ជីវិតកម្សាន្ដ

Daesung សមាជិក BIGBANG រងការរិះគន់ ក្រោយថា 2NE1 ជាក្រុមរួមចំណែកតិចបំផុតដល់ YG

បានផុស

១ year មុន

នៅ

ថ្ងៃអង្គារ ១៣ កុម្ភៈ ២០២៤

ដោយ

កាលពីពេលថ្មីៗនេះ Daesung ក្រុម BIGBANG បានបង្ហាញខ្លួនជាភ្ញៀវកិត្តិយសក្នុងកម្មវិធី YouTube ដ៏ល្បីល្បាញ Narak Quiz Show ។ ក្នុងនាមជាសមាជិកម្នាក់ដែលរស់នៅក្នុងជីវិតឯកជន ហើយមិនប្រើប្រាស់បណ្តាញសង្គម រាល់ពេលដែលលោកបង្ហាញខ្លួន តែងតែទាក់ទាញការចាប់អារម្មណ៍ពីអ្នកគាំទ្រ។

ទោះយ៉ាងណាក៏ដោយ ការបង្ហាញខ្លួនលើកនេះសមាជិក BIGBANG បានទាក់ទាញប្រតិកម្មអវិជ្ជមានពីអ្នកទស្សនាជាច្រើន។ ជាពិសេសនៅក្នុង Narak Quiz Show, Daesung បានឆ្លើយសំណួរដ៏រសើប រាយបញ្ជីសិល្បករដែលរួមចំណែកតិចបំផុតដល់ភាពជោគជ័យរបស់ផលិតកម្ម YG Entertainment។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងនោះផងដែរ Daesung បានជ្រើសរើសសិល្បករដូចជា៖ Teddy, JinuSean, BLACKPINK និង 2NE1 ។ Daesung បានជ្រើសរើសក្រុម 2NE1 ជាសិល្បករដែលរួមចំណែកតិចបំផុតដល់ YG ដែលធ្វើឲ្យមនុស្សជាច្រើនធ្វើការតវ៉ា។

Daesung ក៏បានបង្កភាពចម្រូងចម្រាសផងដែរ នៅពេលដែលត្រូវបានស្នើសុំឲ្យជ្រើសរើសសមាជិក ដែលអាចនឹងត្រូវដកចេញពីក្រុម 2NE1។ តារាប្រុសរូបនេះបាននិយាយថា “វាពិបាកពេកសម្រាប់ខ្ញុំក្នុងការជ្រើសរើសសមាជិកម្នាក់ដែលត្រូវគេដកចេញពីក្រុម” ។ ប៉ុន្តែនៅទីបំផុតគាត់បានជ្រើសរើស Minzy។

យ៉ាងណាមិញ ចម្លើយរបស់ Daesung បានធ្វើឲ្យអ្នកលេងអ៊ីនធឺណិតកូរ៉េ រិះគន់គាត់ថាជាមនុស្សឈ្លើយ។ អាជីពរបស់ក្រុម 2NE1 ត្រូវបានគេទម្លាក់ បើទោះជាក្រុមទាំងពីរមានទំនាក់ទំនងជិតស្និទ្ធក៏ដោយ។ កាលពីពេលថ្មីៗនេះ ក្រុម 2NE1 បានជួបជុំគ្នាឡើងវិញកាលពីដើមឆ្នាំជាមួយសមាជិកទាំង ៤ ធ្វើឲ្យអ្នកគាំទ្រមានក្ដីរំភើបនិងស្រក់ទឹកភ្នែក។ ប៉ុន្តែជំនួសមកវិញ ការដែលសមាជិក BIGBANG លើកឡើងភ្លាមៗបែបនេះ បានធ្វើឲ្យអ្នកគាំទ្រកាន់តែខកចិត្តចំពោះរូបលោកយ៉ាងខ្លាំង។

លើសពីនេះថែមទៀត អ្នកលេងអ៊ីនធឺណិតកូរ៉េបានបញ្ចេញមតិថា ទាំងកម្មវិធីនិងភ្ញៀវចូលរួមគឺជាមនុស្សឈ្លើយ និងគ្មានមានសុជីវធម៌នោះទេ។ ពួកគេមិនគួរនិយាយបែបនេះដោយមិននិយាយអំពី BIGBANG ខ្លួនឯងទេ។ ជាពិសេសDaesung មិនគួរទាញរុម 2NE1 ចូលឡើយហើយថែមទាំងហ៊ានពោលប្រយោគមិនសមគួរថា Minzy សមនឹងត្រូវបានបណ្តេញចេញពីក្រុមថែមទៀត។ ការសម្ភាសន៍លើកនេះ បានបង្ហាញពីការខកចិត្តយ៉ាងធំធេងបំផុត មិនគួរឲ្យកើតឡើងលើក្រុមក្នុងផលិតកម្មនេះទេ៕

អត្ថបទ៖ សាង ស្រីល័ក្ខ

ចុចអាន៖ក្រោយមិនបន្តកុងត្រាទោលជាមួយ YG សមាជិក BLACKPINK ម្នាក់ៗ សុទ្ធតែទទួលនូវឱកាសមាស