ជីវិតកម្សាន្ដ

មាស នីតា ថា មានមនុស្សតែម្នាក់គត់ដែលអាចកំដរយំ និងលួងលោមឲ្យរឹងមាំ

បានផុស

១១ ខែ មុន

នៅ

ថ្ងៃសុក្រ ១ មីនា ២០២៤

ដោយ

តារាចម្រៀង និងជាអតីតបេក្ខភាពកម្មវិធីប្រឡងចម្រៀងលំដាប់ថ្នាក់ពិភពលោក កញ្ញា មាស នីតា កន្លងមកថ្វីត្បិតមិនអាចក្តាប់បានឱកាសក្លាយជាម្ចាស់ពានក៏ពិតមែន តែបច្ចុប្បន្នមានទីផ្សារការងារច្រើនគួរសម ពិសេសការចេញច្រៀងតាមបណ្ដាខេត្តនានាជាដើម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាមួយអាជីពសិល្បៈកាន់តែទទួលបានការគាំទ្រ និងជោគជ័យគួរសមនេះដែរ កញ្ញា មាស នីតា ទម្លាយថា សម្រាប់នាងមានមនុស្សតែម្នាក់គត់អាចកំដរយំ និងលួងលោមឲ្យរឹងមាំពេលមានបញ្ហាពិបាកចិត្ត ឬស្មុគស្មាញខ្លាំងបំផុត។ កញ្ញា មាស នីតា បញ្ជាក់ថា «ថ្ងៃដែលខ្ញុំហត់នឿយ និងស្មុគស្មាញខ្លាំងបំផុត ខ្ញុំតែងតែទៅអង្គុយនៅក្រៅផ្ទះម្នាក់ឯង ហើយនិយាយរឿងក្នុងចិត្តទាំងអស់ទៅកាន់មនុស្សម្នាក់ដែលអង្គុយក្បែរខ្ញុំ»។

តារាចម្រៀង មាស នីតា បាននិយាយទៀតថា «គេជាមនុស្សតែម្នាក់គត់ដែលព្រមស្ដាប់ និងព្រមកំដរខ្ញុំគ្រប់ពេលខ្ញុំពិបាកចិត្ត ហើយគេក៏ជាមនុស្សតែម្នាក់គត់ដែលអាចកំដរខ្ញុំយំ និងលួងលោមខ្ញុំឲ្យរឹងមាំ ម្នាក់នោះ គឺ “ស្រមោលខ្ញុំ”»។ គេចាប់អារម្មណ៍ដែរថា កញ្ញា មាស នីតា គឺជានារីម្នាក់ដែលបានហែលឆ្លងកាត់ការលំបាកជាច្រើនទម្រាំធ្វើឲ្យជីវិតរបស់នាងភ្លឺស្វាងមកដល់ពេលនេះ។

ប្រាកដណាស់ មាស នីតា គេសង្កេតឃើញថា នាងតែងតែធ្វើបានល្អជានិច្ចជាមួយនឹងសំឡេងមនោសញ្ចេតនាក្រអួនក្រអៅរបស់រូបគេ ខណៈចំនួនអ្នកគាំទ្រកើនឡើងជាលំដាប់។ ម្យ៉ាងទៀតចាប់តាំងពីបញ្ចប់ការប្រឡងមក កញ្ញា ពៅ ស្រីមាស ហៅ មាស នីតា គឺទទួលបានទីផ្សារការងារច្រើន ទាំងការឡើងឆាកតន្ត្រី និងថតសម្អាងការជាបន្តបន្ទាប់ផងដែរ៕

អត្ថបទ ៖ ចាន់រ៉ា