ជីវិតកម្សាន្ដ

តួឆ្នាស Natinee ប្រកាសរៀបមង្គលការជាមួយស្វាមី ក្រោយពន្យារពេលជិត៤ឆ្នាំ

បានផុស

៨ ខែ មុន

នៅ

ថ្ងៃចន្ទ ៥ កុម្ភៈ ២០២៤

ដោយ

បន្ទាប់ពីផ្អាកពិធីមង្គលការជិត៤ឆ្នាំ កាលពីថ្ងៃទី ០៤ ខែកុម្ភៈ តារាសម្តែងស្រី Natinee Chiaravanond បានប្រកាសដំណឹងល្អម្តងទៀតថា នាងនិងស្វាមី Fluke Krirkphol នឹងរៀបចំពិធីមង្គលការក្នុងពេលឆាប់ៗខាងមុខនេះ។ ប៉ុន្តែអ្នកទាំងពីរមិនទាន់ប្រាប់ពីពេលវេលាជាក់លាក់ និងទីតាំងកន្លែងណាក្នុងប្រទេសថៃឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមការចុះផ្សាយពីកាសែតថៃ Sanook បានចេញរបាយការណ៍ដោយចុះផ្សាយពីរូបភាពច្រើនសន្លឹករបស់តួឆ្នាសឆ្នើមអ្នកនាង Natinee ក្នុងពេលដែលនាងស្លៀករ៉ូបអាពាហ៍ពិពាហ៍ពណ៌ស ព្រមទាំងសរសេរចំណងជើងថា “រូបភាពនេះជារូបដែលបានបង្ហោះកាលពីជិត ៤ឆ្នាំមុន ទីបំផុតពេលវេលាបានមកដល់! ក្រោយពួកយើងបានផ្អាកជាច្រើនឆ្នាំដោយសារកូវីដ១៩ ទើបយើងសម្រេចថានឹងរៀបចំថ្ងៃមង្គលរបស់ពួកយើងនាពេលខាងមុខ”។

តាមរយៈការបង្ហោះរបស់ភរិយាតារាសម្ដែងប្រុសលោក Fluke Krirkphol គេសង្កេតឃើញថា មនុស្សជាច្រើនបានចូលសម្រុកអបអរសាទរយ៉ាងភ្លូកទឹកភ្លូកដី និឮងជាសក្ខីភាពនៃក្ដីស្រលាញ់របស់គូស្នេហ៍មួយនេះ។ អ្វីដែលកាន់តែចាប់អារម្មណ៍ជាពិសេសនោះ ក្នុងមង្គលការដែលខាងស្រីបានប្រកាសលើគណនីផ្ទាល់ខ្លួនបានបង្ហាញពីទិដ្ធភាពដ៏កក់ក្ដៅបំផុ ព្រោះកូនស្រីតូចរបស់អ្នកទាំងពីរនឹងជាភ្ញៀវដ៏សំខាន់របស់ឪពុកម្តាយរបស់នាង។

គួរបញ្ចាក់ដែរថា កាលពីអំឡុងផ្ទុះកូវីដដំបូងៗតារាសម្ដែងលោក Fluke Krirkphol និងភរិយា Natinee Chiaravanond បានប្រកាសពីពិធីមង្គញលការរបស់ពួកគេ ដែលគ្រោងប្រារព្ធធ្វើឡើងនៅក្នុងប្រទេសថៃ។ ប៉ុន្តែនៅពេលកម្មវិធីកាន់តែកៀកដល់ថ្ងៃពិសេសទៅហើយ ស្រាប់តែជំងឺកូវីដ១៩បានផ្ទុះឡើងមកក្នុងវិស័យកម្សាន្ត។កាលណោះតារាថៃជាច្រើនរយនាក់បានឆ្លងព្រោងព្រាត នូវជំងឺរាតត្បាតមួយនេះ រហូតដាច់ចិត្តសំងំលាក់ខ្លួនក្នុងផ្ទះលែងហ៊ានចេញទៅណាទៀត៕