ជីវិតកម្សាន្ដ

Lisa និងអ្នកស្នងមរតក LV ត្រូវគេឃើញដើរជាមួយគ្នានៅអាមេរិក

បានផុស

១ year មុន

នៅ

ថ្ងៃពុធ ៧ កុម្ភៈ ២០២៤

ដោយ

Lisa និង Frédéric Arnault ដែលជាអ្នកស្នងមរតករបស់មហាសេដ្ឋីនៃក្រុមហ៊ុនម៉ូដ LVMH Bernard Arnault ត្រូវបានគេប្រទះឃើញនៅសហរដ្ឋអាមេរិក។ រាយការណ៍ដោយ Nate បានបង្ហាញពីសមាជិកក្រុម Blackpink នៅទីតាំងមួយនៃ Miami Beach ក្នុងរដ្ឋ Florida ជាមួយនឹងរូបថតរបស់ពួកគេនៅលើបណ្ដាញសង្គម X ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈរូបថតដែលបង្ហោះលើបណ្ដាញសង្គម បានបង្ហាញពី Lisa ដើរជាមួយ Géraldine Guyot ដែលជាប្អូនថ្លៃស្រីរបស់ Arnault ខណៈដែលអ្នកលេងបណ្ដាញសង្គមហាក់សង្កេតឃើញថា ពួកគេបានរក្សារចម្ងាយគ្នាមិនឲ្យភ្នែកមហាជនបានឃើញឡើយ។

ទោះយ៉ាងណាក៏ដោយ ការរំពឹងទុកទាក់ទងនឹងទំនាក់ទំនងជិតស្និទ្ធរបស់ Lisa ជាមួយ Arnault កាន់តែខ្លាំង នៅពេលដែលគាត់បានចាប់ផ្តើមតាមដាននាងនៅលើ Instagram ក្នុងឆ្នាំ ២០២២ ហើយបានចូលចិត្តការបង្ហោះរបស់នាងជាបន្តបន្ទាប់។

យោងតាម Sinchew ឯណោះក៏បានចេញរបាយការណ៍ដែរថា Lisa កំពុងពង្រីកខ្លួនរបស់នាងយ៉ាងសកម្មនៅក្នុងប្រទេសបារាំងតាមរយៈការប្តេជ្ញាចិត្តផ្សេងៗ រួមទាំងការសម្តែងនាពេលថ្មីៗនេះនៅ Le Gala des Pièces Jaunes ដែលជាព្រឹត្តិការណ៍សប្បុរសធម៌ដែលដឹកនាំដោយជំទាវទីមួយរបស់ប្រទេសបារាំងលោកស្រី Brigitte Macron នៅថ្ងៃទី ២៦ ខែមករា។

លើសពីនេះថែមទៀតនោះ បើទោះបីជាអ្នកទាំងពីរមិនបានបញ្ចាក់ពីទំនាក់ទំនងច្បាស់លាស់ តែទស្សនិកជនទូទាំងពិភពលោកបានដឹងរួចស្រេចហើយថា ទាំង Lisa និង Frédéric Arnault ពិតជាមានចិត្តឲ្យគ្នាពិតមែន។ គ្រាន់តែគូនេះមិនទម្លាប់បង្ហាញឲ្យសាធារណជនបានដឹងពីក្ដីស្រលាញ់ដែលពួកគេមានឲ្យគ្នាប៉ុណ្ណោះ៕