ជីវិតកម្សាន្ដ

អតីតបវរកញ្ញាអាមេរិក ទទួលមរណភាពក្នុងអាយុ ៩៤ ឆ្នាំ

បានផុស

១២ ខែ មុន

នៅ

ថ្ងៃពុធ ២៨ កុម្ភៈ ២០២៤

ដោយ

កាលពីប៉ុន្មានថ្ងៃមុន សារព័ត៌មានបរទេសជាច្រើនបានចុះផ្សាយពីអតីតបវរកញ្ញាអាមេរិកនាឆ្នាំ ១៩៥២ Jackie Loughery បានទទួលមរណភាព ដោយធ្វើឲ្យអ្នកគាំទ្រសម្រស់មានការសោកស្ដាយជាខ្លាំង ខណៈដែលនាងគឺជារូបតំណាងសម្រស់ក្នុងទសវត្សរ៍ទី ៥០ នៃសតវត្សទីចុងក្រោយផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Jackie Loughery កើតនៅថ្ងៃទី ១៨ ខែមេសា ឆ្នាំ ១៩៣០ គឺជាតារាសម្តែងជនជាតិអាមេរិក ដែលបានឈ្នះពានរង្វាន់បវរកញ្ញា Miss Rockaway Point ឆ្នាំ ១៩៤៩ ហើយបន្ទាប់មកជាបវរកញ្ញាអាមេរិកដំបូងគេក្នុងឆ្នាំ ១៩៥២។ផ្នែកមួយនៃរង្វាន់ដែលឈ្នះរបស់នាងរួមមានកិច្ចសន្យាជាមួយ Universal Pictures ដែលជាជំហានមួយឈានទៅដល់អាជីពរបស់នាងក្នុងវិស័យភាពយន្ត និងទូរទស្សន៍។ នាងមានកម្ពស់ ១ម៉ែត្រ៦៣ ជាមួយនឹងរូបរាងស្លីម ជាពិសេសទម្រង់មុខដ៏ទាក់ទាញ។ នាងបានចូលរួមក្នុងការប្រលងបវរកញ្ញាចក្រវាលឆ្នាំ ១៩៥២ ហើយបានឈានដល់វគ្គផ្តាច់ព្រ័ត្រកំពូលទាំង១០ ។

ក្លាយជាអ្នកជំនាញឈានមុខគេខាងផ្នែកសម្រស់ និងភាពយន្ត គាត់បានចូលរួមចំណែកយ៉ាងច្រើនក្នុងវិស័យកម្សាន្តនៅសហរដ្ឋអាមេរិក ជាមួយនឹងតួនាទីមិនអាចបំភ្លេចបាន។ ពេលនិយាយពីគាត់ ទស្សនិកជននឹកឃើញរូបភាពនារីដ៏ប្រណិតជាមួយពណ៌ថ្នាក់ខ្ពស់។ ទោះបីមានវ័យចាស់ និងសុខភាពខ្សោយក៏ដោយ គាត់តែងតែមានសុទិដ្ឋិនិយម និងលើកទឹកចិត្តកូនៗ និងចៅៗ។ បវរកញ្ញារូបនេះបាននិយាយថា ការក្លាយជាតារាសម្ដែង មិនត្រឹមតែជាការងារ ឬអាជីពប៉ុណ្ណោះទេ ប៉ុន្តែក៏ជាចំណង់ចំណូលចិត្តដែរ។

យ៉ាងណាមិញ នៅពេលឈានដល់វ័យចាស់ជរា អតីតបវរកញ្ញារូបនេះ បានធ្លាក់ខ្លួនឈឺយ៉ាងធ្ងន់ធ្ងរនៅអាយុ ៩៣ ឆ្នាំ។ ទោះបីជាគ្រួសារបានមើលថែ និងព្យាបាលនាងក៏ដោយ ក៏គាត់មិនរួចជីវិតដែរ។ ការបាត់បងរូបគាត់បានធ្វើឲ្យវិស័យរាជិនីសម្រស់ជាច្រើននាក់ មានការសោកស្ដាយនិងចងចាំនូវរូបគាត់ជានិច្ច៕