ជីវិតកម្សាន្ដ

គ្រូបង្រៀនឡាវម្នាក់ ប្រាប់ Ice ឲ្យទៅស្លាប់ ក្រោយនាងបង្ហោះសាររិះគន់គ្រួសារខ្លួនឯង

បានផុស

១ year មុន

នៅ

ថ្ងៃពុធ ២១ កុម្ភៈ ២០២៤

ដោយ

គ្រូភាសាឡាវម្នាក់បានចូលទៅបញ្ចេញមតិក្រោមរូបភាពដែលតារាសម្ដែងស្រី Ice Preechaya បានសរសេរបញ្ចេញអារម្មណ៍អំពីគ្រួសារ ដោយឲ្យរូបនាងទៅស្លាប់ឲ្យបាត់ទៅបើចង់ស្លាប់មែន។ ស្របពេលដែលមនុស្សជាច្រើនសម្រុកចូលរួមផ្ញើការលើកទឹកចិត្តខ្លាចគិតខ្លី។

កាលពីថ្ងៃទី២០ ខែកុម្ភៈឆ្នាំ ២០២៤ គ្រូបង្រៀនភាសាឡាវមួយរូប បានបញ្ចេញមតិយោបល់នៅក្រោមឃ្លិបរបស់តារាសម្ដែង Ice ថា បើមិនចង់រស់ទេ ស្លាប់ទៅ។ ការបញ្ចេញមតិប៉ាតណាប៉ាតណីរបស់គ្រូបង្រៀនរូបនេះបានធ្វើឲ្យមហាជនជាច្រើនហាក់មិនគាំទ្រនូវគំនិតមួយនេះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះយ៉ាងណាក៏ដោយ ភ្លាមៗនោះដែរមានមនុស្សម្នាក់ដែលគ្រូបង្រៀនដូចគ្នាព្រមទាំងតំណាងឲ្យប្រជាជនឡាវទូទាំងប្រទេសបានបានចេញសារបកស្រាយ ហើយថែមទាំងបង្ហោះ Caption អមដោយការសរសេរថា “ជូនចំពោះប្រជាជនឡាវ អ្នកណាក៏ស្គាល់គ្រូ E-Nee។ សូមប្រាប់ខ្ញុំថា ខ្ញុំជាគ្រូភាសា ហើយបញ្ចេញមតិបែបនេះ កុំធ្វើជាគ្រូបង្រៀន។ វាបង្ហាញពីមូលដ្ឋានគ្រឹះនៃការអប់រំ។ ខ្ញុំមកពីអ៊ីសាន ខ្ញុំពិតជាចូលចិត្តជនជាតិលាវណាស់ ខ្ញុំទៅប្រទេសលាវជាញឹកញាប់ ប៉ុន្តែមិនដែលឃើញមនុស្សបែបនេះទេ។ សូមជួយថ្កោលទោសមនុស្សវរភេទនេះផង”។

បន្ទាប់ពីអ្នកប្រើប្រាស់ប្រព័ន្ធផ្សព្វផ្សាយសង្គមបានឃើញការអត្ថាធិប្បាយ ដែលអាចប៉ះពាល់ដល់ស្ថានភាពផ្លូវចិត្តរបស់ Ice មហាជនជាច្រើនបានសម្រុកចូលទៅបញ្ចេញមតិលើកទឹកចិត្តដល់រូបនាង។ ថ្វីបើមិនអាចជួយស្តាតស្ថានការណ៍ឲ្យខ្លាំងក្លា ប៉ុន្តែយ៉ាងណាក៏ដោយ តាមរយៈការលើកទឹកចិត្តរបស់អ្នកគាំទ្រ វាក៏អាចជួយឲ្យស្ថានភាពរបស់នាងប្រសើរជាងមុនដែរ។

សូមជម្រាបជូនថា កាលពីថ្ងៃទី១៩ ខែកុម្ភៈ ឆ្នាំ២០២៤ Ice Preechaya បានបង្ហោះដើម្បីបញ្ចេញអារម្មណ៍ដល់ក្រុមគ្រួសារ ដោយពេលនោះរូបនាងបានបង្ហោះសារថា ត្រូវបានឪពុកម្តាយសុំលុយគ្រប់ច្រកល្ហក់ បែរមកមិត្តប្រុសមានដូចមិនមាន។ ដល់ថ្នាក់លួចទៅប្រាប់អ្នកដែលជិតស្និទ្ធថាលែងចង់រស់នៅក្នុងពិភពលោកនេះហើយ ប៉ុន្តែគ្មាននរណាម្នាក់អើពើនឹងនាងសូម្បីតែម្នាក់។ ដូច្នេះហើយ ទើបរូបនាងសម្រេចចិត្តទម្លាយសារបញ្ចេញអារម្មណ៍ពិតថា បើថ្ងៃណាបាត់នាង តើគ្រួសារនឹងរំពឹងនាងទៀងតទេ៕