ជីវិតកម្សាន្ដ

ក្រោយល្បីក្នុងរឿងពេស្យា ថៅកែ MGI ប្រកាសក្ដែងៗថា សុំដំឡើងថ្លៃខ្លួនរបស់ Engfa ហើយ

បានផុស

១២ ខែ មុន

នៅ

ថ្ងៃព្រហស្បតិ៍ ៨ កុម្ភៈ ២០២៤

ដោយ

បន្ទាប់ពី Trailer ក្នុងភាពយន្តពេស្យាក្រោមចំណងជើងថា Bangkokkanika លើប៉ុស្តិ៍លេខ៣១ ដែលបវរកញ្ញា Engfa Waraha សម្តែងជាតួនាងគូឡាបបានចេញផ្សាយ សន្ទុះនៃការគាំទ្រកាន់តែគគ្រឹកគគ្រឹងជាងមុន ព្រមទាំងធ្វើឲ្យមហាជនជាច្រើនមានការជជែកគ្នាច្រើនលើបណ្ដាញសង្គមដល់ថ្នាក់ជាប់ចំណាត់ថ្នាក់និន្នាការក្តៅបំផុតក្នុងរយៈពេលដ៏ខ្លី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មិនត្រឹមតែប៉ុណ្ណោះទេ ដោយសារតែសន្ទុះនៃការគាំទ្រខ្លាំងក្លាខ្លាំងសឹងមិនធ្លាប់មាន ស្ថាបនិកកម្មវិធី Miss Grand International (MGI) លោក Nawat Issarakraisil បានប្រកាសជាផ្លូវការលើបណ្ដាញអ៉ិធើណេតអំពីការដំឡើងតម្លៃខ្លួនសម្រាប់អតីតម្ចាស់ជយលាភី Miss Grand Thailand 2022 ថា “ដោយសារតែកេរ្តិ៍ឈ្មោះល្បីខ្លាំងពេលនេះ MGI សុំដំឡើងថ្លៃខ្លួន Engfa សម្រាប់ព្រឹត្តិការណ៍ និងអ្នកធ្វើបទបង្ហាញរបស់នាងចាប់ផ្តើមពីថ្ងៃទី០១ ខែមិនា តទៅ”។ សូមអរគុណជាមុន!”

ទោះយ៉ាងណាក៏ដោយ បន្ទាប់ពីសំណេររបស់លោក Nawat បានបង្ហោះមិនបានប៉ុន្មានផង អ្នកគាំទ្ររាជិនីសម្រស់ គ្រប់គ្នាបានចូលរួមចូលរួមចុច Like, Share និង Like ច្រើនលើសលប់ ស្របពេលម្នាក់ៗបញ្ចេញមតិជូនពរឲ្យស្ថាប័នជោគជ័យក្នុងឆ្នាំថ្មីនេះ ជាពិសេសចំពោះតារាស្រីដែលខ្លួនពេញចិត្ត។

លើសពីនេះ អ្នកគាំទ្ររបស់ Engfa Waraha សុទ្ធតែលើកឡើងស្របគ្នាថា នាងមិនត្រឹមតែមានសម្រស់ស្រស់ស្អាត មួយមុខនោះទេ ប៉ុន្តែបើគាស់កកាយក្នុងខ្លួន នាងមកទាំងព្រមជាមួយទេពកោសល្យ អត្តចរិកល្អ ជាមនុស្សគោរពវិន័យការងារ បំពេញគ្រប់កិច្ចការ និងមានភាពទាក់ទាញពីមហាជនទាំងក្នុងនិងក្រៅប្រទេស។ ចំណែកឯការដំឡើងថ្លៃខ្លួននេះទៀតសោត ពិតជាស័ក្តិសមបំផុតសម្រាប់បវរកញ្ញា MGI និងជាត្បូងពេជ្យរបស់វិស័យសម្រស់ពិតជាមិនខកបំណងឡើយ៕