ជីវិតកម្សាន្ដ

Dispatch ផ្សាយថា Lee Jae Wook និង Karina ក្រុម aespa មានទំនាក់ទំនងស្នេហា

បានផុស

១០ ខែ មុន

នៅ

ថ្ងៃអង្គារ ២៧ កុម្ភៈ ២០២៤

ដោយ

នៅថ្ងៃទី២៧ ខែកុម្ភៈ ឆ្នាំ២០២៤ ប្រព័ន្ធផ្សព្វផ្សាយ Dispatch បានលាតត្រដាងទាំងស្រុងថា Lee Jae Wook និង Karina សមាជិករបស់ aespa កំពុងតែមានទំនាក់ទំនងស្នេហា ខណៈដែលទីភ្នាក់ងាររបស់ពួកគេនៅតែប្រុងប្រយ័ត្នដោយនិយាយថា កំពុងស្ថិតក្នុងដំណើរការ តើនេះជាការពិតឬអត់ ។

ជាការឆ្លើយតបទៅនឹងរបាយការណ៍របស់តារាសម្តែងទាំងពីររូបនេះ កំពុងណាត់ជួបគ្នាដោយសំងាត់ អ្នកតំណាងមកពីទីភ្នាក់ងាររបស់ Lee Jae Wook គឺ C-JeS Studio បាននិយាយនៅថ្ងៃទី ២៧ ខែកុម្ភៈ នេះថា “យើងទើបតែបានអានអត្ថបទ។ យើងនឹងត្រូវការផ្ទៀងផ្ទាត់ព័ត៌មាននេះឲ្យច្បាស់សិន!”

យោងតាមសេចក្តីរាយការណ៍ដដែលបានបញ្ចាក់ដែរថា តារាទាំងពីរត្រូវបានគេរាយការណ៍ថាកាន់តែមានភាពស្និទ្ធស្នាលក្នុងលក្ខណៈស្នេហា បន្ទាប់ពីបានចូលរួមក្នុងកម្មវិធីបង្ហាញម៉ូដម៉ាកយីហោជាមួយគ្នានៅទីក្រុង Milan កាលពីខែមុន ហើយទំនាក់ទំនងរបស់ពួកគេបានបន្តនៅក្នុងទីក្រុងសេអ៊ូល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លើសពីនេះទៀតដែរ របាយការណ៍បានបន្តទៀតថា គូស្នេហ៍មួយគូនេះបានចំណាយពេលជាមួយគ្នានៅទីក្រុង Milan និង Seoul ហើយទោះបីជា Karina កំពុងរស់នៅរួមក្រុម aespa នាពេលនេះក៏ដោយ ក៏អ្នកទាំងពីរអាចរីករាយនឹងការណាត់ជួបជាមួយគ្នាគ្រប់ពេលដែលពួកគេមានពេល។ ជាធម្មតា Karina នឹងជួបជាមួយ Lee Jae Wook នៅក្នុងសង្កាត់មួយ នាងត្រូវបានគេប្រទះឃើញដើរកៀកផ្ទះរបស់គាត់នៅពេលយប់ជានិច្ច។

សូមបញ្ចាក់ដែរថា Lee Jae Wook បានបង្ហាញខ្លួនជាលើកដំបូងក្នុងឆ្នាំ ២០១៨ ជាមួយនឹងរឿង ‘Memories of the Alhambra’ របស់ tvN ហើយចាប់តាំងពីពេលនោះមកបានបង្ហាញខ្លួននៅក្នុងរឿងជាច្រើនដូចជា Search: WWW’, ‘Extraordinary You’, ‘Do Do Sol Sol La La Sol’, ‘Alchemy of Souls’, និងរឿង ‘Death’s Game’។

ចំណែក Karina បានបង្ហាញខ្លួនជាលើកដំបូងជាសមាជិកក្រុមចម្រៀងនារី aespa ក្នុងឆ្នាំ ២០២០ ក្រុមនេះទទួលបានភាពជោគជ័យគួរឲ្យកត់សម្គាល់ជាមួយនឹងបទចម្រៀងល្បីៗដូចជា “Black Mamba”, “Next Level”, “Savage”, “Girls”, “Spicy” និង “Drama” ៕