ជីវិតកម្សាន្ដ

ម៉េង កែវពេជ្ជតា ចាត់ទុកសិល្បៈជា ដួងព្រលឹងជាតិ

បានផុស

៧ ខែ មុន

នៅ

ថ្ងៃសុក្រ ២៣ កុម្ភៈ ២០២៤

ដោយ

តារាចម្រៀងជើងចាស់ល្បីឈ្មោះប្រចាំប្រទេសអ្នកនាង ម៉េង កែវពេជ្ជតា គិតមកដល់បច្ចុប្បន្នបានចូលបម្រើផ្នែកវិស័យចម្រៀងមានរយៈពេលយូឆ្នាំមកហើយ ខណៈប្រជាប្រិយភាព និងទឹកដមសម្លេងនៅតែដក់ក្នុងបេះដូងមហាជនគ្រប់ស្រទាប់វណ្ណៈទូទាំងប្រទេស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាង ម៉េង កែវពេជ្ជតា ត្រូវបានគេមើលឃើញថាជា តារាស្រីរៀមច្បងដែលមានទេពកោសល្យ សម្លេងពិរោះរណ្តុំចិត្តពីធម្មជាតិ បំពេរអារម្មណ៍អ្នកស្តាប់មិនចេះជិនណាយ។ ត្រង់ចំណុងនេះដែរអ្នកនាង ម៉េង កែវពេជ្ជតា បានចាត់ទុកថាសិល្បៈគឺជាជំនាញទេវតាប្រទាន សិល្បៈគឺដួងព្រលឹងជាតិ ។

កំពូលតារាចម្រៀងអ្នកនាង ម៉េង កែវពេជ្ជតា បានលើកឡើងថា ចាស់មិនមែនជាសត្រូវនៃសិល្បៈអ្វីដែលជា សត្រូវសិល្បៈពិតប្រាកដនោះ គឺភាពច្រំដែលសូមកុំចាត់ទុកធនធានសិល្បៈដូចជាស្លឹកចេក ឬក្រដាសខ្ចប់ចេកចៀនប្រើហើយគ្រវាត់ចោលឲ្យសោះសិល្បៈ គឺជាជំនាញទេវតាប្រទានសិល្បៈគឺជាដួងព្រលឹងជាតិ។

ម៉េង កែវពេជ្ជតា បានបន្ថែមថា សូមអរគុណម្ចាស់ឧបត្ថមកម្មវិធី អរគុណផលិតករ អរគុណពិធីការនី ពិសេសបំផុត អរគុណបងប្អូនពុកម៉ែពូមីងហ្វ៊ែនៗដែលបានផ្តល់នូវការគាំទ្រ ពេជ្ជតា ក៏ដូចជាក្រុមគ្រួសារសិល្បៈរបស់នាងខ្ញុំ និងជួយការពារនាងខ្ញុំក្នុងការតស៊ូមតិដើម្បីការពារធនធានសិល្បៈ និងការពារសិល្បៈ។

ជាការពិតណាស់អ្នកនាង ម៉េង កែវពេជ្ជតា ថ្វីត្បិតតែបច្ចុប្បន្នមានវ័យរៀងច្រើនបន្តិចក្តី តែតារាស្រីរូបនេះនៅរក្សាបានការគាំទ្រ និងមានប្រជាប្រិយភាពសម្រាប់ទីផ្សារចម្រៀងគ្រប់មជ្ឈដ្ឋានពោលគឺទទួលបានការគាំទ្រទាំងមនុស្សវ័យចំណាស់ និងមិត្តៗយុវវ័យផងដែរ ខណៈអ្នកនាងត្រូវបានគេចាត់ទុកដែរថាជារាជនីសម្លេងពិរោះរណ្តុំចិត្ត៕

អត្ថបទ៖ ចាន់រ៉ា