ជីវិតកម្សាន្ដ

សុខ ស្រីល័ក្ខណ៍ ប្រតិកម្មការពារបងស្រី ក្រោយមានការផុសរូបក្នុងឯកសណ្ឋានមន្ត្រីខុសលក្ខណៈដើម

បានផុស

៧ ខែ មុន

នៅ

ថ្ងៃព្រហស្បតិ៍ ២២ កុម្ភៈ ២០២៤

ដោយ

អ្នកនាង សុខ ស្រីល័ក្ខណ៍ ដែលជាប្អូនស្រីបង្កើតតារាចម្រៀង កញ្ញា សុខ សីឡាលីន សម្តែងការហួសចិត្តជាខ្លាំង ខណៈសុខៗ ស្រាប់តែមានផេកមួយបានយករូបភាពរបស់បងស្រីខ្លួនទៅបង្ហោះក្នុងឯកសណ្ឋានជាមន្ត្រីខុសលក្ខណៈដើម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខ្លឹមសារដែលត្រូវបានតារាស្រី សុខ ស្រីល័ក្ខណ៍ សរសេរភ្ជាប់ការស៊ែរ នៃការបង្ហោះនោះ បានលើកឡើងថា «ឆ្ងល់យូរហើយ MMO អើយ បើយកគេមកសរសេរចាំបាច់យករូបគេមក Rotate ត្រឡប់ត្រឡិនស្តាំចេញឆ្វេង ឆ្វេងចេញស្តាំធ្វើអ្វី? រូបធម្មតាមិនអីទេ តែនេះរូបគេពាក់ឯកសណ្ឋាន និងកាយវិការគោរពទៀត ខុសត្រឡប់ត្រឡិនអស់»។

សុខ ស្រីល័ក្ខណ៍ បាននិយាយទៀតថា «ចំពោះអ្នក Comment ក៏អញ្ចឹងដែរ Comment រិះគន់ សួរថា បើត្រឡប់ត្រឡិនពាក់កាតស័ក្ដិស្លាកឈ្មោះខុសអញ្ចឹងសួរថាស្ថាប័នគេឲ្យចូល ឬ យល់ព្រមឲ្យពាក់ គ្មានដឹងអី ផុសគ្មានដឹងអ្វីអញ្ចឹងមែន? MMO ក៏អញ្ចឹងដែរ ផុសគ្មានដឹងខ្យល់ អញ្ចឹងកុំយករូបគេមកផុស មិនបាច់សរសើរប្រកាច់អ្វីទេ បើអញ្ចឹងៗ អី»។

អ្នកនាងបានបន្ថែមទៀតថា «មានខ្លះទៀតដេកឆ្ងល់ថា គេធ្វើអ្វីខ្លះបានការងារប៉ូលិស តារាចម្រៀងសោះ បានពាក់ស័ក្ដិ និងរូបភាពឯកសណ្ឋានខុស ឬ ត្រូវ? រូប Zin Zin អញ្ជើញចូលមើលបាន ព្រោះផេកគាត់ផុសតែការងារសិល្បៈ និងការងារនៅស្ថាប័នប៉ូលិសរបស់គាត់ប៉ុណ្ណោះ កុំបានតែរិះគន់តាមកាឡៃរបស់ M MO ទាំងមិនបានយកភ្នែកមើល (រូបភាពត្រូវបានកែប្រែឲ្យមើលទៅបញ្ច្រាស)»។

យ៉ាងណាសម្រាប់សាមីខ្លួន កញ្ញា សុខ សីឡាលីន មិនឃើញមានបញ្ចេញប្រតិកម្មឆ្លើយតបរឿងនេះនៅឡើយទេ ខណៈបន្ទាប់ពីមានការលើកឡើងរបស់អ្នកនាង សុខ ស្រីល័ក្ខណ៍ មិនបានប៉ុន្មាន ផេកនោះក៏បានលុបការផុសនេះវិញ៕

អត្ថបទ ៖ ចាន់រ៉ា