ជីវិតកម្សាន្ដ

កុយ អេនណា អាចចូល Miss Grand ម្ដងទៀតជំនួសតំណែងប្រជាប្រិយ ព្រះកាយ ច័ន្ទ ឬយ៉ាងណា?

បានផុស

១២ ខែ មុន

នៅ

ថ្ងៃចន្ទ ៤ មីនា ២០២៤

ដោយ

កញ្ញា កុយ អេនណា បវរកញ្ញាលំដាប់រងទី១ ក្នុងកម្មវិធី Miss Grand Cambodia 2023 ថ្មីៗនេះមានប្រភពមួយចំនួនបង្ហើបថា បវរកញ្ញារូបនេះអាចនិងចូលប្រកួតជាថ្មីនៅក្នុងការប្រឡងកម្មវិធី Miss Grand Cambodia 2024 ឆ្នាំនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដំណឹងនេះបានធ្វើឲ្យអ្នកគាំទ្រនាងមួយចំនួនធំ និងអ្នកនិយមតាមដានវិស័យដើរម៉ូដនៅកម្ពុជាបានបង្ហាញក្តីរំពឹងថា អេនណា អាចនឹងវិលត្រឡប់ប្រជែងតំណែងនៅក្នុងកម្មវិធីមួយ ខណៈមានទស្សនិកជនខ្លះទៀតលើកទឹកចិត្តឲ្យស្រីស្អាត កុយ អេនណា លេចវត្តមានប្រកួតផងដែរ។

ស្របពេលដំណឹងខាងលើនេះដែរនៅលើផេកTeam Cambodia Pageant បានបញ្ចេញរូបភាពអមខ្លឹមសារហាក់បង្ហាញតម្រុយថាស្ងាត់ៗ អេនណា ចូល Grand Cambodia ម្ដងទៀតឆ្នាំនេះជំនួសតំណែងប្រជាប្រិយពី ព្រះកាយ ច័ន្ទ តើគិតយ៉ាងណា? ។ បើដូច្នោះមែន ដឹងតែផ្អៀងឆាកហើយ…..។

ចំណែកផេក Beauty Pageant Reviewer បានលើកឡើងស្រដៀងគ្នានេះដែរថា តើអ្នកទាំងអស់គ្នានឹកកូនស្រីម្នាក់នេះ ទេ ធ្វើវាឲ្យបានសម្រេចទាន់មហិច្ឆតារបស់អ្នកនៅមានកម្តៅ Koy Anna មកយកអ្វីដែលជារបស់នាង។ ក្នុងនោះក៏មានការលើកឡើងថា បងអេនណា គឺមិនដែលធ្វើឲ្យហ្វេនៗគាត់ខកបំណងឡើយប្រសិនបើមានការគាំទ្រយ៉ាងលើសលប់ឲ្យគាត់ Come Back មកម្តងទៀតនោះគាត់នឹងមកជាមិនខាន។

ទោះបីមានការបង្ហើបដូច្នេះ រហូតមកដល់ពេលនេះគេមិនទាន់ឃើញការបញ្ជាក់ ឬបង្ហាញតម្រុយណាមួយពី សាមីខ្លួនកញ្ញា កុយ អេណា ជុំវិញការវិលត្រឡប់ ឬយ៉ាងណាទេ ខណៈមានអ្នកគាំទ្រជាច្រើនចង់ឃើញនាងវិលមកកាន់ឆាកប្រកួតនេះម្តងទៀត៕

អត្ថបទ៖ ចាន់រ៉ា