ជីវិតកម្សាន្ដ

អតីតប្រធានកម្មវិធីបវរកញ្ញាចក្រវាល ប្ដឹងសេដ្ឋីជំនួញកែភេទថៃ Anne ពីបទលាបពណ៌

បានផុស

១ year មុន

នៅ

ថ្ងៃពុធ ២១ កុម្ភៈ ២០២៤

ដោយ

អតីតប្រធានស្ថាប័នបវរកញ្ញាចក្រវាល Paula Shugart បានចេញសេចក្តីថ្លែងការណ៍ជាភាសាថៃតាមរយៈ Instagram ផ្ទាល់ខ្លួនដោយបញ្ចាក់ថា នឹងត្រៀមចាត់វិធានការផ្លូវច្បាប់លើសេដ្ឋីជំនួញកែភេទថៃ Anne Jakrajutatip ដែលដើរលាបពណ៌លោកស្រីប៉ាតណាប៉ាតណី។

**អតីតប្រធានស្ថាប័នរបវរកញ្ញាចក្រវាល Paula Shugart**

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈការបង្ហោះលើគណនីផ្ទាល់របស់ប្រធាន Miss Universe រូបនេះបានសរសេរសារយ៉ាងវែងអន្លាយដោយបញ្ជាក់ថា “បន្ទាប់ពីបានប្រកាសលាលែងពីតំណែងជាប្រធានស្ថាប័នបវរកញ្ញាចក្រវាលក្នុងខែវិច្ឆិកា ឆ្នាំ២០២៣ ខ្ញុំបានជ្រើសរើសមិនធ្វើអត្ថាធិប្បាយ អំពីការផ្លាស់ប្តូរនៅក្នុងស្ថាប័នបវរកញ្ញាចក្រវាល។ ប៉ុន្តែខ្ញុំនៅតែត្រៀមខ្លួន ហើយនៅតែមានឆន្ទៈក្នុងការជួយស្ថាប័ន និងអ្នកគ្រប់គ្នាដែលពាក់ព័ន្ធនឹងដំបូន្មាន និងការណែនាំពីបទពិសោធន៍ និងចំណេះដឹងដែលប្រមូលបានក្នុងរយៈពេលយូរ។ ខ្ញុំត្រូវចេញមកធ្វើសេចក្តីថ្លែងការណ៍លើកនេះ ដោយសារតែម្ចាស់ស្ថាប័នបវរកញ្ញាចក្រវាល Anne Jakrajutatip Chakrajutatib ចោទប្រកាន់ខ្ញុំ ជាមួយនឹងព័ត៌មានមិនពិត ហើយបានធ្វើឲ្យខ្ញុំមានជម្លោះជាខ្លាំង។

ជាមួយគ្នានោះផងដែរ លោកស្រី Paula Shugart បានបញ្ចាក់បន្ថែមទៀតថា ជាធម្មតា ខ្ញុំបានជ្រើសរើសមិនអើពើនឹងពាក្យទាំងនោះ។ ប៉ុន្តែចោទខ្ញុំពីបទឆបោក និងទទួលបានប្រាក់សំណងសម្រាប់ប្រទេសមួយដើម្បីទទួលបានតំណែងបវរកញ្ញាក្នុងការប្រកួតបវរកញ្ញាចក្រវាលជារៀងរាល់ឆ្នាំ។ ពាក្យទាំងនេះមិនត្រឹមតែជេរខ្ញុំទេ ប៉ុន្តែវាក៏ផ្តល់តម្លៃដល់ស្ត្រីទាំងអស់ដែលបានគ្រងមកុដបវរកញ្ញាចក្រវាលកាលពីមុនថា ពួកគេជាបវរកញ្ញាចក្រវាលដែលបានទិញតំណែងដោយមិនបានចូលប្រព័ន្ធប្រកួតប្រជែងដោយយុត្តិធម៌។ ខ្ញុំមិនអាចទទួលយកការចោទប្រកាន់ដ៏ឃោរឃៅ និងគ្មានការគិតបែបនេះបានទេ។ ព្រោះការធ្វើនេះជាការប្រមាថដល់បវរកញ្ញាចក្រវាល និងអស់អ្នកដែលបានទទួលតំណែងបវរកញ្ញាចក្រវាល។

ខ្ញុំកំពុងរៀបចំចាត់ការតាមផ្លូវច្បាប់នៅប្រទេសថៃ។ ថ្វីដ្បិតតែចំណាត់ការផ្លូវច្បាប់របស់ខ្ញុំ គ្រាន់តែជាបណ្តឹងមួយក្នុងចំណោមបណ្តឹងជាច្រើនក៏ដោយ ករណីដែលនាយកប្រតិបត្តិកំពូលរបស់ JKN កំពុងប្រឈមមុខនាពេលនេះ។ តែចេញមកប្រកាសការពិត និងថ្កោលទោសការចោទប្រកាន់មិនពិត វាចាំបាច់ណាស់ក្នុងការការពារបវរកញ្ញាចក្រវាល និងកេរ្តិ៍ឈ្មោះរបស់ស្ថាប័ន។ មុននឹងយករឿងនេះចូលទៅក្នុងដំណើរការរបស់តុលាការនៅព្រះរាជាណាចក្រថៃ ហើយខ្ញុំរក្សាសិទ្ធិទាមទារសំណងទាំងអស់។ ខ្ញុំគ្មានចេតនាចូលរួមក្នុងការជជែកដេញដោលនោះទេ។ ជាពិសេស ជម្លោះនៅលើប្រព័ន្ធផ្សព្វផ្សាយសង្គម គ្រប់គ្នាដែលស្គាល់ខ្ញុំច្បាស់ដឹងការពិតទាំងស្រុង និងអ្វីមួយដែលខ្ញុំតែងតែឈរយ៉ាងរឹងមាំ។ ខ្ញុំសូមជូនពរឲ្យបទពិសោធន៍ទាំងអស់របស់ខ្ញុំធ្វើការជាមួយស្ត្រីគួរឲ្យកោតសរសើរនៅជុំវិញពិភពលោក វាជាភស្តុតាងនៃអត្តសញ្ញាណ និងខ្លឹមសាររបស់ខ្ញុំ”។

យ៉ាងណាមិញ ជុំវិញបណ្ដឹងដែលដើមចោទដែលជាអតីតប្រធានស្ថាប័នរបវរកញ្ញាចក្រវាលលោកស្រី Paula Shugart ប្ដឹងទៅកាន់សេដ្ឋីជំនួញកែភេទថៃ Anne Jakrajutatip កំពុងក្លាយជារឿងរ៉ាវដ៏រសើបខ្លាំងក្នុងវិស័យសម្រស់ ខណៈពេលដែលកម្មវិធី Miss Universe នៅថៃ អាចនេឹងត្រូវប្ដូរម្ចាស់លែងជា Anne ទៀតហើយ៕