ជីវិតកម្សាន្ដ

ខាត់ សួស្តី មិនចង់ឃើញបងស្រី ខាត់ សុឃីម រងការប្រមាថ រិះគន់ ឬការជេរស្ដីបន្ទោស

បានផុស

១ year មុន

នៅ

ថ្ងៃអង្គារ ២០ កុម្ភៈ ២០២៤

ដោយ

ស្របពេលដែលកំពុងផ្ទុះរឿងដែលមហាជនអ្នកគាំទ្រក៏ដូចជាសិល្បករ-សិល្បការិនីមួយចំនួនធំបានជម្រុញលើកទឹកចិត្តឲ្យបងស្រី ខាត់ សុឃីម ឈរឈ្មោះធ្វើជាប្រធានសមាគមសិល្បករខ្មែរអាណត្តិថ្មី ស្រាប់តែតារាស្រី ខាត់ សួស្តី ដែលជាប្អូនស្រីបង្កើតហាក់បង្ហាញការព្រួយបារម្ភចំពោះរឿងនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទំនងដោយក្លាចមានការមិនពេញចិត្តណាមួយពីបុគ្គលមួយចំនួនជុំវិញរឿងតារាពហុជំនាញ អ្នកនាង ខាត់ សុឃីម ឈរឈ្មោះជាប្រធានសិល្បករខ្មែរកញ្ញា ខាត់ សួស្តី បាននិយាយថា នាងមិនចង់ឃើញបងស្រីរបស់ខ្លួនទទួលការប្រមាថ ទទួលការរិះគន់ ឬមួយការជេរស្ដីបន្ទោសដោយប្រការណាមួយឡើយ។

តារាស្រីត្រកូលខាត់រូបនេះបានលើកឡើងថា “ខ្ញុំជឿជាក់ថាបងស្រីខ្ញុំជាវីរៈនារីដ៏អស្ចារ្យសំរាប់ប្អូនប្អូនគ្រប់គ្នានិងអ្នកដទៃផងដែរបងតែងមានការសណ្ដោសការស្រលាញ់ ភាពកក់ក្ដៅតែងតែផ្ដល់ឲ្យគ្រួសារមួយនេះក្លាយទៅជាគ្រួសារដ៏រីករាយប៉ុន្តែក្នុងនាមខ្ញុំជាប្អូនបង្កើត បងមួយរូបពិតជាមិនចង់ឃើញបងទទួលការប្រមាថ ទទួលការរិះគន់ ឬមួយការជេរស្ដីបន្ទោសបង ដោយប្រការណាមួយឡើយព្រោះបងប្រៀបដូចជាម្ដាយ”។

ខាត់ សួស្តី បន្តថា បងស្រីនាងទទួលការហត់នឿយតាំងតែពីដើមបានហាត់ពត់លត់ដំតាំងតែពីតូចឡើងស៊ាំនិងភាពនឿយហត់ទៅហើយតែនៅក្នុងចិត្តប្អូនស្រីពិតជាមានការព្រួយបារម្ភចំពោះរឿងមួយនេះដោយសារមហាជនខ្លះគាំទ្របងច្រើនអស់ពីបេះដូង ប៉ុន្តែសំរាប់បុគ្គលខ្លះ View សំខាន់ជាងអ្វីអ្វីទាំងអស់មានទាំងអ្នកបន្ថែមតែស្ករហូរហែរទៀតផង។

បន្ថែមពីនេះតារាចម្រៀងសម័យ-បុរាណកញ្ញា ខាត់ សួស្តី បានលើកឡើងទៀតថាគិតទៅសម័យនេះអ្វីក៏ឃើញ អ្វីក៏ឮពេលធ្វើល្អ ១០០០ដងមិនដែលមើលឃើញ ពេលខុសឆ្គងម្ដងជាន់ពន្លិចកប់ភក់។

គួរបញ្ជាក់ថាថ្មីៗនេះអ្នកគាំទ្រសិល្បករ-សិល្បការិនីជាច្រើនបាននាំគ្នាផុសផុលជម្រុញលើកទឹកចិត្តឲ្យតារាពហុជំនាញអ្នកនាង ខាត់ សុឃីម ឈរឈ្មោះក្នុងការបោះឆ្នោតធ្វើជាប្រធានសមាគមសិល្បករខ្មែរសម្រាប់អាណត្តិថ្មីឆ្នាំ២០២៤ ខណៈសាមីខ្លួនបញ្ជាក់ថា បើមានការគាំទ្រ និងទុកចិត្តពីបងប្អូនសិល្បករនាងនឹងគិតគូរស្វែងយល់បន្ថែមចំពោះរឿងនេះ៕

អត្ថបទ៖ ចាន់រ៉ា