ជីវិតកម្សាន្ដ

ត្រូវហាមប្រាមព្រោះតែ Lisa ពេលនេះ Angelababy ចាប់ផ្ដើមមានសកម្មភាពលើបណ្ដាញសង្គមវិញ

បានផុស

១ year មុន

នៅ

ថ្ងៃពុធ ១៤ កុម្ភៈ ២០២៤

ដោយ

តារាសម្ដែង Angelababy បានចែករំលែករូបភាពផ្សព្វផ្សាយ និងបង្ហោះវីដេអូដើម្បីអបអរបុណ្យចូលឆ្នាំថ្មី បន្ទាប់ពីបណ្ដាញសង្គមរបស់ចិនបានហាមប្រាមមិនឲ្យមានសកម្មភាពអ្វីទាំងអស់ ក្រោយនាងលួចទៅទស្សនាការសម្ដែងរបស់ Lisa សមាជិកក្រុម Blackpink កាលឆ្នាំមុន។

យោងតាមសារព័ត៌មាន China Times បានបញ្ចេញរូបភាពដែលតារាចិនរូបនេះបង្ហោះតាមរយៈបណ្ដាញសង្គមផ្ទាល់ខ្លួន នូវវីដេអូខ្លីៗអបអរពិធីបុណ្យចូលឆ្នាំថ្មីក្នុងអាវពណ៌ផ្កាឈូក និងមានអាកប្បកិរិយាស្រស់ស្រាយជាងមុនច្រើន។ នៅលើទំព័រផ្ទាល់ខ្លួនរបស់នាងនៅថ្ងៃដដែលនោះ នាងបានបង្ហោះរូបថតនៃការតុបតែងខ្លួន ធ្វើសក់ និងការរៀបចំសម្រាប់ការថតរូប។ ក្រុមរបស់ Angelababy ក៏បានបញ្ចេញរូបភាពផ្សព្វផ្សាយថ្មីៗផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយឡែក យោងតាមគេហទំព័រសារព័ត៌មាន On បានឲ្យដឹងថា តារាស្រីរូបនេះ មានការប្រយ័ត្នប្រយែង និងស្ងប់ស្ងាត់មួយរយៈ ដោយរង់ចាំឱកាសត្រឹមត្រូវក្នុងការបង្ហាញខ្លួនឡើងវិញ។ កាលពីបីខែមុន នាងត្រូវបានហាមប្រាមមិនឲ្យបង្ហោះអត្ថបទ និងយោបល់លើបណ្តាញសង្គម ពីបទបំពានច្បាប់និងបទប្បញ្ញត្តិវេទិកា។

បណ្តាញវីដេអូ Douyin ក៏បានរារាំងអ្នកប្រើប្រាស់ទាំងអស់ មិនឲ្យចុចតាមដាននៅក្នុងគណនីរបស់ Angelababy ផងដែរ។ ក្នុងពេលដែលនាងមានអ្នកគាំទ្រប្រហែល ១៤០ លាននាក់នៅលើ Weibo និង Douyin ដែលធ្វើឲ្យនាងក្លាយជាតារាដែលមានអ្នកតាមដានច្រើនជាងគេនៅក្នុងប្រទេសចិនផងដែរ។

សូមជម្រាបជូនថា Angelababy បានបាត់មុខពីក្រសែភ្នែកសាធារណៈ ដោយកម្មវិធីទូរទស្សន៍ និងការថតរូបផ្សព្វផ្សាយត្រូវបានលុបចោល ហើយការចាក់បញ្ចាំងរឿងចុងក្រោយរបស់នាង “Everlasting Longing” ត្រូវបានពន្យារពេល។ នាងត្រូវបានហាមមិនឲ្យបង្ហោះលើបណ្ដាញសង្គមតាំងពីខែវិច្ឆិកាឆ្នាំមុន ដែលទង្វើមួយត្រូវបានគេជឿថាជាលទ្ធផលនៃការចូលរួមការសម្ដែងស្រាតរបស់ Lisa នៅទីក្រុងប៉ារីស។ ក្នុងពេលដែលការរាំស្ទ្រីបត្រូវបានចាត់ថ្នាក់ជាសកម្មភាពទាក់ទងនឹងផ្លូវភេទនៅក្នុងប្រទេសចិន ហើយមនុស្សក្នុងឧស្សាហកម្មកម្សាន្តត្រូវបានហាមឃាត់មិនឲ្យរៀបចំ ចូលរួម ឬផ្សព្វផ្សាយសកម្មភាពបែបនេះ ដូចដែលបានកំណត់ក្នុងច្បាប់របស់ប្រទេសដាច់ខាត៕