ជីវិតកម្សាន្ដ
ផ្ទុះការវែកញែកក្រោយ ព្រះកាយ ច័ន្ទ ប្រកាសលាលែងតំណែង Miss Grand ភ្នំពេញ
ដូចដែលមហាជនបានដឹងហើយថាថ្មីៗនេះ ម្ចាស់មកុដ Miss Grand ភ្នំពេញ២០២៤ កញ្ញា ព្រះកាយ ច័ន្ទ បានប្រកាសលាលែងពីតំណែងយ៉ាងតក់ក្រហល់ក្រោមហេតុផល គ្មានពេលវេលាគ្រប់គ្រាន់។ ចំពោះការប្រកាសនេះបានធ្វើឲ្យអ្នកគាំទ្រ និងអ្នកស្នេហាវិស័យបវរកញ្ញាមានការភ្ញាក់ផ្អើលគ្រប់គ្នា។
![](https://www.kampucheathmey.com/wp-content/uploads/2024/02/425594703_899121408889410_204658290528379014_n.jpg)
យ៉ាងណាកំឡុងពេលដែល ព្រះកាយ ច័ន្ទ សម្រេចចិត្តបោះបង់តំណែងពី Miss Grand ភ្នំពេញនេះដែរ គេសង្កេតឃើញប៉ុន្មានថ្ងៃនេះ ផ្ទុះការចាប់អារម្មណ៍ និងការវែកញែកពាក់ព័ន្ធរឿងរ៉ាវនេះផងដែរ។ តួយ៉ាងមានបណ្តាអ្នកគាំទ្រ និងផេកមួយចំនួនបានទម្លាយថា មានរឿងនៅពីក្រោយខ្នងដែលធ្វើឲ្យ ព្រះកាយ ច័ន្ទ លាលែងដំណែងមិនមែនជាភារកិច្ចផ្ទាល់ខ្លួនទេ ។
ប្រភពបានបន្តថា ទើបបង្ហោះ See you Soon ជាមួយ Photo shoot ថ្មី ១៧ ម៉ោងមុនសោះ ឥឡូវក៏បង្ហោះ ការប្រកាសផ្លូវការពី Miss Grand Phnom Penh ថាលាលែងតំណែង លួចប្រាប់ខ្លួនឯងថាមិនមែនជាការពិត តែក្តិចខ្លួនឯងទៅឈឺមែនទែនការពិតច្បាស់ៗ….។
![](https://www.kampucheathmey.com/wp-content/uploads/2024/02/IMG_20240226_072651_982-683x1024.jpg)
ចំណែកឯបវរកញ្ញា ៣ ដួងទៀតក៏បានបញ្ចេញមតិផ្សេងៗគ្នាផងដែរ ក្រោយការលាលែងតំណែង ព្រះកាយ ច័ន្ទ ខណៈកញ្ញា អ៉ិន លក្ខិណា បាននិយាយខ្លីថា ជាន់អ្នកណាបានជាន់អ្នកនឹង។ រីឯកញ្ញា រឿន ណាត លើកឡើងថា លេងល្ខោនឲ្យដឹងមុនអញ្ចឹងលែងល្អមើលបាត់ តែដើម្បីធ្វើជាអ្នកមើលដ៏ល្អយើងត្រូវតែមើលឲ្យដល់ទីបញ្ចប់ ទោះបីជាយើងដឹងសាច់រឿងមុនក៏ដោយ (មានអ្នកសម្ដែងក៏គួរមានអ្នកមើល)។
កញ្ញា លីវ ជីលី ក៏បាននិយាយដែរថា (ហាស្លាក់ ខ្ជាក់ស្លែង) បងប្អូនឆាតមកច្រើន រឿងហ្នឹង គ្រាន់តែចង់ជំរាបថា កុំចង់ល្បីតែឯងពេក ចែកគេល្បីផងអូន កុំព្រោះតែប្រយោជន៍ផ្ទាល់ខ្លួន តាមខាំ តាមជាន់គេ បងយល់ពីគោលបំណងរបស់អូនតែយ៉ាងណាគិតដល់មុខមាត់ប្រទេសជាតិរបស់យើងផងបើយកត្រូវយកអ្នកខ្លាំងទៅប្រកួតប្រយ័ត្នបេក្ខភាពខ្លាំងៗត្រូវដកខ្លួនអស់(បំណងល្អពីខ្ញុំជីលី)។
![](https://www.kampucheathmey.com/wp-content/uploads/2024/02/IMG_20240226_072651_851.jpg)
គេចាំបានថា បន្ទាប់ពីឆ្លងកាត់ការប្រឡងវគ្គជម្រុះជាច្រើននៅក្នុងកម្មវិធីកញ្ញាឯកដ៏អស្ចារ្យទីបំផុត គឺរកឃើញម្ចាស់មកុដ Miss Grand ភ្នំពេញ២០២៤ បានទៅ លើបេក្ខភាពតារាសម្តែងកញ្ញា ព្រះកាយ ច័ន្ទ ដែលតំណាងខណ្ឌទួលគោក។ ប៉ុន្តែក្រោតកាន់តំណែងនេះមិនទាន់បានប៉ុន្មាន នាងក៏បានប្រកាសដំណឹងលាឈប់ពីតំណែងដោយគ្មានការសោកស្តាយឡើយ។
![](https://www.kampucheathmey.com/wp-content/uploads/2024/02/FB_IMG_1708905848448.jpg)
នៅលើផេកផ្លូវការរបស់ស្ថាប័ន Miss Grand Phnom Penh បានបញ្ជាក់ដែរថា សូមប្រកាសជាផ្លូវការកញ្ញា ព្រះកាយ ច័ន្ទ សូមលាលែងពីតំណែងពី Miss Grand Phnom Penh ដោយហេតុខណៈពេលនេះកញ្ញាមិនទាន់មានពេលវេលាគ្រប់គ្រាន់ ព្រោះមានភារកិច្ចផ្ទាល់ខ្លួនត្រូវបំពេញចាំបាច់។ តាមរយៈដំណឹងនេះបានធ្វើឲ្យអ្នកគាំទ្រជាច្រើនសម្តែងការសោកស្តាយគ្រប់គ្នា៕
អត្ថបទ៖ ចាន់រ៉ា
-
សន្តិសុខសង្គម១ សប្តាហ៍ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម១ សប្តាហ៍ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម១ សប្តាហ៍ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៧ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ១ សប្តាហ៍ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៥ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
សេដ្ឋកិច្ច៤ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
ព័ត៌មានជាតិ២ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ