ជីវិតកម្សាន្ដ

តារាជួរមុខពីររូប អបអរដល់ម៉ាដាម Pang ក្រោយឡើងកាន់តំណែងជាប្រធានសមាគមបាល់ទាត់ថៃ

បានផុស

៩ ខែ មុន

នៅ

ថ្ងៃអង្គារ ១៣ កុម្ភៈ ២០២៤

ដោយ

បន្ទាប់ពីលោកជំទាវ Nualphan Lamsam ឬប្រជាជនថៃតែងតែហៅថាម៉ាដាម Pang ក្លាយជាប្រធានសមាគមបាល់ទាត់ថៃថ្មី កាលពីថ្ងៃទី០៨ ខែកុម្ភៈ ដោយទទួលបានសំឡេងគាំទ្រសរុប ៧៣សំឡេង និងទទួលបាន ៦៨សំឡេង។ ក្នុងនោះគេសង្កេតឃើញថា ប្រធានក្លិបនិងអ្នកជំនួញថៃជាច្រើនបានសម្រុកជូនពរលោកស្រីយ៉ាងព្រោងព្រាត។

ដោយឡែក កាលពីពេលថ្មីៗនេះផងដែរ តារាថៃជួរមុខពីររូបបានបង្ហោះសារនៅលើបណ្ដាញសង្គម Instagram ឯកជនរបស់ពួកគេរៀងៗខ្លួន។ អ្នកទីមួយគឺជាអ្នកម្ដាយកូនមួយ Aff Taksaorn ដោយរូបនាងបានសរសេរសារអបអរសាទរថា “សូមអបអរសាទរចំពោះ បង Pang ដែលត្រូវបានគេស្រឡាញ់ និងគោរព ជាមួយនឹងតំណែងជាប្រធានសមាគមបាល់ទាត់ថៃ ចាត់ទុកជាស្ត្រីទីមួយក្នុងប្រទេស និងអាស៊ី។ ខ្ញុំសូមលើកទឹកចិត្តបងក្នុងគ្តួនាទីថ្មីស្រឡាង សូមឲ្យបងជោគជ័យទៅថ្ងៃខាងមុខ”។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយគ្នានោះដែរ ងាកទៅកាន់តារាសម្ដែងស្រី Aum Patcharapa ឯណោះវិញ ក៏បានបង្ហោះនៅលើ Instagram ផ្ទាល់ខ្លួនរបស់នាងដែរថា “Aum សូមអបអរសាទរ ដល់បង Pang ខ្ញុំសូមអបអរសាទរចំពោះតួនាទី និងភាពជោគជ័យរបស់បងនៅក្នុងវិស័យបាល់ទាត់ថៃ។ សូមឲ្យបងជោគជ័យ និងដឹកនាំក្រុមទៅកាន់ភាពត្រចេះត្រចង់”។

សូមជម្រាបជូនថា លោកជំទាវ Nualphan Lamsam ឬម៉ាដាម Pang ក្លាយជាប្រធានសមាគមកីឡាបាល់ទាត់ថៃ កាលថ្ងៃទី០៨ ខែកុម្ភៈ ឆ្នាំ ២០២៤ បន្ទាប់ពី ឧត្តមសេនីយ៍ឯកលោក Somyot Phumphanmuang អតីតប្រធានសមាគមបាល់ទាត់ថៃបានលាលែងពីតំណែងមួយនេះ៕