ជីវិតកម្សាន្ដ

រងការចំអក! លីម តិចម៉េង មើលឃើញថា សីលធម៌ គុណធម៌ការយល់ដឹងខ្មែរមួយចំនួននៅទន់ខ្សោយ

បានផុស

១១ ខែ មុន

នៅ

ថ្ងៃចន្ទ ១៩ កុម្ភៈ ២០២៤

ដោយ

លោក លីម តិចម៉េង ដែលជាតារាចម្រៀងកំពុងពេញនិយមសម្រាប់មិត្តៗយុវ័យបាន បង្ហាញការហួសចិត្តជាខ្លាំងបន្ទាប់ពីរងការសើចចំអកពីសំណាក់បុគ្គលមួយចំនួនដោយគ្រាន់ឃើញលោកជិះកង់បីទៅផ្ទះខ្វះឡាន។ ក្នុងនោះ តិចម៉េង ចាត់ទុកថា សីលធម៌ គុណធម៌ និងការយល់ដឹងខ្មែរមួយចំនួននៅមានភាពទន់ខ្សោយនៅឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាចម្រៀងវ័យក្មេង លីម តិចម៉េង បន្ទាប់ពីក្លាយជាម្ចាស់ពាន បច្ចុប្បន្នត្រូវបានគេកត់សម្គាល់ឃើញថា ទាំងប្រជាប្រិយភាព និងសន្ទុះនៃការគាំទ្ររបស់ទស្សនិកជនមានការកើនឡើងជាបន្តបន្ទាប់ ពិសេសតាមរយៈការឡើងច្រៀងលើឆាកម្តងៗគេឃើញថាមានអ្នកទៅគាំទ្រភ្លូកទឹកភ្លូកដី។

យ៉ាងណាថ្មីៗនេះ តារាប្រុសរូបនេះក៏បានសម្តែងការមិនសប្បាយចិត្តក្រោយរងការមើលងាយសើចចំអកមកលើរូបលោក។ លោក លីម តិចម៉េង បាននិយាយថា «មានបងប្អូនយើងច្រើនឃើញខ្ញុំជិះកង់បីទៅផ្ទះ ស្រាប់តែពួកគាត់សើចបែរមុខចេញហើយទើបសួរខ្ញុំថា ហេតុអ្វីមិនជិះឡាន ខ្ញុំឆ្លើយថា ឡានខ្ញុំនៅដាក់ធ្វើមិនទាន់ហើយពួកគាត់ក៏សួរបន្តទៀតថា ហេតុអ្វីមិនខ្ចីឡានភិទិ ឬបងប្អូន Top4 យកមកជិះសិនព្រោះយើងតារាល្បី ខ្ញុំឆ្លើយថា នោះមិនមែនជារឿងចាំបាច់សម្រាប់ខ្ញុំទេ»។

លីម តិចម៉េង បញ្ជាក់ថា“សំណួរទាំងនេះសួរនៅលើផ្លូវ ៣៧១ ពូម្ចាស់កង់បីបើកភ្នែកធំៗមើលមុខខ្ញុំ អាណិតខ្ញុំ ហើយខ្ញុំប្រាប់គាត់វិញថា អ្នកដែលគួរអោយអាណិតគឺពួកគាត់ទៅវិញទេមិនមែនខ្ញុំទេ ព្រោះតម្លៃពិតប្រាកដដែលខ្ញុំមានគឺមិនមែនស្ថិតលើរបស់ថ្លៃៗណាមួយដែលខ្ញុំមាននោះទេ ខ្ញុំបានស្កប់ស្កល់ចំពោះខ្លួនឯងរួចទៅហើយអ្វីដែលមានតម្លៃសម្រាប់ខ្ញុំគឺគុណធម៌“។

តារាចម្រៀង លីម តិចម៉េង បាននិយាយបន្ថែមទៀតថា រឿងរ៉ាវជាច្រើនដែលខ្ញុំបានជួបផ្ទាល់បានបញ្ជាក់ប្រាប់ខ្ញុំថា សីលធម៌ គុណធម៌ ការយល់ដឹងរបស់បងប្អូនខ្មែរយើងមួយចំនួននៅមានភាពទន់ខ្សោយគួរឲ្យសង្វេកត្រូវចេះស្កប់ស្កល់ យល់ពីតម្លៃពិតនៃពាក្យថាមនុស្ស ទើបអាចធ្វើជាមនុស្សបាន៕

អត្ថបទ៖ ចាន់រ៉ា