ជីវិតកម្សាន្ដ

ឌីជេ សូដា ប្រញាប់បកស្រាយយ៉ាងរហ័ស ក្រោយឃ្លិបត្រាំក្នុងអាង ផ្ទុះខ្លាំងលើអ៊ិនធើណេត

បានផុស

១ year មុន

នៅ

ថ្ងៃអង្គារ ២០ កុម្ភៈ ២០២៤

ដោយ

បន្ទាប់ពីជួបសំណួរធ្ងន់ធ្ងរពីអ្នកទស្សនាឃ្លិបត្រាំទឹកអាងដែលនាងបង្ហោះកាលពីថ្ងៃទី ១៦ ខែកុម្ភៈ ឆ្នាំ ២០២៣ ឌីជេ សូដា បានជម្រះមន្ទិលមួយនេះយ៉ាងឆាប់រហ័ស ដើម្បីកុំឲ្យមានគេយល់ច្រឡំថាអ្នកថតឲ្យគឺជាមិត្តប្រុស ខណៈដែលវីដេអូមួយនោះកំពុងតែផ្ទុះលើបណ្ដាញអ៉ិនធើណេតយ៉ាងព្រោងព្រាត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមគណនី Instagram ផ្ទាល់របស់ឌីជេស្រីកូរ៉េខាងត្បូងរូបនេះ បានចែករំលែកនូវវីដេអូឃ្លិបរយៈពេល ៣០ វិនាទី ដែលបង្ហាញពីរូបនាងត្រៀមដោះសំលៀកបំពាក់ទៅត្រាំក្នុងអាងទឹក ដោយមានត្រឹមតែកន្សែងពណ៌សដើម្បីលាក់បាំងរាងកោងរបស់នាងតែប៉ុណ្ណោះ។ ក្នុងនោះផងដែរ នាងបានបង្ហាញសកម្មភាពពេលកំពុងត្រាំទឹកក្នុងទឹកក្តៅដ៏ល្បីនៅទីក្រុង Beitou ទីក្រុងតៃប៉ិខាងជើង ដោយរៀបរ៉ាប់ពីអារម្មណ៍និងការត្រាំក្នុងអាងមួយនេះ។

ទោះយ៉ាងណាក៏ដោយ បន្ទាប់ពីវីដេអូដែលបង្ហាញពីភាពស៊ិចស៊ីរបស់នាងត្រូវបានចេញផ្សាយជាសាធារណៈ។ អ្នកគាំទ្រជាច្រើនបានមកចុច Like រួមទាំងមហាជនមួយចំនួនបានសម្រុកចោទសួរថា អ្នកដែលថតវីដេអូឃ្លិបចុងក្រោយបង្អស់នេះ តើជានរណា ហើយមកពីណា? ឬមួយនេះជាការបង្ហាញខ្លួនគូស្នេហ៍ឬអត់? ព្រោះខែនេះក៏ជាខែនៃក្តីស្រលាញ់ដែរ។

ហេតុនេះហើយ បន្ទាប់ពីចម្ងល់បានក្លាយជានិន្នាការនៅលើបណ្តាញសង្គមរួចមក កាលពីថ្ងៃទី១៨ ខែកុម្ភៈ ឌីជេ សូដា ត្រូវឆ្លើយតបនៅលើ Instagram ថា “នាងមិនទាន់មានសង្សារទេ” ចំណែកអ្នកដែលថតវីដេអូឃ្លិបនេះ គឺជាអ្នកស្គាល់គ្នានៅតៃវ៉ាន់ ដែលបានមើលថែនាងយ៉ាងល្អ ខណៈពេលដែលឌីជេស្រីកំពុងធ្វើដំណើរកំឡុងពិធីបុណ្យចូលឆ្នាំចិនថ្មីៗនេះរួមទាំងនៅរដូវក្ដៅនេះ។ លើសពីនេះ តារារូបនេះ ក៏បានបង្ហាញរូបភាពរបស់នាង និងប្អូនស្រីជិតស្និទ្ធម្នាក់នេះផងដែរ៕