ដើម្បីឈ្នះបេះដូងស្វាមី តារាថៃ Sririta ត្រូវបណ្តាក់ទុនក្លាយជាមេផ្ទះជំនាញធ្វើម្ហូប

បន្ទាប់ពីរៀបអាពាហ៍ពិពាហ៍ាជិត៥ឆ្នាំជាមួយស្វាមីជាសេដ្ធីជំនួញប្រាក់លានប្រចាំប្រទេសថៃ Sririta Jensen និងស្វាមី Korn Narongdej តែងតែបង្ហាញភាពផ្អែមល្ហែមតាមរយៈបណ្ដាញអ៉ិនធើណេត​ បើទោះបីជាពួកគេមានកូនប្រុសជាចំណងដៃយ៉ាងណាក្ដី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្ងៃទី ១៤ កុម្ភៈ តារាសម្ដែងរៀមច្បងរូបនេះ បានបង្ហោះនូវវីដេអូឃ្លិបធ្វើម្ហូបអាហារបរទេសក្នុងវិមានប្រណិតដែលពួកគេរស់នៅជុំគ្នា។ ជាពិសេសតាមរយៈឃ្លិបនោះផងដែរ នាងបានបញ្ចេញស្នាដៃចម្អិនអាហារដើម្បីអបអរពិធីបុណ្យនៃក្តីស្រលាញ់ សម្រាប់ស្វាមី អមដោយកូនប្រុសជួយម្ដាយបន្ថែមក្ដីស្រលាញ់និងភាពកក់ក្ដៅក្នុងផ្ទះបាយ។

យ៉ាងណាក៏ដោយ នៅលើ Instagram របស់បុរសសង្ហា​ Korn Narongdej ដែលឆក់បេះដូងតារាសម្ដែង Sririta រហូតទទួលបានកូនប្រុសបានបង្ហោះរូបភាពផ្អែមល្ហែមអមជាមួយនឹងការសរសេរចំណងជើងថា “ទិវានៃក្តីស្រឡាញ់របស់យើងនៅផ្ទះ។ អរគុណប្រពន្ធសម្លាញ់ សម្រាប់ការភ្ញាក់ផ្អើលដ៏គួរឲ្យស្រឡាញ់ និងធ្វើម្ហូបនៅផ្ទះ។ បងស្រឡាញ់ូអូន” ។

ទោះយ៉ាងណាក៏ដោយ​ ងាកទៅកាន់ទស្សនិកជនឯណោះ បន្ទាប់ពីទស្សនាឃ្លិបភរិយាបង្ហោះអមដោយរូបភាពស្វាមីផងម្នាក់ៗសុទ្ធតែបញ្ចេញមតិដូចៗគ្នា តាមពិតមកពី​ Sririta ពូកែយកចិត្តស្វាមីចឹងសោះ!​ ទើបពួកគេរស់នៅចុះសម្រុងគ្នាហើយមានតែរូបភាពផ្អែមល្ហែមបង្អួតមហាជនរាល់ពេល។

លើសពីនេះទៀត នាងជាមនុស្សស្រីដ៏ពូកែ ឆ្លាតវៃក្នុងការយកចិត្តស្វាមី​ ហើយសុខចិត្តបណ្តាក់ទុននៅក្នុងផ្ទះបាយ និងថែមទាំងមានជំនាញដ៏ប៉ិនប្រសប់មិនថាកិច្ចការផ្ទះឬចង្រាន្តជើងឆ្នាំងឡើយ។ ដូច្នេះទើបសក្តិសមជាស្រ្តីមេផ្ទះដែលអាចចងចិត្តស្វាមី ឲ្យរឹតតែស្រលាញ់នាងកាន់តែខ្លាំងជាងមុនទៀត។

យ៉ាងណាមិញ ចាប់តាំងពីរៀបការជាមួយសេដ្ធីជំនួញស្រុកថៃ ជីវិតតារាថៃ Sririta ពុំដែលលេចឮនូវភាពរង្គោះរង្គើឬមិនចុះសម្រុងគ្នាឡើយ។ ជីវិតរបស់នាងមានតែមនុស្សស្រីច្រណែន ដែលមានសំណាងបានស្វាមីល្អ ហើយថែមទាំងស្រលាញ់នាងខ្លាំងលើសអ្វីទៅទៀត៕

អត្ថបទ៖ សាង ស្រីល័ក្ខ

ចុចអាន៖​Toey ឆ្លើយយ៉ាងធូរចិត្ត ក្រោយមិត្តជិតដិតវ័យស្រករនាង​​ រៀប​ការ​​មាន​កូនអស់គ្មានសល់