រូបរាងថ្មីរបស់បវរកញ្ញាលំដាប់រងវៀតណាម គេសង្ស័យថា នាងវះកាត់កែសម្ផស្ស

បន្ទាប់ពីជិតពីរឆ្នាំនៃការជាប់ជាបវរកញ្ញារងទី១ Miss Grand Vietnam 2022 នាង Che Nguyen Quynh Chau កាន់តែមានភាពស្រស់ស្អាត និងលេចធ្លោជាងមុនទ្វេរដង។ អ្វីដែលកាន់តែពិសេស នាងតែងទទួលបានពិន្ទុពីទស្សនិកជនដោយសារតែភាពស៊ិចស៊ី។

តួយ៉ាងកាលពីប៉ុន្មានថ្ងៃមុន ខាងសារព័ត៌មានវៀតណាមបានចុះផ្សាយពីអតីតលំដាប់រងរូបនេះ​ ដោយនាងលេចមុខក្នុងកម្មវិធីកម្សាន្តមួយ ក្នុងពេលដែលរាជីនីសម្រស់បានបង្អួតរាងយ៉ាងស្រឡូន ក្នុងឈុតឆ្លុះសាច់សខ្ចី។ ការរចនាកាត់យ៉ាងជ្រៅ ជួយឲ្យនាងបង្ហាញដើមទ្រូងមូលក្លំ កាន់តែសិចស៊ីជាងមុន។

ទោះយ៉ាងណាក៏ដោយ កាលបង្ហាញមុខរបស់ Che Nguyen Quynh Chau​ បានធ្វើឲ្យមហាជនជាច្រើនមានចំងល់យ៉ាងខ្លាំងលើរូបរាងរបស់នាង។ អ្នកគាំទ្របានបញ្ចេញមតិថា បើធៀបនឹងពេលនាងចាប់ផ្តើមអាជីពដំបូង និងពេលនាងចូលរួម Miss Grand Vietnam 2022 មនុស្សជាច្រើនបានចោទសួរថា នាងបានវះកាត់កែសម្ផស្សដើម្បីឲ្យដើមទ្រូងមូលក្លំល្អជាងមុន។ ប៉ុន្តែយ៉ាងណា ភាពខុសប្លែកនេះគឺដោយសារតែ Quynh Chau បានហាត់ប្រាណយ៉ាងសកម្ម និងរក្សារបបអាហារសមរម្យទើបនាងមានរូបរាងស្អាតខុសមុនឆ្ងាយ។

លើសពីនេះ ទស្សនិកជនសុទ្ធតែដឹងហើយថា​ បវរកញ្ញារូបនេះមានកម្ពស់ ១ម៉ែត្រ៧៥ និងទំហំទាំងបីគឺ ៨២ – ៦២- ៩០ សង់ទីម៉ែត្រ ដែលកាណោះនាងបានទាក់ទាញភ្នែកមហាជនដោយសារតែសម្រស់ស្អាតនិងមានរូបរាងសមនឹងស្តង់ដារ។​ ថ្វិបើនាងជាប់ត្រឹមលំដាប់រងកាលឆ្នាំ២០២២ក៏ពិតមែន ប៉ុន្តែមហាជននៅតែចង់ឲ្យនាងដាក់ពាក្យប្រកួតបវរកញ្ញាសារថ្មី។ ក្រោយម​កនាងបានបញ្ចាក់ថា នាងហួសអាយុដែលគេកំណត់ប្រកួតហើយ។]\

ជាពិសេស នៅពេលនេះ Che Nguyen Quynh Chau ចង់ផ្តោតលើការងាររបស់នាងជាពិធីករ។ ស្របពេលដែលនាងទទួលបានការសរសើរជាច្រើនពេញមួយអាជីពសិល្បៈលើឆាក។ ក្នុងនោះ ទស្សនិកជនសុទ្ធតែសរសើរនូវសមត្ថភាពប៉ិនប្រសប់វាហោស័ព្ធក្នុងនាមជា MC យ៉ាងស្ទាតជំនាញ៕

អត្ថបទ៖ សាង ស្រីល័ក្ខ

ចុចអាន៖Chompoo ក្លាយជាតារាបង្ហាញម៉ូដក្នុងកម្មវិធី Paris Couture Week ល្អផ្ដាច់គេ