មែររួមគ្នាហាត់គុនល្បុក្កតោឲ្យបានច្រើនដូចគេហាត់តេក្វាន់ដូ

បានផុស

១០ ខែ មុន

នៅ

ថ្ងៃព្រហស្បតិ៍ ១ កុម្ភៈ ២០២៤

ដោយ

តារាសម្តែង និងជាគ្រូគុណគុនល្បុក្កតោកញ្ញា ពេជ្រ ចរណៃ បានទទូចដោយចង់ឃើញកូនខ្មែរគ្រប់រូបពួតដៃគ្នាដើម្បីចូលរួមក្នុងការហាត់រៀន អភិរក្ស ដល់វិស័យក្បាច់គុនល្បុក្កតោខ្មែរឲ្យបានច្រើនដូចគេដែលហាត់តេក្វាន់ដូ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាការពិតតារាសម្តែងកញ្ញា ពេជ្រ ចរណៃ កន្លងមកគឺនាងតែងបានចេញមុខដោយបំផុសដល់យុវជនឲ្យចូលរួមលើកស្ទួយ និងបង្ហាញសិល្បៈវប្បធម៌របស់ខ្មែរទៅកាន់ពិភពលោកតាមរយៈសកម្មភាពនានាដូចជា ការបង្ហាញក្បាច់គុនល្បុក្កតោល្ខោនខោល និងបង្ហោះរូបភាពស្លៀកពាក់សំលៀកបំពាក់បុរាណខ្មែរជាដើម ។

ទោះបីយ៉ាងណាតារាស្រីរូបស្រស់ ពេជ្រ ចរណៃ នៅ តែមិនភ្លេចចំពោះការស្នើក៏ដូចជាការអំពាវនាវយុវជនខ្មែរឲ្យចូលរួមលើកស្ទួយអភិរក្សតាមរយៈការហាត់រៀននូវហាត់គុនល្បុក្កតោខ្មែរ។ ក្នុងនោះកញ្ញា ពេជ្រ ចរណៃ ក៏បានចាត់ទុកថាបើប្អូនៗខ្មែរយើងសម័យក្រោយបានចូលហាត់គុនល្បុក្កតោឲ្យចេះគ្រប់ៗគ្នា ដូចគេចូលហាត់តេក្វាន់ដូ មិនដឹងជាល្អកម្រិតណាទេ?។

តារាសម្តែង ពេជ្រ ចរណៃ បានលើកឡើងថា សាលាគុនខ្មែរគួរតែមានការរីកដុះដាលឲ្យបានគ្រប់ទីកន្លែងពេញផ្ទៃប្រទេស ព្រោះឥឡូវនេះបរទេសគេទទួលស្គាល់ច្រើនណាស់។ គេនៅចាំបានថាកាលពីថ្មីៗកន្លងមកនេះ ពេជ្រ ចរណៃ ក៏បានបង្ហាញពីបំណងចង់ឲ្យមានថ្នាក់បង្រៀនគុន “ល្បុក្កតោខ្មែរ” ក្នុងម៉ោងសិក្សាសម្រាប់សិស្សានុសិស្សនៅតាមសាលារៀនទូទាំងប្រទេសផងដែរដើម្បីជាការចូលរួម ថែរក្សា អភិរក្ស ក្បាច់គុនបុរាណ “ល្បុក្កតោខ្មែរ” ។

បើតាមរយៈការបង្ហោះនៅលើហ្វេសប៊ុកផេកតារាស្រី កញ្ញា ពេជ្រ ចរណៃ បានបញ្ចេញខ្លឹមសារខ្លីថា “ខ្ញុំចង់ឲ្យមានថ្នាក់បង្រៀនគុន “ល្បុក្កតោខ្មែរ” ក្នុងម៉ោងសិក្សា តើបងប្អូនគិតយ៉ាងណាដែរគាំទ្រដែរ ឬទេ?។ ជាការលើកឡើងបែបនេះគេឃើញទស្សនិកជនមួយចំនួនបានបង្ហាញការគាំទ្រ និងស្នើឲ្យមានការដាក់បញ្ចូលគុនល្បុក្កតោសម្រាប់ម៉ោងសិក្សានៅតាមថ្នាក់រៀនផងដែរ៕

អត្ថបទ៖ ចាន់រ៉ា