គូស្នេហ៍ខុសវ័យ Aff-Nonkul បង្ហោះរូបស្វាគមន៍ថ្ងៃបុណ្យនៃសេចក្តីស្រលាញ់

គូស្នេហ៍ខុសវ័យ Aff-Nonkul បានបង្ហោះ​រូបថត​ផ្អែមល្ហែម​ស្វាគមន៍​បុណ្យ​នៃ​ក្តី​ស្រឡាញ់ដែលកាន់តែកៀកមកដល់នាពេលខាងមុខ ខណៈដែលពួកគេទាំងពីរទទួលបានសាទរយ៉ាងច្រើនពីសំណាកអ្នកគាំទ្រក្ដីស្នេហ៍ដែលមានចំពោះគ្នាទៅមក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្ងៃទី០៨​ ខែកុម្ភៈ ​តាមរយៈបណ្ដាញសង្គម Instagram ផ្ទាល់ខ្លួនរបស់ភាគីខាងប្រុសពីតារាសម្ដែងវ័យក្មេង Nonkul បានបញ្ចេញរូបភាពផ្អែមល្ហែមជាមួយតារាសម្ដែងរៀមច្បង Aff Taksaorn ក្នុងពេលដែលអ្នកទាំងពីរពាក់អាវយីហោដូចគ្នាខុសតែពណ៌ប៉ុណ្ណោះ។ អ្វីកាន់តែចាប់អារម្មណ៍ខ្លាំងនោះគឺកាយវិការស្និទ្ធស្នាលជាមួយគ្នា និងញញឹមយ៉ាងផ្អែមល្ហែមសម្លឹងមើលគ្នាទៅវិញទៅមកដោយភ្នែកនិងភ្នែក។

មិនត្រឹមប៉ុណ្ណឹងនោះទេ សូម្បីតែ Aff Taksaorn ​ក៏បានបង្ហោះរូបភាពដូចគ្នានៅលើ Instagram ផ្ទាល់ខ្លួន រួមជាមួយនឹងរូបទន្សាយ និង emoji នៅក្នុង caption យ៉ាងផ្អែមល្ហែមដូចគ្នាផងដែរ។ ស្របពេលដែលមហាជនជាច្រើនបានចូលទៅបញ្ចេញមតិសរសើរពីគូស្នេហ៍នេះថា បើទោះជាខុសវ័យគ្នាឆ្ងាយក្ដី ប៉ុន្តែពួកគេសក្តិសមនឹងគ្នានេះគឺជាគូពិត។

យ៉ាងណាមិញ ពីរូបភាពផ្អែមល្ហែមនៅលើ Instagram ធ្វើឲ្យគ្រប់គ្នាមានមតិដូចគ្នាថា គូស្នេហ៍មួយគូនេះផ្អែមល្ហែមជាមួយគ្នាមុនចូលឆ្នាំចិន ត្រៀមស្វាគមន៍ថ្ងៃបុណ្យនៃសេចក្តីស្រលាញ់ ដែលខិតជិតមកដល់នាពេលខាងមុខតែប៉ុណ្តោះ៕

អត្ថបទ៖ សាង ស្រីល័ក្ខ

ចុចអាន៖តួឆ្នាស​ Natinee ​ប្រកាសរៀប​​មង្គលការជាមួយស្វាមី ​ក្រោយ​ពន្យារ​ពេល​ជិត៤​ឆ្នាំ