ព្រះកាយ ច័ន្ទ ដណ្តើមបានម្កុដ Miss Grand ភ្នំពេញ ២០២៤

បន្ទាប់ពីឆ្លងកាត់ការប្រឡងវគ្គជម្រុះជាច្រើននៅក្នុងកម្មវិធីកញ្ញាឯកដ៏អស្ចារ្យទីបំផុតគឺរកឃើញម្ចាស់ម្កុដ Miss Grand ភ្នំពេញ ២០២៤ បានទៅលើបេក្ខភាពតារាសម្តែងកញ្ញា ព្រះកាយ ច័ន្ទ ដែលតំណាងខណ្ឌទួលគោក។

លទ្ធផលនេះដែរ បានធ្វើឲ្យអ្នកគាំទ្រ និងទស្សនិកជនមួយចំនួនបានបង្ហាញការសាទរតារាសម្តែងស្រី និងបេក្ខភាពកញ្ញាឯកដ៏អស្ចារ្យនៃភ្នំពេញ២០២៤ កញ្ញា ព្រះកាយ ចន្ទ ខណៈសាមីខ្លួនក៏បានបានសម្តែងអារម្មណ៍រំភើបរីករាយខ្លាំង ដែលទទួលបានម្កុដតំណាងភ្នំពេញ ដើម្បីត្រៀមប្រកួតMiss Grand Cambodia 2024នាខែមិថុនាខាងមុខ។

នៅលើផេកផ្លូវការរបស់ Miss Grand Cambodia 2024 បានលើកឡើងថា “សូមចូលរួមអបអរសាទរទៅដល់កញ្ញា ព្រះកាយ ច័ន្ទ ដែលបានឈ្នះម្កុដនូវកម្មពិធីកញ្ញាឯកដ៏អស្ចារ្យនៃភ្នំពេញ ២០២៤ ចូលរួមអបអរសាទរនឹងជួបគ្នានៅលើវេទិកាឆាកជាតិ Miss Grand Cambodia 2024″។

ចំណែកអ្នកគាំទ្រក៏បានសូមចូលរួមអបអរសាទរទៅដល់កញ្ញា ព្រះកាយ ច័ន្ទ ដែលបានឈ្នះម្កុដពីកម្មវិធីកញ្ញាឯកដ៏អស្ចារ្យនៃភ្នំពេញ ២០២៤ ផងដែរ។

សូមបញ្ជាក់ថាតារាសម្តែងល្បីឈ្មោះ ព្រះកាយ ច័ន្ទ ថ្វីត្បិតបច្ចុប្បន្ននាងកំពុងដើរលើអាជីពជាតារាសម្តែងដែលទទួលបានការគាំទ្រពីមហាជនច្រើនហើយពិតមែននាងនៅតែមិនបោះបង់ឱកាសនៅលើវិថីសិល្ប:ឡើយខណ:ពេលនេះនាងកំពុងលេចវត្តមានលើឆាកប្រ កួតបវរកញ្ញាផងដែរ៕

អត្ថបទ៖ ចាន់រ៉ា