ជីវិតកម្សាន្ដ

សមាគមសិល្បករខ្មែរ ឆ្លើយតបចំពោះការចោទប្រកាន់ រឿងបក្សពួកនិយម និង លេបលុយមូលនិធិ

បានផុស

១២ ខែ មុន

នៅ

ថ្ងៃអាទិត្យ ២៥ កុម្ភៈ ២០២៤

ដោយ

ថ្មីៗ នេះ សមាគមសិល្បករខ្មែរ បានចេញលិខិតស្រាយបំភ្លឺឆ្លើយតបទៅកាន់លោក លាន អាហ្វ្រីគីនីន និង លោក គួច ខេវិន ចំពោះការបង្ហោះវីដេអូ និង សំណេរដែលពាក់ព័ន្ធ ដោយចោទប្រកាន់ថា សមាគមបក្សពួកនិយម អសកម្ម និងលេបលុយមូលនិធិជាដើម…។

នៅក្នុងខ្លឹមសាររបស់សមាគមសិល្បករខ្មែរបានសម្តែងនូវការសោកស្ដាយយ៉ាងខ្លាំងចំពោះការលើកឡើងដោយគ្មានមូលដ្ឋាន ដែលនាំឲ្យសាធារណមតិមានការភ័ន្តច្រឡំ និងសង្ស័យមកលើសមាគមសិល្បករខ្មែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមាគមបញ្ជាក់ជូន លោក លាន អាហ្វ្រីគីនីន និង លោក គួច ខេវិន ព្រមទាំងសាធារណជនថា ក្នុងអាណត្តិទី ៦ នេះ សមាគមសិល្បករខ្មែរ បានខិតខំយ៉ាងខ្ជាប់ខ្ជួនក្នុងការបំពេញតួនាទីជាសេនាធិការរបស់រាជរដ្ឋាភិបាល ក៏ដូចជាក្រសួងវប្បធម៌ និងវិចិត្រសិល្បៈ ក្នុងន័យគាំពារដល់សិល្បករ ជាពិសេសសិល្បករចាស់ជរា ពិការភាព មានជំងឺ និងទីទ័លក្រ។

បន្ថែមនោះដែរ សមាគម បានខិតខំអស់ពីសមត្ថភាព និងលទ្ធភាព ក្នុងការគាំពារដល់ពួកគាត់ ដោយមិនប្រកាន់និន្នាការ ឬ បក្សពួកនិយមដូចការលើកឡើងរបស់លោកទាំងពីរនោះឡើយ។ ជាក់ស្ដែងបច្ចុប្បន្នមានសិល្បករចាស់ជរា ពិការភាព មានជំងឺ និងខ្វះខាតជីវភាពច្រើន កំពុងគាំពារផ្នែកជីវភាពជាគ្រឿងឧបភោគ បរិភោគ និងថវិកាយ៉ាងទៀងទាត់ រាល់ខែ ក្នុងរយៈពេល ៦ ឆ្នាំ កន្លងមកនេះ។ ទន្ទឹមនេះ សមាគម បាន និងកំពុងផ្តល់សេវាជាច្រើន ជាផ្នែកគាំពារដល់សិល្បករ ក្នុងនោះក៏មានសេវាផ្នែកផ្លូវច្បាប់ផងដែរ៕

អត្ថបទ ៖ ចាន់រ៉ា