ជីវិតកម្សាន្ដ

រៀបការយ៉ាងអាថ៌កំបាំង តួ ចាន់ចាវ ទើបបង្ហាញមុខភរិយានិងកូនស្រីសាធារណៈ

បានផុស

៧ ខែ មុន

នៅ

ថ្ងៃចន្ទ ២៦ កុម្ភៈ ២០២៤

ដោយ

ប្រព័ន្ធផ្សព្វផ្សាយហុងកុងបានបង្ហាញរូបថតចុងក្រោយរបស់ Kenny Ho ដែលជាតួសម្តែងចាន់ចាវ ក្នុងរឿងភាគទូរទស្សន៍ដ៏ល្បីល្បាញ Justice Pao ឬប៉ាវចិន ក្នុងឆ្នាំ១៩៩៣ ដែលកាលណោះទទួលបានភាពល្បីល្បាញយ៉ាងខ្លាំងក្លា ដល់ថ្នាក់ទស្សនិកជនស្លៀកពាក់តាមភាពយន្តចិនមួយនេះថែមទៀតផង។

បើតាមសារព័ត៌មានហុងកុងដដែល បានបង្ហាញនូវរូបភាពរបស់អតីតតារាសម្តែងវ័យ ៦៤ ឆ្នាំ Kenny Ho ឬចាន់ចាវ ដែលរូបលោកបានរៀបការដោយអាថ៌កំបាំង ហើយក៏គ្មានអ្នកណាដឹងថាលោកមានក្រុមគ្រួសារនោះទេ។ ទើបតែកាលពីថ្ងៃចូលឆ្នាំចិនតារាសម្ដែងបានដឹកដៃភរិយានិងកូនស្រីរបស់គាត់ទៅលេងកម្សាន្តក្នុងឱកាសបុណ្យចូលឆ្នាំចិន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះយ៉ាងណាក៏ដោយ ក្រោយមកនៅថ្ងៃទី២៣ ខែកុម្ភៈ លោក Kenny Ho បានយល់ព្រមផ្តល់បទសម្ភាសន៍តាមទូរស័ព្ទ ដោយរូបលោកផ្ទាល់បានសារភាពថាពិតជារៀបការនិងមានកូនស្រីម្នាក់ ប៉ុន្តែឥឡូវនេះគាត់បានប្តូរមកធ្វើជំនួញវិញហើយក្រោយបញ្ចប់អាជីពសិល្បៈ។ ដូច្នេះរឿងផ្ទាល់ខ្លួនទាំងនេះមិនពាក់ព័ន្ធនឹងទស្សនិកជនទេ។ លោកបាននិយាយថា អ្នកដែលត្រូវបានថត តាមពិតក្មួយស្រីរបស់គាត់ មិនមែនជាប្រពន្ធរបស់លោកដូចការរាយការណ៍នោះទេ ។

យ៉ាងណាមិញ នៅពេលមហាជនចោតសួរសួរថា ប្រពន្ធរបស់គាត់មានមុខមាត់យ៉ាងណាដែរ? អតីតតួចាន់ចាវរូបនេះបានឆ្លើយដោយឥតបង្អង់យូរនិងបែបកំប្លែងថា “ប្រពន្ធខ្ញុំអាក្រក់! តែកូនស្រីខ្ញុំស្អាត”។

សូមជម្រាបជូនថា Kenny Ho ជាអតីតតារាសម្ដែងហុងកុងជើងចាស់មួយរូបដែលសាងកេរ្ត៍ឈ្មោះតាមរយៈភាពយន្តចិនហុងកុងនាទសវត្ស៨០និង៩០។ ជាពិសេសលោកផ្ទាល់បានលេចមុខក្នុងភាពយន្តប្រវត្តិសាស្រ្តចិនក្រោមចំណងជើងថា Justice Pao ឬប៉ាវចិន ក្នុងឆ្នាំ១៩៩៣ ដែលពេលនោះបានធ្វើឲ្យទស្សនិកជនជាច្រើនស្គាល់លោកកាន់តែច្បាស់ រហូតដាក់ឈ្មោះថា ចាន់ចាវ តាមសាច់រឿងថែមទៀតផង៕