ជីវិតកម្សាន្ដ

Lee Dong Wook ទម្លាយថា ប្ដូរចិត្តលាឈប់ពីអាជីពសម្ដែងដោយសារ Gong Yoo

បានផុស

១១ ខែ មុន

នៅ

ថ្ងៃសុក្រ ១ មីនា ២០២៤

ដោយ

តារាសម្ដែងប្រុស Lee Dong Wook បានទម្លាយប្រាប់ទស្សនិកជនអំពីពេលវេលាក្នុងជីវិតរបស់លោកផ្ទាល់ខ្លួន ដែលកាលពីមុនលោកស្ទើរតែឈប់សម្តែងភាពយន្ត និងចង់ចាកចេញពីឧស្សាហកម្មកម្សាន្តនេះទៅហើយ។ ប៉ុន្តែដោយសារតែ Gong Yoo ទើបរូបលោកមានថ្ងៃនេះមកបាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីសម្តែងក្នុងភាពយន្តភាគ Life ក្នុងឆ្នាំ ២០២៨ Lee Dong Wook បានសារភាពថា គាត់មានបទពិសោធន៍ បន្ថែមពីលើការវាយតម្លៃទាបនៃស៊េរីនេះ, គាត់ក៏ទទួលបានការបញ្ចេញមតិស្អប់ខ្ពើម ហើយដាក់សម្ពាធលើខ្លួនឯងអំពីការសម្តែងរបស់គាត់ក្នុងរឿងភាគមួយនេះ។

តារាសម្ដែងកូរ៉េខាងត្បូងរូបនេះបានទម្លាយប្រាប់ថា “ខ្ញុំមិនពេញចិត្តនឹងការសម្តែងរបស់ខ្ញុំនៅក្នុងស៊េរីនោះទេ។ វាបានទទួលបានការស្អប់តាមអ៊ីនធឺណិត ហើយរឿងអវិជ្ជមានទាំងអស់ហាក់ដូចជាត្រូវបានតម្រង់មកខ្ញុំ។ រហូតដល់ខ្ញុំចាប់ផ្ដើមគិតថាខ្ញុំត្រូវគេស្ដីបន្ទោស និងមានអារម្មណ៍មិនល្អចំពោះរឿងនោះទាល់តែសោះ”។

លើសពីនេះទៀតដែរ តារាប្រុសវ័យ ៤២ឆ្នាំរូបនេះ បាននិយាយបន្តទៀតថា “ខ្ញុំមិនដែលនិយាយរឿងនេះទេ ប៉ុន្តែខ្ញុំកំពុងគិតយ៉ាងខ្លាំងអំពីការចូលនិវត្តន៍ និងការផ្លាស់ទៅប្រទេសផ្សេងជំនួសវិញ ហើយផ្តោតសំខាន់លើការហាត់ប្រាណ ប៉ុន្តែការទៅកន្លែងហាត់ប្រាណមិនបានធ្វើឲ្យសុខភាពផ្លូវចិត្តរបស់ខ្ញុំប្រសើរឡើងទេ នៅពេលនោះមាន Gong Yoo ដែលបានផ្លាស់ប្តូរអ្វីៗទាំងអស់របស់ខ្ញុំនាពេលនោះ។

គាត់បានបន្តលើកទឹកចិត្តខ្ញុំឲ្យចេញមក។ ដូច្នេះ ខ្ញុំបានចេញទៅក្រៅជាមួយគាត់ តែគាត់ក៏មិនបានសួរខ្ញុំពីកង្វល់របស់ខ្ញុំទេ។ យើងមានការសន្ទនាធម្មតា បន្ទាប់ពីនិយាយពីរឿងសាមញ្ញ ខ្ញុំដឹងថានេះជាកន្លែងរបស់ខ្ញុំ។ នេះជាកន្លែងដែលខ្ញុំគួរតែនៅ។ បន្ទាប់មក ខ្ញុំចាប់ផ្ដើមចេញទៅក្រៅកាន់តែច្រើនឡើង។

ទោះយ៉ាងណាក៏ដោយ បន្ទាប់ពីទស្សនិកជនបានស្ដាប់នូវការទម្លាយរបស់តួប្រុសក្នុងរឿង “Guardian: The Lonely and Great God” រួចមកម្នាក់ៗសុទ្ធតែយល់ស្របដូចគ្នាថា នៅពេលនោះ ប្រសិនបើ Gong Yoo មិនចូលមក Lee Dong Wook ប្រហែលជាបោះបង់ចោលមុនពេលសម្ដែង ហើយបានទទួលជោគជ័យក្នុងរឿងភាគផ្សេងទៀតដូចជា Tale of the Nine Tailed, Strangers From Hell និង A Shop for Killers មកទល់សព្វថ្ងៃនេះទេ៕