ជីវិតកម្សាន្ដ

ថតរូបអាក្រាតកាយដូចគ្នាមែន តែ Kratae បដិសេធថា អត់បានចម្លងស្ទាយអ្នកណាទេ

បានផុស

៨ ខែ មុន

នៅ

ថ្ងៃអាទិត្យ ៤ កុម្ភៈ ២០២៤

ដោយ

រឿងរ៉ាវរវាងអ្នកគាំទ្រនិងអ្នកគាំទ្របានក្លាយជាបញ្ហាដ៏ក្ដៅគគុក បន្ទាប់ពីតារាចម្រៀងថៃ Kratae R-Siam បានបញ្ចេញនូវឈុតអាក្រាតកាយអត្ថន័យ Cupid ដើម្បីស្វាគមន៍ខែនៃសេចក្ដីស្រឡាញ់។ ប៉ុន្តែបែរជាត្រូវអ្នកលេងអ៊ីនធឺណិតរិះគន់ថា នាងចម្លងស្ទាយរបស់ Janie ទៅវិញ។

តាមរយៈគណនីផ្ទាល់ខ្លួនរបស់តារាចម្រៀងនិយមស្លៀកពាក់សិចស៊ីរូបនេះ បានបង្ហោះនូវឈុតអាក្រាតកាយ ដោយនាងពាក់ស្លាបពណ៌ក្រហម អមនឹងចំណងជើងដ៏ក្តៅគគុកថា “unleash your inner desire and ignite those fiery connection” មានន័យថា បញ្ចេញសេចក្តីប្រាថ្នាខាងក្នុងរបស់អ្នក ហើយបញ្ឆេះទំនាក់ទំនងដ៏ក្តៅគគុកទាំងនោះ”។

បន្ទាប់ពីរូបនាងផ្ទាល់បានបង្ហោះមិនទាន់បានប៉ុន្មាននាទីផង អ្នកគាំទ្រប្រុស-ស្រីជាច្រើន សម្រុកចូលមកបញ្ចេញមតិសរសើរនូវរាងរៅស្រឡូនស្អាត បើទោះបីជាយកដៃបិតបាំងដើមទ្រូងឬកន្លែងសំខាន់ណាមួយក៏ដោយ។ ក្នុងចំណោមអ្នកបញ្ចេញមតិសរសើរ ក្នុងនោះមានមហាជនផ្សេងទៀតបានបញ្ចាក់ច្បាស់ៗថា Kratae លួចចម្លងស្ទាយពីរៀមច្បងក្នុងវិស័យសិល្បៈថៃគឺ Janie Tienphosuwan ដែលទើបបង្ហោះរូបភាពអាក្រាតកាយមុននាងប៉ុន្មានថ្ងៃប៉ុណ្ណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាក៏ដោយ មិនរង់ចាំយូរនាំសៅហ្មងចិត្ត Kratae R-Siam បានមកឆ្លើយតបក្រោម Comment វិញថា រូបរាងរបស់នាងមានស្លាបក្រហមមិនដូចរបស់ Janie នោះទេ ព្រោះស្លាបទេវតាមានពណ៌ផ្សេងៗពីគ្នា។ ជាងនេះទៅទៀត នាងបានថតរូបមួយសន្លឹកនេះកាលពីចុងខែមករា ហើយរង់ចាំតែថ្ងៃបញ្ចេញ និងត្រៀមខ្លួនស្វាគមន៍ថ្ងៃបុណ្យនៃសេចក្តីស្រលាញ់។ ជាពិសេស ប្រធានបទដែលនាងបង្ហោះគ្មានន័យអីស៊ីជម្រៅ ក្រៅពីបែប Cupid បញ្ចាក់ពីក្ដីស្រលាញ់នោះទេ។ ប៉ុន្តែប្រហែលជារឿងចៃដន្យ ដែលនាងនិងអ្នកម្ដាយកូនមួយ Janie មានគំនិតថតដូចគ្នា ប៉ុន្តែនាងក៏សូមបញ្ចាក់ថា អត់បានចម្លងស្ទាយអ្នកណាទេ។

ទោះបីជារឿងនេះត្រូវបានគេនិយាយច្រើនថា ចម្លងស្ទាយគ្នាក៏ពិតមែន ប៉ុន្តែងាកទៅកាន់រៀមច្បងស្រីម្នាក់ទៀតក្នុងវិស័យកម្សាន្ត Ploy Chermarn បានបញ្ចេញមតិសរសើរពីសម្រស់ Kratae ទាំងភ្ញាក់ផ្អើលថា អូព្រះ! មិនទាន់ដល់ខែមេសាផង ហ៊ានបញ្ចេញឈុតក្ដៅរោលរាលទៅហើយ។ ស្អាតខ្លាំងៗណាស់!

សូមជម្រាបដែរថាកាលពីថ្ងៃទី ០១ ខែកម្ភៈ អ្នកម្ដាយកូនមួយ Janie បានបង្ហោះរូបភាពដែលធ្វើឲ្យកក្រើកទាំងវិស័យសិល្បៈនិងទស្សនិកជនជាច្រើនមិននឹកស្មានថា នាងហ៊ានដល់ថ្នាក់អាក្រាតកាយ បង្ហាញរាងរៅដ៏ស្រឡូនចែកជូនដល់ភ្នែកជាច្រើនគូក្នុងបណ្ដាញអ៉ិនធើណេត។ ស្របពេលដែលពាក្យចចាមអារ៉ាមលែងលះស្វាមី ក៏កំពុងត្រូវបានទស្សនិកជនតាមដានយ៉ាងខ្លាំងផងដែរ៕

រូបភាពខាងក្រោមជារូបដែលតារាថៃ Janie បង្ហោះប៉ុន្មានថ្ងៃមុន