ជីវិតកម្សាន្ដ

ចុងភៅទេវតាបំផុសគំនិតទិនហ្វីក្នុងភាពយន្តឆ្នាំ១៩៩៦ រងការរិះគន់ធ្វើម្ហូបអត់អនាម័យ

បានផុស

៧ ខែ មុន

នៅ

ថ្ងៃចន្ទ ២៦ កុម្ភៈ ២០២៤

ដោយ

អ្នកគាំទ្រនៃខ្សែភាពយន្តចិនកាលជំនាន់ទសវត្សឆ្នាំ៩០ ប្រាកដជាស្គាល់យ៉ាងច្បាស់ពីតួនៃការងាររបស់តារាសម្ដែង Stephen Chow ឬទិនហ្វី ដោយខ្សែភាពយន្តដ៏ល្បីល្បាញបំផុតមួយរបស់គាត់គឺ the god of cookery ឆ្នាំ ១៩៩៦។ ប៉ុន្តែអ្វីដែលភាគច្រើនប្រហែលមិនដឹងនោះគឺ អត្តចរិតតួអង្គត្រូវបានបំផុសគំនិតដោយមនុស្សពិត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចុងភៅ Dai Lung អាយុ ៧៥ ឆ្នាំ ដែលមនុស្សជាច្រើនស្គាល់ថាជាចុងភៅជនជាតិចិនលំដាប់កំពូលទាំង ៤ របស់ហុងកុង ថែមទាំងមានមុខមាត់នៅក្នុងខ្សែភាពយន្តនេះថែមទៀតផង។ តាមពិតទៅម្ហូបមួយចានមានឈ្មោះថា ‘អង្ករទុក្ខព្រួយ ឬ Sorrowful rice’” ដែលធ្វើឲ្យតួអង្គ Nancy Sit យំនៅក្នុងខ្សែភាពយន្តនេះ មិនមែនជារឿងប្រឌិតនោះទេ ហើយមានលក់នៅភោជនីយដ្ឋានមួយរបស់ Chef Dai Lung ក្នុងទីក្រុងហុងកុងពិតមែន។

សូម្បីតែស្តេចកាស៊ីណូចុងក្រោយ Stanley Ho ត្រូវបានគេនិយាយថា បានចំណាយប្រាក់ចំនួន ៥,០០០ ដុល្លារហុងកុង (៨៥០ដុល្លារអាមេរិក) សម្រាប់ចំណែកនៃម្ហូបដ៏ល្បីរបស់ Dai Lung មួយទៀតគឺ អធិរាជបាយឆា ដែលប្រើអង្ករខ្មៅ និងស រួមបញ្ចូលសាច់ក្តាម និងត្រី ព្រមទាំង ពងមាន់។

**ចុងភៅវ័យក្មេង Dai Lung ក្នុងរឿង God of Cookery**

ចុងភៅដ៏ល្បីល្បាញរូបនេះ ទើបបានប្រាប់ដំណឹងថា បានចូលរួមក្នុងការប្រកួតធ្វើម្ហូបនៅខេត្តហ៊ូណាន ប្រទេសចិន។ តាមរយៈឃ្លិបវីដេអូដែលបានបង្ហោះតាមអ៊ីនធឺណិត ចុងភៅ Dai Lung ត្រូវបានគេឃើញកំពុងធ្វើអាហារនៅចំពោះមុខហ្វូងមនុស្សដ៏ច្រើនកុះករ។ អ្វីដែលគួរឲ្យចាប់អារម្មណ៍នោះគឺគាត់បានពាក់មេដាយមាសជាមួយនឹងពាក្យថា “God of Cookery” ដែលបានសរសេរនៅលើវា ដោយគេសង្ស័យថា Stephen Chow ឬទិនហ្វីជាអ្នកប្រគល់ឲ្យគាត់។

ទោះជាយ៉ាងណាក៏ដោយ អ្នកលេងអ៊ីនធឺណិតចិនជាច្រើនមិនចាប់អារម្មណ៍នឹងអ្វីដែលពួកគេបានឃើញពីកិត្តិនាមកំពូលរបស់ចុងភៅដែលបំផុសគំនិតក្នុងភាពយន្ត ចុងភៅទេវតា សូម្បីបន្តិចណា។ អ្នកប្រើបណ្ដាញសង្គមជាច្រើនបានចូលទៅរិះគន់ក្នុងន័យផ្សេងៗគ្នាថា បាយឆាមិនសូវល្អដូចគាត់ធ្វើទេ។ ស្របពេលដែលអ្នកផ្សេងទៀតថែមទាំងបន្ទោសគាត់ថាគ្មានអនាម័យ ជាចុងភៅកំពូលនិងលំដាប់ប៉ុន្តែបែរជាគ្មានពាក់ម៉ាស់ការពារសូម្បីតែមួយ។ អ្នកខ្លះថែមទាំងបានចោទសួរពីគោលបំណងរបស់ចុងភៅរូបនេះក្នុងការបង្ហាញខ្លួននៅខេត្តហ៊ូណានទៀតផង៕