ជីវិតកម្សាន្ដ

បវរកញ្ញាលំដាប់រងវៀតណាម Nguyen Thu Mai ទទួលមរណភាព ដោយសារជំងឺខ្សោយក្រលៀន

បានផុស

១២ ខែ មុន

នៅ

ថ្ងៃអង្គារ ២០ កុម្ភៈ ២០២៤

ដោយ

តារាសិល្បៈ Kim Tien ដែលជាមិត្តរួមថ្នាក់របស់ Nguyen Thu Mai បានទម្លាយថា រាជនីសម្រស់បានទទួលមរណភាពកាលពីព្រឹកថ្ងៃចន្ទ ដោយសារជំងឺខ្សោយក្រលៀន បន្ទាប់ពីបានប្រយុទ្ធនឹងជំងឺដ៏រ៉ាំរ៉ៃ។ ពិធីបុណ្យសពរបស់នាងនឹងធ្វើឡើងនៅឯនៅទីក្រុងហាណូយ ដែលគ្រោងនឹងធ្វើឡើងនៅម៉ោង ១ រសៀល នៅថ្ងៃសុក្រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Mai ត្រូវបានគេចងចាំថា នាងបានប្រើជីវិតដ៏ស្ងប់ស្ងាត់ និងបំពេញជីវិតជាមួយស្វាមីនិងកូនស្រីក្នុងអំឡុងពេលប៉ុន្មានឆ្នាំក្រោយៗទៀតរបស់នាង ដោយបានបង្រៀនព្យាណូដល់កូនៗនៅគេហដ្ឋាន។ ការសាទររបស់នាងបានមកពីការទទួលបានតំណែងជាបវរកញ្ញាវៀតណាមដំបូងគេមិនធ្លាប់មានក្នុងឆ្នាំ ១៩៨៨ ដែលជាកន្លែងដែលនាងត្រូវបានគេសម្គាល់ថាជាបេក្ខនារីតែម្នាក់គត់ផងដែរ។

ទន្ទឹមនោះទៀតសោត ម្ចាស់ជ័យលាភីបវរកញ្ញាវៀតណាមឆ្នាំ ១៩៨៨ Bui Bich Phuong បានរំឮកអំពីបវរកញ្ញាលំដាប់រង Mai ថា ជាស្ត្រីដែលមានកម្ពស់ខ្ពស់គួរសម ជាមួយនឹងថ្ពាល់ភ្លឺថ្លា និងធ្មេញសៗ។ ជាពិសេសនាងជាមនុស្សមានសេចក្តីសប្បុរស ភាពស្និទ្ធស្នាល ភាពរីករាយ និងអាចចូលទៅបានយ៉ាងខ្លាំងក្នុងចំណោមមនុស្សជាច្រើន។

អតីតម្ចាស់ជ័យលាភីបវរកញ្ញាវៀតណាមឆ្នាំ ១៩៨៨រូបនេះបានរំលឹកទៀតថា “ខ្ញុំនឹងមិនភ្លេចកែវភ្នែកដ៏ស្រស់បំព្រង និងស្នាមញញឹមរបស់នាងឡើយ” ដោយបង្ហាញការអាណិតអាសូរយ៉ាងជ្រាលជ្រៅចំពោះស្វាមីរបស់ Mai និងកូនស្រីរបស់ពួកគេ និងក្រុមគ្រួសារ ហើយបានជូនពរឲ្យ Mai បានស្ងប់សុខ។

សូមជម្រាបជូនថា Nguyen Thu Mai គឺជាអតីតនិស្សិតនៃសាកលវិទ្យាល័យវប្បធម៌ និងសិល្បៈយោធា ដែលនាងមានជំនាញខាងព្យាណូ និងជាកូនស្រីរបស់តារាសម្ដែងរឿង Meritorious Artist Thuy Chi។ ការប្រកួតបវរកញ្ញាវៀតណាម ដែលបានចាប់ផ្តើមដោយកាសែត Tien Phong ក្នុងឆ្នាំ ១៩៨៨ បានក្លាយជាព្រឹត្តិការណ៍ដ៏មានកិត្យានុភាព។ ក្រុមហ៊ុនសារព័ត៌មាន Sen Vang Productions ដែលទទួលបន្ទុកផលិតបវរកញ្ញាតាំងពីឆ្នាំ ២០១៤ ក៏បានទទួលសិទ្ធិធ្វើប្រតិភូកម្មម្ចាស់ជ័យលាភី ដើម្បីចូលរួមក្នុងការប្រកួតបវរកញ្ញាពិភពលោកផងដែរ៕