ជីវិតកម្សាន្ដ

អតីតតារាសម្តែង TVB ធ្លាប់ចង់សម្លាប់ខ្លួន ដោយសារបង្ហាញក្តីស្រឡាញ់ចំពោះប្រទេសចិន

បានផុស

១ year មុន

នៅ

ថ្ងៃពុធ ១៤ កុម្ភៈ ២០២៤

ដោយ

Oscar Leung គឺជាតារាសម្តែងហុងកុងដែលធ្លាប់ទទួលបានភាល្បីល្បាញតាមរយៈរឿងភាគរបស់ TVB ជាច្រើន។ ប៉ុន្តែអាជីពរបស់បុរសសង្ហារូបនេះប្រែជាងងឹតសូន្យសុង នៅឆ្នាំ ២០១៥ ក្នុងពេលដែលលោកបានធ្វើកំហុសធំមួយ ដែលចាត់ទុកថាលើកលែងបាន ពីអ្នកគាំទ្រ និងប៉ុស៍ទូរទស្សន៍។

យ៉ាងណាក៏ដោយ នាពេលថ្មីៗនេះ Oscar ស្រាប់តែត្រលប់មក TVB ដើម្បីថតកម្មវិធីផ្សេងៗដែលគាត់បាននិយាយអំពីអ្វីដែលគាត់បានចាកចេញនិងបាត់មុខសូន្យគ្មានដំណឹង។ នៅពេលនោះ ប្រជាប្រិយភាពរបស់ Oscar បានកើនឡើងយ៉ាងខ្លាំង បន្ទាប់ពីបានសម្តែងក្នុងរឿងភាគទូរទស្សន៍ TVB ក្រោមចំណងជើងថា Line Walker ក្នុងឆ្នាំ២០១៤ ហើយកាលណោះ គាត់បានចែករំលែកនៅលើ Weibo ថា គាត់បានចូលរួមក្នុងព្រឹត្តិការណ៍យោធាមួយ ព្រមទាំងបានបង្ហោះរូបភាពគោរពវិញ្ញាណក្ខន្ធ និងសរសេរថា «សូមឲ្យមាតុភូមិមានអាយុយឺនយូរ»។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្វីបើការសរសេររបស់គាត់កាលណោះចង់បញ្ចាក់ពីក្ដីស្រលាញ់ចំពោះមាតុប្រទេស និងជាផ្នែគល្អដល់អ្នកគាំទ្រចិនយ៉ាងណាក្ដី។ ប៉ុន្តែសំណេរស្នេហាជាតិរបស់ Oscar បែរធ្វើឲ្យអ្នកគាំទ្រលទ្ធិប្រជាធិបតេយ្យដែលគាំទ្រហុងកុង មានការខឹងសម្បារចំពោះអ្វីដែលពួកគេបានឃើញ។ ជាលទ្ធផល Oscar បាត់បង់ការងារទាំងអស់នៅហុងកុង ត្រឹមរយៈពេលមួយយប់ប៉ុណ្ណោះ។

ក្រឡេកទៅមើលហេតុការណ៍ដែលបានកើតឡើងលើខ្លួនកាលពីមុន គាត់បានទទួលស្គាល់ថា ពិតជាបាត់បង់អារម្មណ៍នៅពេលនោះជាខ្លាំង។ តារាសម្ដែងប្រចាំ TVB បាននិយាយថា “ខ្ញុំមិនបានកោរសក់ ឬកាត់សក់របស់ខ្ញុំទេ។ ខ្ញុំនៅផ្ទះរាល់ថ្ងៃ ហើយមិនចង់ទទួលយកការពិតនេះទេ។ ខ្ញុំមិនចង់អានអត្ថបទណាមួយអំពីខ្ញុំទេ មានករណីមួយចំនួននៅពេល ខ្ញុំបានឈរនៅយ៉រ ហើយគិតថា ដោយសារមនុស្សមិនចូលចិត្តខ្ញុំខ្លាំង ពួកគេនឹងមិនមានអ្វីត្រូវនិយាយទៀតទេ ប្រសិនបើខ្ញុំលោតចុះឥឡូវនេះ”។\

អស់រយៈពេលយ៉ាងយូរ បន្ទាប់ពីសញ្ចឹងគិតក្នុងបន្ទប់បិទជិត នៅទីបំផុត Oscar បានទទួលយកហេតុការណ៍នោះ ហើយឥឡូវលោកអាចប្រឈមមុខនឹងវា ដោយបើកចិត្តទូលាយព្រមទទួលយកការពិតដែលខ្លួនធ្លាប់សាងកំហុសធំក្នុងអាជីព។

តារារូបនេះក៏បាននិយាយថា ពិតជាគួរឲ្យខ្លាចមែនទែនពេលដែលលោកមិនបានសម្ដែងក្នុងរឿងណាមួយអស់រយៈពេលពីរឆ្នាំ។ ការយល់ព្រមរបស់គាត់ទាំងអស់ក៏ត្រូវបានលុបចោលផងដែរ សូម្បីតែម្ចាស់ក្រុមហ៊ុនធំៗក៏មិនចង់ជួបមុខលោកដែរ។ គាត់បានងាកមកសួររកឱកាសការងារនៅលើ Weibo ដើម្បីបញ្ចប់ការងារ។ នោះគឺជាពេលដែលអ្នកលេងអ៊ីនធឺណិតបានលើកទឹកចិត្តគាត់ឲ្យបន្តអាជីពនៅក្នុងប្រទេសចិនវិញ។

យ៉ាងណាមិញ នាបច្ចុប្បន្ននេះគាត់មានអាជីវកម្មនាឡិកាប្រណិតដែលកំពុងរីកចម្រើន និងជាក្រុមហ៊ុនលក់រថយន្តរួមគ្នាជាមួយភរិយារបស់ Raymond Lam លោកស្រី Carina Zhang នៅក្នុងទីក្រុង Shenzhen ។ ក្រឡេកមើលទៅក្រោយ គាត់បាននិយាយថា មិនសោកស្តាយចំពោះអ្វីដែលគាត់បានសរសេរនោះទេ។ គាត់បាននិយាយថា “ខ្ញុំគិតថានៅពេលណាដែលនរណាម្នាក់ធ្វើអ្វីមួយ នឹងមានមនុស្សដែលយល់ស្រប និងមិនយល់ស្រប។ វាបានកើតឡើងដែលនៅពេលនោះមនុស្សជ្រើសរើសខ្ញុំជាគោលដៅវាយប្រហារ”៕