ជីវិតកម្សាន្ដ

រន្ទះបាញ់ទីតាំងប្រគំតន្ត្រី Taylor Swift លើទឹកដីអូស្ត្រាលី ដល់ថ្នាក់ជម្លៀសមនុស្សចេញភ្លាមៗ

បានផុស

៩ ខែ មុន

នៅ

ថ្ងៃចន្ទ ២៦ កុម្ភៈ ២០២៤

ដោយ

យោងតាមសារព័ត៌មាន Daily Mail បានឲ្យដឹងថា ព្យុះផ្គររន្ទះដ៏ខ្លាំងមួយបានធ្លាក់ចុះដោយមិននឹកស្មានដល់នៅល្ងាចថ្ងៃសុក្រ ក្នុងទីក្រុងស៊ីដនី ដោយរន្ទះបានវាយប្រហារចំងាយត្រឹមតែ ១០ គីឡូម៉ែត្រពីកីឡដ្ឋាន Accor ជាកន្លែងប្រគំតន្ត្រី Eras Tour របស់ Taylor Swift ។ អ្នកគាំទ្រនៅខាងក្រោមឆាក ត្រូវបានស្នើសុំឲ្យស្វែងរកទីជំរក ដោយម្នាក់ៗពាក់អាវភ្លៀងកំពុងរត់កន្លែងសុវត្ថិភាពភ្លាមៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងនោះផងដែរ កីឡដ្ឋាន Accor បានចេញសេចក្តីថ្លែងការណ៍ភ្លាមៗមុនម៉ោង ៦ ល្ងាច ដោយជូនដំណឹងដល់ទស្សនិកជនថា “ការសម្តែងរយៈពេល ៣ ម៉ោងនឹងត្រូវពន្យារពេលដោយសារអាកាសធាតុ។ សូមរក្សាសុវត្ថិភាព រហូតដល់មានការជូនដំណឹងបន្ថែម និងអនុវត្តតាមការណែនាំពីបុគ្គលិក”។

កម្មវិធីដំបូងរបស់ Taylor Swift នៃ The Eras Tour នៅទីក្រុងស៊ីដនី ត្រូវបានគេសន្មត់ថានឹងចាប់ផ្តើមនៅម៉ោង ៦.២០ ល្ងាចជាមួយនឹងតារាចម្រៀង Sabrina Carpenter ជាអ្នកសម្ដែង ហើយ Swift នឹងចាប់ផ្តើមនៅម៉ោង ៧.៣០ យប់។ ដោយសារតែអាកាសធាតុមិនល្អ ការសម្តែងរបស់ Carpenter ត្រូវបានលុបចោលភ្លាមៗដូចគ្នា។

សូមជម្រាបជូនថា Taylor Swift នឹងសម្តែងរយៈពេលបួនយប់នៅទីក្រុងស៊ីដនី ចាប់ពីថ្ងៃសុក្រដល់ថ្ងៃចន្ទ។ កាលពីចុងសប្តាហ៍មុន នាងមានកម្មវិធីលក់ដាច់ចំនួនបីដែលមានអ្នកទស្សនាបំបែកឯតទគ្គកម្មជាង ៩៦,០០០ នាក់នៅកីឡដ្ឋាន Melbourne Cricket Ground នេះបើតាមសារព័ត៌មាន People បានចុះផ្សាយនាពេលកន្លងមក៕